ZAKHARIA 3:7 - KITAB NU TUMPU ALLA LELE MA'IMAI'

⁷ “De beleyum montuluti ahi' atulan-Ku ka' mombau pakalaja'an anu Ku bee' hi beleyum saba' saja'mo ahi' beleyum na timbali bau polaya' i uno nu Laigan-Ku ka' mongkalesang natannyo. Ku hongoje na do'a nu beleyum susumo Aku mohongo do'a nu to mala-malaekat anu ohani hi beleng-Ku.

ZAKHARIA 3:7 Iomraidhean Croise

KAJADIAN 26:5

Ku balakatije na komiu, kalana i Abraham nontulutimo Aku ka' nompo'imboamo iwi-iwi' na atulan ka' palentah-ngKu.”

1 TOMU-TOMUNDO' 2:3

Ka' obau apaa na anu nu palentahkon nu Tumpu Allah nu beleyum hi beleyum. O tuluti na to atu-atulan ka' to pale-palentahNyo anu tinulismo i uno nu Kitab i Musa, da momoya na kalambanan nu beleyum mingkaliangan na anu nu bau.

1 TOMU-TOMUNDO' 3:14

Ka' de beleyum sumo tuuma nu beleyum i Daud, montuluti Aku ka' mombatuki atulan-Ku iwi-iwi', Ku bee'i na beleyum tuumu' mantan na umun.”

1 TAWARIKH 23:32

Aha mule' binee'anmo kalaja saja' montoa ka' mompokopiani Kemah nu Tumpu ka' laigan nu Tumpu ka' montulungi to utu-utus nu aha aijo'mo to ima-imam lee' mae i Harun, de mongantanmo anu monsombah Tumpu i tampat aijo'.

YESAYA 62:9

Panyo beleyum ahi' na mongala anu pinadakmo, mongkaanmo hasinnyo ka' mompuji'mo Tumpu; ka' belemiumo ahi' na anu montipumo bua'nyo nu anggur, monginumo ueenyo ipopasan nu Laigan-Ku.”

YEHEZKIEL 44:8

Misa'mo posi aha na mokalaja pakalaja'an anu susi' iuno nu Laigan-Ku, panyo mianmo anu isalipu'an mae na nu pokalaja nu aha mombau palakaja'an aijo'.

YEHEZKIEL 48:11

Daerah anu pinosadiamo aijo' ahamo to ima-imam na tumpunyo anu tulunan mae i Zadok. Aha tinulu-tulutanmo na nombau apaa na anu pinalentahkon nu Tumpu ka' madi' susumo aha mian nu Lewi anu bubu' mae sa'a-sa'angu' na tulunan, nonombaumo dosa' suele tiba aha mian nu Israel sangga'atannyo.

IMAMAT 10:3

Lantas i Musa notataemo hi Harun, “Aijo'mo na anu kokoonyo nu Tumpu tempo'nyo Ia notatae, 'Iwi-iwi' na anu mombau apaa na anu Ku poto'i tionyo ahi' mongadati kasusi'an-Ku. Aku mompotoamo katalasanggoan-Ku hi aha iwi-iwi' bansang-Ku.' ” Panyo i Harun ola nomohokot.

IMAMAT 8:35

Pitun sinaa na kopinnyo sinaa ka' pihi, belemiu tionyo ahi' sabole-bole jojoong i ahop nu sabatan nu Kemah mombau apaa na anu pinalentahkonmo nu Tumpu. De belemiu madi' mombau, belemiu matemo. Aijo'mo na pinalentahkon nu Tumpu hi belengku.”

ZAKHARIA 3:6

Lapas aijo' malaekat aijo' nompoto'imo potatae nu Tumpu hi Yosua,

ZAKHARIA 4:14

Ia suele notataemo, “aijo' alati'nyo ua'aha na mian anu pinile'anmo nu Tumpu i dunia aiya songko-songko ka' binee'anmo pakalaja'an da mombau anu Nu palentahkon.”

ZAKHARIA 6:15

Tomia-mian tokamo mae lengkat i tampat anu majo'on ka' montulungimo mombau Laigan-Ku. De laigan aijo' timbalimo nu sumbu'je nu aha na Aku talu' Tumpu Anu Daka' na Kuasanyo nonompalentahmo mae beleyum da tinoka mae hi aha. Iwi-iwi' aijo' timbali jadi de aha totu-totu'u montuluti iwi-iwi na palentah-ngKu, Tumpu nu aha.”

ZAKHARIA 6:5

Ia nontaami, “Aku nambamo i opat na tampat anu nu tujui nu aha de aha moko pangadapmo hi Tumpu nu songko-songko na dunia.

MATIUS 19:28

I Yesus notatae hi aha, “Palesayamo: I Dunia Bu'ou, Anak nu Mian sumuhangje i kasuhangan-Nyo anu talasanggo. Tempo'nyo aitu, komiu anu saja' mombatuki Aku, sumuhangje i sampulu' ka' ohua' na kasuhangan anu talasanggo, ka' momputusi sampulu' ka' ohua' na tulunan nu bansa Israel!

LUKAS 22:30

Ka' desumo aijo'mo, komiu timbalimo hingga-hinggat balasanang tiba Aku, de Aku timbalimo Tomundo. Ka' komiu saidi' mae sumuhangmo aita' i sampulu' ka' ohua' na kasuhangan nu Tomundo, da mompalentah sampulu' ka' ohua' na tulunan bansa nu Israel.”

YOHANES 14:2

I laigan nu Tuumang-Ku daagi' manjoo' na tampat kajojoongan. Aku mamba mokiita' montoukai tampat miu. Aku madi' motatae sumo aijo' hi komiu, de aijo' madi' sumo aitu.

ANU PINOTO'I HI YOHANES 3:21

Aha anu inguntungmo i uno nu kasabalan, Ku pobee'je sumuhang i kasuhangan-Ku tiba Aku, pokakana sumo Aku suele inguntungmo i uno nu kasabalan ka' uuka aiya sinumuhangmo tiba Tuumang-Ku i kasuhangannyo.