ZAKHARIA 3:4 - KITAB NU TUMPU ALLA LELE MA'IMAI'

⁴ Sahingga notataemo na malaekat aijo' hi to pomba-pombantunyo kiita i suluga', “Ukatakon na baju'nyo aijo' anu kinotonmo ka' alinmo na anu aijo' puso-pusok hi mian aiya.” Ka' hi Yosua ia notatae, “Dosa' nu beleyum ingalinankumo, beleyum ku bee'imo baju' anu bu'ou.”

ZAKHARIA 3:4 Iomraidhean Croise

2 SAMUEL 12:13

Lantas notataemo na i Daud hi Natan, “Aku binaladosa'mo hi Tumpu.” Tinaaman i Natan, “Tumpu mongampunimo belento Tomundo'; jadi belento Tomundo' madi'ahi' silaka.

1 TOMU-TOMUNDO' 22:19

I Mikha po'ule' mule' notatae, “Uuka aiya potombihing mae apaa na anu pinoto'imo nu Tumpu! Tinoangku na Tumpu suha-suhang i kadela aita' i suluga' ka' iwi-iwi' na malaikat-Nyo sika-sika tinjo hi Ia.

MAZMUR 51:9

Posusi'akon mae na aku da aku belesi'mo; baso'i mae na aku, da ku lingkuduimo na kopute'nyo nu kabu-kabu.

YESAYA 43:25

Panyo Aku ahi' Tumpu na nohapusmo dosa' nu beleyum, Aku mongampunimo beleyum kalana sumo aijo'mo nakinyonyoang-Ku; Aku madi'mo daagi' sola' monginau dosa' nu beleyum.

YESAYA 44:22

Kasala'an nu beleyum Ku laa'mo da mamba susumo kundom, dosa' nu beleyum Kusikaimo da mamba susumo sehu'. Pinsusule'mo mae hi beleng-Ku, kalana pinobebas-Kumo na beleyum!”

YESAYA 52:1

Pobulamo o, Yerusalem, pobulamo! Pohoson na kinyonyoa nu beleyum! Pusokmo na baju' pesalin nu beleyum! O, Yerusalem, kota' anu susi', mian anu mahumimi' madi'mo daagi' minsoop i sabatan daka' nu belemiu.

YESAYA 61:10

Yerusalem notataemo, “Aku i lame'mo kalana Tumpu, kinyonyoangku binilahimo kalana Tumpu. Susumo boting mo'ane ka' boune nompakemo mainan anu toto ima-ima' hondo, sumo atina'mo na Tumpu nompopusok mae hi belengku baju' kasalamatan ka' kamangan.

YESAYA 61:3

da mombee'i kabilahian ka' kalame'an hi mian anu sinusa'mo nakinyonyoanyo kalana koanumo sinilaka; da momabli'imo kinyonyoa nu aha sisinusa'mo timbalimo nyanyian bau pompuji'. Aha sumomo kau' anu pinosi su'an nu Tumpu. Aku mombaumo anu ma'ima' ka' totu'u, sahingga Tumpu opopodaka'mo.

YEREMIA 52:33

Ia pinobee'mo nombolosi baju'nyo anu pinusok tempo'nyo tinalungku' ka' sidu-sidutu' ia na timbali ahi' mongkaan ilaigan nu tomundo' ka' sansinaa toka sansinaa obee'i doi da nu pake bau kapaluan nu kantumuu'annyo.

YEHEZKIEL 36:25

Lapas aijo' belemiu Ku pipi'mo nu uee anu molino hondo da belemiu belesi'mo madi'mo ko pilogotnyo ka' mule' iwi-iwi' anu nohumimi'imo belemiu.

YEHEZKIEL 42:14

De to ima-imam lapasmo na mokalaja i Laigan nu Tumpu ka' kahanda'mo mamba ipopasan anu isambiha'nyo, saba' baju' anu samata-mata nu pusok nu aha de mokalajamo i Laigan nu Tumpu tionyo ahi' nu po una' nu aha isuo'nyo haha aijo'. Aha tionyoje ahi' mompusok baju' aijo' atina'je ka' aha mamba itampat kasihukan nu mian da'isan.”

MIKHA 7:18

Madi' ko Tumpu anu sumo Belento, o, Tumpu anu mongampuni dosa' nu mian anu pinile'anmo nu Belento aijo'mo mian anu daagi' tinontuha'. Madi' sampemo sidu-sidutu' na Belento motambuha'; panyo ola ahi' belento sanang na mompotoa kanonongan nu Belento anu madi' ko batasnyo aijo'.

MIKHA 7:19

Belento mongkanonongi mule' kami ka' mongampuni kami. Iwi-iwi' na dosa' mami Nu peja-peja'mo ka' mule' Nu bahetakonmo mokaiyong ilana nu ambai! Kona hi aha mian nu Belento anu palesayamo, lee' mae i Abraham ka' mule' i Yakub! Nu potoamo na ka' ima'an tiba mule' kanonongan nu belento anu madi' ko batasnyo aijo' susumo anu jinanji'mo nu belento hi mompolee' mami daagi' pe'e naipuan mae. 15

ZAKHARIA 3:1

Anu tinoa mule' sangga'at, Tumpu nompotoamo mule' hi belengku i Imam Daka' Yosua tinjo-tinjo i ahop nu malaekat nu Tumpu. Sasu hi Yosua tinuminjomo na Setan anu kahanda'mo mongkalak ia.

ZAKHARIA 3:7

“De beleyum montuluti ahi' atulan-Ku ka' mombau pakalaja'an anu Ku bee' hi beleyum saba' saja'mo ahi' beleyum na timbali bau polaya' i uno nu Laigan-Ku ka' mongkalesang natannyo. Ku hongoje na do'a nu beleyum susumo Aku mohongo do'a nu to mala-malaekat anu ohani hi beleng-Ku.

ZAKHARIA 3:9

Ku potimpasmo na batu sa'angu' hi ahop i Yosua, popitu' na pasu'nyo anu Ku botikje nu tulisan-tulisan. Ola sansinaa na kopinnyo Ku alinmo na dosa' nu lipu' aiya.

MATIUS 22:11

Lantas tomundo aijo' ninsoop ka' lewa' montoa to mia-mian anu i laga. Ia nontoa ko samian i bau-bauon aijo' anu madi' nompake pakean nu bau-bauon.

LUKAS 1:19

Malaikat aijo' nontaami, “Aku aiya i Gabriel. Aku mombau apaa na pinoto'i nu Tumpu, ka' iamo na nompokau aku mompotokakon lele ma'ima' aiya hi beleyum.

LUKAS 15:22

Panyo papanyo nolaga to poka-pokauhonnyo ka' notatae, ‘Lia-lia'! Alamae na baju' anu talalo ma'ima' ka' popusok hi ia. Posolutakon na sinsing i kangkamnyo, ka' sapatu i tengkenyo.

YOHANES 1:29

Dodododopnyo, i Yohanes nontoa i Yesus namba mae hi ia. Lantas i Yohanes notatae, “Toa, aijo'mo na Anak Domba nu Tumpu Allah anu mongalini dosa' nu dunia.

ROMA 3:22

saba' Tumpu nombaumo da mian timbali mompaha ima' tiba Ia, de mian palesaya hi Yesus Kristus. Tumpu nombau sumo aijo' kona hi iwi-iwi' mian anu palesaya hi Yesus Kristus; kalana madi' oposi posangalasan na samian ka' samian.

ROMA 6:23

Kalana kapatean aijo' tambo nu dosa'; panyo tumuu' kopian ka' toka sidu-sidutu' tiba i Kristus Yesus Tumpunto, aijo'mo tajuu anu i halala'akonmo nu Tumpu.

1 KORINTUS 6:11

To pia-piangkuka itina' hi komiu u'utu mae ko kalakuan sumo aijo'. Panyo uuka dosa' miu pinobelesinmo. Komiu tinimbalimo samata-mata anu nu Tumpu. Komiu nompo'ule'mo nompaha ima' tiba Tumpu, kalana komiu pinalesayamo hi Tumpu Yesus Kristus, ka' kalana kuasa nu Roh anu nolengkat mae hi Tumpu Allah-nto.

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.

KOLOSE 3:10

Komiu uuka aiya binee'anmo kantumuu'an anu bu'ou. Komiu mian anu binu'oumo anu hau-haunyo saja' opotimbali bu'ou nu anu Nompotimbali, aijo'mo Tumpu, montiho tuladan nu butongnyo. Kahanda'nyo aijo'mo da komiu monsumbu' Tumpu anu sahondo-hondonyo.

IBRANI 8:12

Ku ampunije na kasala'an-kasala'an nu aha iwi-iwi'.”

ANU PINOTO'I HI YOHANES 5:11

Lapas aijo' aku nontoa mule'. Aku nohongo potatae nu malaikat i mada-madalannyo ka' mojuta-juta na konjoo'nyo. Aha tinuminjomo nontikubi kasuhangan aijo', ka' opa-opat na malaikat tiba to pola-polaya' haha aijo'.

ANU PINOTO'I HI YOHANES 7:14

“Aku madi' monsumbu', Tuan. Posi i Tuanmo na monsumbu',” tinaamanku. Sahingga ia notatae hi belengku, “Aiyamo na to mia-mian anu sinalamatmo anu noko lapasmo na nongoa'i kasansala'an anu daka' hondo. Aha nombaso'imo juba' nu aha nu baso' nu Anak nu Domba aijo' da mopute'.