ZAKHARIA 2:4 - KITAB NU TUMPU ALLA LELE MA'IMAI'

⁴ Malaekat anu u'uka momona notataemo hi malaekat anu ko ohu'nyo, “Lako'mo lia-lia' hi olitau aijo', ka' poto'iakon hi ia na Yerusalem po ule'mo da'isan na miannyo tiba potuu'on sahingga madi'mo bisa na po ule' obau na pagan mesennyo titikup.

ZAKHARIA 2:4 Iomraidhean Croise

ESTER 9:19

Kalana aijo' mian nu Yahudi anu jojoong i kota toto ise-ise' saja' molame'akan i tanggan sampulu' ka' opat bitu'on Adar salaku sinaa kalame'an, sinaa pombauan bau-bauon ka' balame-lame', ka' mompaha bagi-bagii anu okaan.

YESAYA 33:20

Tonto'i na Sion tampat bau polame'akonanto lamean nu agama. Tonto'i na Yerusalem! Madi' hondo ko anu mompoposia na tampat aijo' bau kajojoongan sumomo ahi' kemah anu madi' toho' ilali-alin, pinontotoli madi' toho' ginautakon, ka' kahohonnyo madi' toho' nobotu'.

YESAYA 44:26

Akumo na nompododo potatae nu posihaon-Ku, ka' nompotimbalimo apaa na anu tinanga'anmo nu anu sinaing-Kumo, Pinoto'ing-Kumo, Yerusalem po ule'mo ojojoongi nu mian, ka' iwi-iwi' na kota' i daerah Yehuda po ule'mo Ku bau; anu singkapmo na idek po ule'mo obau.

YESAYA 49:20

To ana-anak anu ihampe mae ilipu' nu mian saidi' mae motataeje hi beleyum, ‘Lipu' aiya bunsok ahi' hondo hi belengku bee'i mae tampat da aku timbali jojoong i aiya.’

YESAYA 54:16

Akumo na nompotimbali topo tutuk besak anu nombusaimo apu da montutuk toongon bau pimuhuk. Akumo suele na nompotimbalimo suludadu anu mompake toongon aijo' da pompateimo.

YEREMIA 1:6

Aku nontaamimo, “O Tumpu Anu Matangkas Na Kuasanyo, aku madi' peletan na motatae kalana aku daagi' anak.”

YEREMIA 31:24

Mian jojoongmo i Yehuda ka' ikampungnyo anu toto ise-ise'. Ikiijo' mae ko anumo mongale' ka' mompotuu' sapi' tiba domba.

YEREMIA 31:27

Aku, Tumpu notataemo, tukoong-Ku tokaje mae na tempo'nyo lipu' nu Israel tiba Yehuda Ku pobuke'imo nu manusia tiba binatang.

YEREMIA 33:22

Ku pakatuangimo na lee' i Daud posaihon-Ku tiba aha to ima-imam tulunan nu bansa Lewi, sahingga kojoo'nyo saidi' mae sumomo ahi' bone' isonibi nu ambai ka' sumomo mandala' anu aita' ilangit anu madi'mo opoko ala olekeng.”

YEHEZKIEL 38:11

Beleyum montantukanmo montumbuhi lipu' anu madi' ko bentengnyo aijo', anu miannyo ikiijo' tumuu' madi' koanu mompoposia ka' ma'ima' isinin na kota' anu madi' ko pagannyo mesen ka' mule' anu madi' ko posadiaon bau pahampate.

DANIEL 1:17

Tumpu nombee'imo hi aha opa-opat na olitau aijo' kapandean bapikin ka' pande mule' na mombau pakalaja'an i uno nu sa'angu' na pakalaja'an. Ka' mule' i Daniel binee'an-Nyo kapandean da timbali montalangkan anu nu potoa nu Tumpu tiba anu opo'ipiakon.

DANIEL 1:4

Aha tionyo ahi' to oli-olitau anu madi' ko nodanyo. Aha tionyo ahi' anu tingkai'on ka' anu ko sikolahnyo matangkas, ka' monsumbu' apa-apaa na anu jadi ka' mule' anu pantas ahi' na mokalaja i laigan nu tomundo'. I Aspenas tionyo ahi' mongajan aha mombasa ka' mule' montulis basa' nu aha Babel.

MIKHA 7:11

O, Yerusalem! Tinokamo na tempo'nyo belemiu po'ule'mo mombau pagan mesen nu kota' nu belemiu.

ZAKHARIA 1:16

Uuka aiya Aku minsusule'mo i Yerusalem da mombee'imo ka ampunan hi kota' aijo'. Laigan-Ku po ule'mo obau ka' mule' kota' Yerusalem po ule'mo opokopiani.”

ZAKHARIA 1:17

Malaekat aijo' nonsaimo aku da mompoto'i potuunon aiya mule', “Tumpu Anu Daka' na Kuasanyo binalajanji'mo tukoo-Nyo to kota-kota'nyo po ule'mo mohumpak kasanangan i uno nu kantumuu'an ka' tukoo-Nyo mule' daagi' minsan na Ia montulungi Yerusalem ka' mongakui salaku tumpunyo Ia ahi'.”

ZAKHARIA 12:6

I sinaa aijo' to utu-utus nu aha Yehuda Ku pojadimo susumo apu i uno nu tambulan nu kau' anu pinosunmo kabai susumo potong anu noakmo pinosuhapmo i timpa'an nu gandum; nu silakaimo nu aha na to bansa-bansa anu aitu mae mompaha ohani aha. Panyo mian anu jojoong i Yerusalem na tataap ahi' jojoong madi' ko anu mompoposia i uno nu kota'.

ZAKHARIA 14:12

Tumpu mompotokamo mae panyakit anu okabuhuk hi aha iwi-iwi' na bansa anu nompahampateakonmo nongewa Yerusalem. Mata tiba jila' nu aha ka' mule' songko-songko na butong nu aha mabusikmo maumo ahi' daagi' tutuu'.

1 TIMOTIUS 4:12

Boli mompojohok maumo ola samian na monsangka beleyum madi' kogunanyo kalana beleyum daagi' olitau. Panyo ola ahi' tionyo beleyum timbali bau sonto' hi to mia-mian anu palesayamo i sisik nu beleyum ka' kalakuan nu beleyum i uno nu han beleyum mongkalibosi sangko mian ka' palesaya hi Yesus Kristus, ka' kantumuu'anum mule' ma'ima'.