ZAKHARIA 4:2 - KITAB NU TUMPU ALLA LELE MA'IMAI'

² Pinokilawanyo mae, “Apaa na anu tinoamo nu beleyum?” “Sa'angu' na sulaan nu sulu' mosoni' na tinutuk,” na koongku. “Aita mae i pupusnyo daagi' ko tampat bau pongisian lanya', ka' anu montikubi popitu' na sulu' ka' toto sa'angu' ko tampat bau pompokonan sumbunyo.

ZAKHARIA 4:2 Iomraidhean Croise

1 TAWARIKH 28:15

toto sa'angu' na sulu' ka' tengke nu sulu',

2 TAWARIKH 13:11

Toka subu-subu ka' mama lomo, aha mompapuimo kamangian ka' monsombahkonmo koloban anu opotunu hi Tumpu ka' momposadiamo roti anu suele osombahkon. Salatan malomo nututungimo nu aha na sulu' haha aijo' i tengke nu sulu' anu mosoni' na binau. Kami tataap montuluti iwi-iwi' palentah nu Tumpu, panyo belemiu nohikumo Ia.

2 TAWARIKH 4:7

Ia noki bau mule' sampulu' na tengke nu sulu' mosoni' na binau montiho sonto' anu lewa'mo pinopikilakon, ka' 10 na meja'. Iwi-iwi' na tengke nu sulu' ka' 10 na meja' haha aijo' pinokoko i uno nu Salipi' anu o'angga'i i Laigan nu Tumpu – toto olima', sasu kowi olima', ka' olima' mule' i sasu koanan. Pinoki baunyo mule' 100 na mangko' mosoni'.

ANU MOMPOLELE POTATAE NU TUMPU 12:6

Lante salaka mobotu'mo ka' mosi tade-tademo; sulu' mosoni' manabu'mo ka' moposo'mo; kahohon anu ponsegoti Pontauk uee mobotu'mo ka' ma'idekmo; kuhon hansunmo ka' motatabumo.

YEREMIA 24:3

Lantas Tumpu notataemo mae hi belengku, “O Yeremia apaa na anu tinoamo nu beleyum?” Aku nontaamimo, “Bua' nu kau' ara, O Tumpu. Anu toto ima-ima', ma'ima' hondo, ka' anu toto mahu-mahutak nahutakmo hondo sahingga madi'mo timbali okaan.”

YEREMIA 52:19

Balang iwi-iwi' anu mosoni' na binau tiba salaka, aijo'mo mangko'-mangko' toto ise-ise' ka' mule' tampat pompo una'an oba nu apu, mangko'-mangko' tampat pongisian baso' nu binatang anu okolotmo bau koloban, tampat bau pongian abu', tengke nu sulu', mangko'-mangko' pompotimpasan kamangian, ka' mule' mangko'-mangko' anu opake mondudu'akon anggur anu osombahkon, iwi-iwi ingalamo i Nebuzaradan.

AMOS 7:8

Ia nompokilawamo hi belengku, “Beleyum nontoa apaa Amos?” Tinamaan-Ku, “Kahohon na pinotinjo hodi-hodi Tumpu.” Lantas Tumpu notatae, “Aku nompake kahohon bau pongukun aiya da bau ponsumbu'an saba' mian-Ku anu palesayamo sumomo pagan mesen anu madi' hodi'. Aku madi'mo daagi' mombabali'i tanga'an Ku, Aku memang mohukumo aha.

ZAKHARIA 5:2

Malaekat aijo' nompokilawamo mae pa' apaa na anu tinoangkumo aijo'. Tinaamanku, “Sa'angu' na lulunan nu kitab i lumahapmo nokiita' i langa. Komantannyo osio' na meten ka' kobolanyo opat ka' mintonga' na meten.”

ANU PINOTO'I HI YOHANES 1:12

Aku nosiloi i hiku da montoa pa' ihe na aijo' anu notatae mae hi belengku. Lantas, aku nontoamo popitu' na tengke nu sulu', mosoni' na binau.

ANU PINOTO'I HI YOHANES 1:20

Aiyamo na lahasia nu popitu' na mandala' anu tinoamo nu beleyum i limang-Ku koanan, ka' i popitu' na tengke nu sulu' mosoni' aijo': Popitu' na mandala' aijo' atina'mo na to mala-malaikat i popitu' na jama'at aijo', ka' popitu' na tengke nu sulu' aijo' atina'mo na jama'at anu popitu' aijo'.”

ANU PINOTO'I HI YOHANES 4:5

I kasuhangan aijo' tinolopinjitmo mae na jingkalap nu kilat ka' lontup nu gohung anu pinode-podeledekmo. Ka' i ahop nu kasuhangan aijo' popitu' na pansona' anu moak, aijo'mo popitu' na Roh nu Tumpu Allah.