ZAKHARIA 2:5 - KITAB NU TUMPU ALLA LELE MA'IMAI'

⁵ Tumpu binalajanji'mo tukoo-Nyo Iamo na timbali pagan apu na montikubi kota' aijo' da monjagai ka' mule' Ia jojoongmo ikiijo' tiba kakuasa'an-Nyo ka' Ia talasanggomo.”

ZAKHARIA 2:5 Iomraidhean Croise

MAZMUR 125:2

Susumo to bungku-bungkutnyo nontiikubimo Yerusalem, sumo aijo'mo na Tumpu nonjagai mian anu palesayamo hi Ia, uuka aiya sampe toka sidu-sidutu'.

MAZMUR 3:3

Manjo'mo na anu nompoto'i tukoonyo nu aha Tumpu madi'mo montulungi aku.

MAZMUR 46:5

Daagi' ko kaunyo anu mo ili mae mompolame'mo kota' nu Tumpu, tampat kajojoong nu Tumpu Anu Matangkas na Kuasa-Nyo.

MAZMUR 48:12

Sahanyo layat nu Sion tiba Yehuda montaligalaimo ka' lame'mo, kalana Belento nohukumo anu mongewa mae aha.

MAZMUR 48:3

Sion, puge'nyo nu Tumpu natunjomo ma'ima' hondo kota' nu Tomundo' anu Talasanggo momposanang songko-songko na dunia.

MAZMUR 85:9

Aku nohongomo potatae nu Tumpu; ia nonjanji'mo ka'ima'an nu kantumuu'an hi kita, mian anu palesayamo hi Ia, asan kita bolimo po'ule' mombau dosa'.

YESAYA 12:6

Pontaligalaimo o, belemiu anu jojoong i Sion, opolame' ahi na manyanyi. Tumpu nu aha Israel anu susi' memang talasanggo hondo, Ia jojoongmo atina' hi belemiu.”

YESAYA 31:9

Tomundo' nu aha mopalaimo kalana mabuhukmo ka' to sulu-suludadunyo anu toto tangka-tangkas na pangkatnyo tolokengkengmo sahingga nu pala'imo nu aha na bandela'nu aha iwi-iwi'.” Tumpu notataemo, Tumpu anu osombah ka' mule' anu oholomati nu koloban anu opotunu i Yerusalem.

YESAYA 32:18

Mian anu palesayamo hi Tumpu bebasmo ikasusa'an ka' tumuu'mo itampat anu madi' ko anu mompoposia ka' madi'mo ko anu mombau kahengge'an.

YESAYA 33:21

Tumpu mompotoamo katalasanggoan-Nyo hi kita. Kita tumuu'mo isonibi nu kaunyo anu bola, kapan nu anu monsampobali' madi' moko ala talabut kiijo'.

YESAYA 4:5

Lantas aita i Puge'nyo nu Sion tiba iwi-iwi' na mian anu sinihukmo ikiita' nu potimbalimo nu Tumpu na kundom de sinaamo ka' mule tibuk lantas moak nu apu de pihimo. Kakuasa'an-Nyomo ahi' nu Tumpu na montindungi ka monjagai songko-songko na kota' aijo'.

YEREMIA 31:39

Lengkat ikiijo' batas nu potempasan nambamo isasu Bungkutnyo nu Gareb, lantas nonsiopo'akonmo namba isasu Goa.

YEHEZKIEL 38:14

Mokonyo aijo' Tumpu Anu Matangkas na Kuasanyo nonsaimo mae aku da mompoto'i hi Gog potuunon aiya, “Kakona mian Israel anu palesayamo hi beleng-Ku tinumuu'mo madi'mo ko anu nompoposia ka' na'ima'mo beleyum tokamo mae montumbuhi.

YEHEZKIEL 42:20

Jadi daerah Laigan nu Tumpu nongakohimo tano' anu sulapa' opat, ukulannyo 250 meten toto sambiha' na bahagian. Tano' aijo' nu tikubi nu pagan mesen salaku bau pongga'at daerah anu samata-mata katokaan nu Tumpu tiba daerah anu bau katokaan nu mian da'isan.

YEHEZKIEL 47:3

Batuk mongukun nu tokon bau-bau pongukunnyo, mo'ane aijo' nomboamo aku nombatukimo uee aijo' no ili namba sasu kabete'an kojo'onnyo 500 na meten lantas pinokaunyomo na aku da motaapmo. Itampat aijo' ueenyo ola toka ibulansing na koleengnyo.

ZAKHARIA 1:16

Uuka aiya Aku minsusule'mo i Yerusalem da mombee'imo ka ampunan hi kota' aijo'. Laigan-Ku po ule'mo obau ka' mule' kota' Yerusalem po ule'mo opokopiani.”

ZAKHARIA 2:10

Tumpu notatae, “Panyanyimo bila-bilahi o, mian anu jojoong i Yerusalem! Aku jojoongmo atina' hi belemiu!”

ZAKHARIA 2:11

Tempo'nyo aijo' manjoo'mo na bansa anu tokamo mae hi Tumpu da timbalimo mian anu palesayamo hi Ia. Ia jojoongmo atina' hi belemiu ka' mule' osumbu'je nu belemiu talu' Tumpu nompalentahmo mae aku da toka hi belemiu.

ZAKHARIA 9:14

Tumpu mompotoamo butong-Nyo, hi aha mian anu palesayamo hi Ia, sumomo ahi' kilat na hihis nu pana'-Nyo pineletakon-Nyo. Tumpu Anu Matangkas na Kuasanyo saidi' mae mompuhimo tolompet salaku tanda montumbuhimo, lantas mambamo montumbuhi i uno nu tombusisi' anu lengkat mae i sasu salatan.

ZAKHARIA 9:8

Ku jagaimo na tano'-Ku ka' madi'mo mompobee' to sulu-suludadu anu isalipu'an mae so' motulu. Aku madi'mo daagi mompobee' anu lewa' momposansala mompalentah mian anu palesayamo hi beleng-Ku. Kalana kasansala'an nu aha tinoang-Kumo.”

LUKAS 2:32

Sumo jingka anu monjingkai jalan bagi nu to bansa-bansa sangga'at, da toka hi Belento; aijo'mo jingka anu mompotoka mae kadaka'an bagi nu mian-To anu palesayamo Israel.”

ANU PINOTO'I HI YOHANES 21:23

Kota aijo' madi' palalu nujingkai nu batu nu sinaa kabai bitu'on, kalana katalasanggoan nu Tumpu na monjingkai, ka' Anak nu Domba aijo', atina'mo na sulu'nyo.