ZAKHARIA 3:9 - KITAB NU TUMPU ALLA LELE MA'IMAI'

⁹ Ku potimpasmo na batu sa'angu' hi ahop i Yosua, popitu' na pasu'nyo anu Ku botikje nu tulisan-tulisan. Ola sansinaa na kopinnyo Ku alinmo na dosa' nu lipu' aiya.

ZAKHARIA 3:9 Iomraidhean Croise

1 TOMU-TOMUNDO' 1:20

Kita mian daka' anu talasanggo, iwi-iwi' na mian da'isan nu Israel, uuka aiya lewa'mo montanda'i ihe na otiju' nu belento Tomundo', timbali tomundo' mombolosakon belento Tomundo'.

2 TAWARIKH 16:9

Tumpu na montoa songko-songko na dunia ka' mombee'i kahosonan kona hi to mia-mian anu tulu-tulutan hi ia. Beleyum nombaumo apa-apaa anu sala', kalana aijo' otampu'uni uuka aiya beleyum saja'mo monta'up pahampatean.”

MAZMUR 103:12

Sumo kojo'onnyo nu kabete'an lengkat mae i kinsoban, sumo aijo'mo na Ia mompojoon dosa'to iwi-iwi'.

MAZMUR 118:22

Batu anu ingalinmo nu to tuka-tukang anu nombau laigan tinimbalimo batu pinongusoi.

NOSABATMO 28:21

Toto sa'angu' na mainan aijo' tionyo ahi' otulisi sala'sa'angu' na sanggo nu anak i Yakub anu sampulu' ka' ohua' salaku tanda da boli okolilimi na tulunan nu bansa Israel.

NOSABATMO 28:36

Bau na mainan mosoni' anu madi' ko galo'nyo, ka' otulisi potatae, 'Mokalaja samata-mata hi Tumpu.

YESAYA 28:16

Kalana aijo' Tumpu Anu Matangkas na Kuasanyo notataemo sumo uuka, “Ku potimpasmo na usoi anu mahoson hondo aita' i Sion; sa'angu' na batu bau usoi anu mahan na olinyo ka' kotulisannyo: ‘Ihe na palesaya totu-totu'u madi' mangaku kala'.’

YEREMIA 31:34

Madi'mo daagi' palalu maunyomo ola samian na bubu' aha mongajan sangalunyo da monsumbu' Tumpu. Kalana aha iwi-iwi' anu tu'amo kabai anu daagi' anak saidi' mae monsumbu'mo Aku. Kasala'an-kasala'an nu aha madi'mo lewa' Ku inau', to dosa-dosa' nu aha Ku ampunimo. Aku, Tumpu notataemo.”

YEREMIA 50:20

Toka itempo'nyo aijo' Israel tiba Yehuda belesi'mo madi'mo baladosa', kalana Ku ampunimo na to mia-mian anu pinosalamat-Kumo. Aku, Tumpu, notataemo.”

ZAKHARIA 13:1

Tumpu Anu Daka' na Kuasanyo notatae, “I sinaa aijo' mimpusesemo mae sa'angu' na mata nu uee da momposusi' lee' mae i Daud tiba mian anu jojoong i Yerusalem da madi'mo baladosa' ka' mule' palasombahan hi pilogot anu lewa-lewa'mo binau nu aha.

ZAKHARIA 3:4

Sahingga notataemo na malaekat aijo' hi to pomba-pombantunyo kiita i suluga', “Ukatakon na baju'nyo aijo' anu kinotonmo ka' alinmo na anu aijo' puso-pusok hi mian aiya.” Ka' hi Yosua ia notatae, “Dosa' nu beleyum ingalinankumo, beleyum ku bee'imo baju' anu bu'ou.”

YOHANES 1:29

Dodododopnyo, i Yohanes nontoa i Yesus namba mae hi ia. Lantas i Yohanes notatae, “Toa, aijo'mo na Anak Domba nu Tumpu Allah anu mongalini dosa' nu dunia.

YOHANES 6:27

Boli mokalaja de ola da mohumpak anu okaan anu timbali mingkot ka' mawa'i. Bakalaja da pohumpakan anu okaan, anu madi' toho' mawa'i ka' anu mombee'i kantumuu'an anu talakana' ka' sampe toka sidu-sidutu'. Anu okaan aijo' nubee'je nu Anak Mian hi beleyum, kalana Ia i hangkatmo nu Tumpu, Tuuman-To.”

SISIKON NU TO RASUL-RASUL 4:11

I Yesus aiyamo na anu nupatujui nu ayat aiya i uno nu Kitab nu Tumpu, ‘Batu anu madi' opake nu komiu to tuka-tukang anu topo bau laigan, padahan tinimbalimo batu anu penting.’

ROMA 9:33

Mongkona batu aijo', i Kitab nu Tumpu tinulis sumo uuka, “O intomakon na aiya: I Sion pinotimpas-Kumo sambatu na batu anu monsaduakon mian tosumpun; aijo'mo sambatu na batu daka' anu monsaduakon mian motua'. Panyo mian anu palesaya hi Ia madi' mompele-pele'.”

2 KORINTUS 1:22

Kalana han aijo' sahingga Tumpu nompotantumo kita, iamo na tumpu-Nyo, ka' nombee'imo Roh-Nyo i kinyonyoanto salaku tanda pompohoson saba' tionyo nu bee' hi kita iwi-iwi' na anu jinanji'-Nyomo.

2 KORINTUS 3:3

Posi aha timbali montoa saba' komiu Utus pokakanamo sulat anu tinulis i Kristus, anu pinakatunyo ka' pinotokakon mami. Sulat aitu misa' tinulis nu tinta, panyo Roh nu Tumpu anu tumuu'; misa' mule' i batu tulis, panyo i kinyonyoa nu mian.

2 TIMOTIUS 2:19

Panyo usoi anu mahoson binau nu Tumpu madi' opoko ala o idei. I buannyo tinulismo sumo uuka, “Tumpu monsumbu' to mia-mian-Nyo”, ka' “Mian anu motatae tukoonyo ia anumo nu Tumpu, mian aijo' tionyo montibahakonmo mombau palabuatan anu sala'.”

IBRANI 7:27

Ia madi' sumo to ima-imam daka' sangga'at, anu toka sansina-sinaa tionyo monsombahkon koloban kalana posi dosa'nyo iwi-iwi', lapas aijo' atina'je ka' kalana to dosa-dosa' nu mian anu palesayamo. I Yesus nonsombahkon koloban ola ninsan panyo tinanggungnyomo sampe toka sidu-sidutu', tempo'nyo Ia nonsombahkonmo posi butong-Nyo salaku bau koloban.

1 YOHANES 2:2

I Yesus Kristus na mombolosakon da iwi-iwi' na dosa'to o ampuni. Ka' misa' ola dosa'to panyo suele tiba dosa' nu iwi-iwi' mian.

ANU PINOTO'I HI YOHANES 5:6

Lapas aijo', aku nontoa sa'angu' na Anak nu Domba tinuminjo aijo' i totonga' nu kasuhangan aijo', tinikubanmo nu malaikat opat ka' iwi-iwi' na to pola-polaya' haha aijo'. Anak nu Domba aijo', otoa sumo anu kinolotmo. Ia ko tanduknyo popitu' ka' popitu' na matanyo: Aijo'mo popitu' na Roh lengkat mae hi Tumpu anu sinaimo mae mamba i songko-songko na dunia.