ZAKHARIA 10:5 - KITAB NU TUMPU ALLA LELE MA'IMAI'

⁵ Mian anu jojoong i Yehuda untungmo na mahampate susu mo suludadu anu lewa'mo mompahampeja'akon sampobal' sumo hensek aitu i jalan. Aha mahampate kalana Aku, Tumpu na montulungi aha, ka' suludadu nu sampobali' momon sake'i ajahan nu patundu'mo nu aha iwi-iwi'.

ZAKHARIA 10:5 Iomraidhean Croise

2 SAMUEL 22:43

Aku lewa'mo tinutuk sumomo abu' anu nohimpuamo ka' sinapuankumo sumomo hensek i jalan.

2 SAMUEL 22:8

Lantas dunia ilulu'onmo, ka' ginayu'anmo, pu'unnyo nu bungkutnyo iwi-iwi' nongkohenggomo kalana Tumpu Allah notambuha'mo!

2 TOMU-TOMUNDO' 9:33

I Yehu notataemo i aha, “Lumbu'akon na ia mokaiyong!” Sahingga i lumbu'akonmo nu aha nai i Izebel nokaiyong lantas ia iligismo nu kareta sahingga baso'nyo tinolopinjitmo no kiijo' i pagan mesen ka' nokiijo i ajahan haha aijo' anu mohela' kareta aijo'.

MAZMUR 18:42

Aha nolobo'mo momoita tulung, panyo madi' ko anu nontulungi aha nongkakasemo hi Tumpu, panyo Ia madi' nontaami mae.

MAZMUR 20:7

Uuka aiya sinumbu'kumo taalu' Tumpu mombee'imo ka'untungan mahampate hi tomundo' anu pinile'an-Nyomo. Tumpu nontaamimo ia lengkat mae i suluga'-Nyo anu susi' hondo; kalana kuasa nu Tumpu ia nohumpakmo ka'untungan nahampate anu daka' hondo.

MAZMUR 33:16

Tomundo' madi' sanangkalana suludadunyo da'isan suludadu madi' salamat kalana aha mahoson.

MAZMUR 44:5

Belentomo na Tomundo'ku ka' Tumpungku, anu nombee'imo ka untungan nahampate hi mian anu palesayamo hi Belento.

MAZMUR 45:3

Belento na anu talalo ahi' handa nu hungku'i na manusia, potatae nu Belento saja' kaho ka'ima'an, mokonyo aijo' Belento nu balakati nu Tumpu, sampe toka sidu-sidutu.

YESAYA 10:6

Kusaimo na aha Asyur da mamba montumbuhi bansang-Ku anu madi'mo nompalesaya Aku ka' nonsabapimo da Aku notambuha'mo. Sinaing-Kumo na Asyur da mompahuhuakon mae ka' mule' da montomangi ka' mompahampeja'akon bansang-Ku susumo abu' aijo' ijalan.”

YESAYA 25:10

Nu jagaimo nu Tumpu na Puge'nyo nu Sion, panyo Moab opahampeja'akonmo susumo hat itampat nu duhehe.

YESAYA 31:1

Silakamo na aha mian anu nambamo i Mesir nomoita da nu bantui mae nu aha! Aha montakabunakonmo kahosonan nu suludadu nu aha Mesir tiba gombuan nu suludadu nu aha anu monsake'i ajahan ka' mule' kuda nu aha anu toto hoso-hoson ka' mule' kareta nu aha manjo-manjoo' aijo'. Panyo aha madi' palesaya hi Tumpu, Tumpu nu Israel anu susi' ka' madi' aha nomoita da nu bantui.

YESAYA 41:12

Beleyum moliomo aha to mia-mian anu madi' tulut hi beleyum, panyo madi' nu kabot na aha. Aha to mia-mian anu nahampate nongewa mae beleyum uuka aiya singkapmo sinilaka ka' imadi'anmo.

YESAYA 41:25

Aku nompotukamo samian anu lengkat mae i sasu kabete'an; Ilagang-Kumo na ia da montumbuhimo mae lengkat mae sasu utara. To mia-mian anu balakuasa nu pahampeja'akonmo susumo hensek, susumo mian anu lewa' mombau kuhon tano' mompahampeja'akonmo tano' ponto.

YESAYA 8:9

Sihukmo mae ka' pabuhukmo o belemiu iwi-iwi' na bansa! Potombihing mae o belemiu iwi-iwi na puusnyo nu tano'. Pogogaumo kalana mahampatemo, panyo kinyonyoa mabuhuk! Yo donganmo pogogau panyo mabuhuk!

YEHEZKIEL 38:15

Beleyum mamba lengkat mae itampat kajojoongan nu beleyum majo'on sasu mae utara nu sangalui mae nu suludadu anu manjoo' hondo ka' to babaani, iwi-iwi' suludadu anu monsake'i ajahan lengkat mae ingangahan na bansang.

AMOS 2:15

Anu topo pana' madi'mo daagi' moko tahan anu, mopadeka' malia' madi'mo daagi' moko ala mompalaiakon butong ka' anu monsake'i ajahan madi'mo ko kaluputannyo.

MIKHA 5:8

Israel mompatundu'mo iwi-iwi' na sampobali'nyo ka' mule' mohansunimo aha iwi-iwi'.

MIKHA 7:10

Naipuan mae sampobali' mongalu kita, aha notatae, “Iya mae na Tumpu nu belemiu aijo'?” Panyo uuka aiya aha montoamo apaa na anu nu bau Tumpu, hi kita, ka' aha ma'ambangmo. Kita monsakisamo to sampo-sampobali'to ka' opantundu'tomo ka' opahampeja'akonmo susumo hensek i jalan.

HAGAI 2:22

to kala-kalaj'an Ku ideimo ka' mule' kuasa nu aha Ku hansunimo. Iwi-iwi' na kareta anu bau pahampate tiba anu mompojalan Ku bali-balikakonmo; iwi-iwi' na ajahan mohopu'mo ka' mule' anu monsake'i mompaha pate-pateimo.

ZAKHARIA 12:4

I sinaa aijo' iwi-iwi' na ajahan Ku pobingongmo ka' mule' aha mian anu monsake'i Ku po ulawonmo, ka' mian anu jojoong i Yehuda Ku jagaimo, panyo iwi-iwi na ajahan nu sampobali' nu aha Ku popisokmo.

ZAKHARIA 12:8

I sinaa aijo' Ku jagaimo na mian anu jojoong i Yerusalem; ka' anu madi' mahoson aijo' hi aha timbalimo mahoson susumo i Daud. Aha lewa'mo nu potiju' nu lee' mae i Daud susumo anu lewa' binau nu malaekat-Ku, ka' mule' susumo anu lewa' binaung-Ku.

ZAKHARIA 14:13

I sinaa aijo' Tumpu mompobingongmo bansa-bansa sahingga mabuhukmo ka' mule' batu-batu mian mohakopmo sangalunyo anu isohipi'nyo ka' nu pateimo.

ZAKHARIA 14:3

Lantas Tumpu mompahampateakonmo mongewa bansa haha aijo' susumo anu binau-Nyomo tempo'nyo naipuan mae.

ZAKHARIA 9:13

Yehuda Ku pakemo susumo pana' nu suludadu anu baani ka' mule' Israel susumo hihis nu pana' anu sasadiamo opeletakon. Mian anu jojoong i Sion Ku pakemo susumo bajak tiba bajak aijo' aha to mia-mian nu Yunani Ku tumbuhimo.”

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

MATIUS 4:3

Ibilis tinoka ka' notatae, “Te Beleyum misa' Anak nu Tumpu Allah? Yo pokau na batu haha aiya timbali roti.”

LUKAS 24:19

“Te apaa na tinimbali?” tukoo-Nyo i Yesus. “Anu tinimbali hi Yesus, mian lengkat mae i Nazaret aijo',” tinaaman nu aha. “Ia nabi. Potatae-Nyo ka' anu nubau ko kuasa-Nyo hondo – mau i pontoa nu Tumpu, maumo i pontoa nu iwi-iwi' na mian.

SISIKON NU TO RASUL-RASUL 18:24

Hau-haunyo aijo', tinokamo nokiijo' i Efesus samian na Yahudi kinahampeannyo i Aleksanderia, sanggonyo i Apolos. Ia pande na motatae ka' mangalati' hondo mongkona isi nu Kitab nu Tumpu,

SISIKON NU TO RASUL-RASUL 7:22

Iwi-iwi' na ilimu' nu bansa Mesir ingajanakonmo hi ia, ka' ia tinimbalimo mian anu talalo kokuasa i uno nu kotae-tae ka' i palabuatannyo.

2 KORINTUS 10:4

Posadiaon toongon anu opake mami i uno nu usaha mami misa' posadiaon toongon nu dunia aiya, panyo posadiaon toongon nu Tumpu Allah, anu matangkas na kuasa-Nyo. Tiba posadiaon toongon haha aijo' kami monggalisi to bente-benteng; pompedas mami de kami painggagamo,

PO'ULE' INGULIT 20:1

“De belemiu mambamo mahampate mongewamo sampobali' nu belemiu, boli mabuhuk na montoa kareta anu nupake mae nu aha mahampate ka' ajahan nu aha manjoo' ka' suludadu nu aha anu konjoo'nyo molingkuduimo konjoo'nyo nu belemiu. Tumpu Allah nu belemiu anu nompobebasmo belemiu lengkat mae i Mesir, na montulungi belemiu.

2 TIMOTIUS 4:17

Panyo Tumpu na nonsangalui aku. Ia na nombee'imo kahosonan sahingga aku noko ala nompolele Lele Ma'ima' aijo' iwi-iwi', da ihongo nu mian iwi-iwi' anu misa' Yahudi. Sahingga aku madi'mo kinona nu bahaya nu kapatean.

2 TIMOTIUS 4:7

Aku nombatukimo palalomba'an totu-totu'u ka' nontokaimo katokaan i pupuusnyo. Aku tataap tulu-tulutan hi Kristus sampe toka i aha ahenannyo.

YOSUA 10:14

Madi' toho' jinadi' ka' mule' madi'mo daagi' jadi na sinaa susumo aijo', aijo'mo Tumpu nombatukimo pongka'oho' nu manusia. Tumpu nahampatemo nonsangalui Israel.

YOSUA 10:42

Ola minsan na nahampate, i Yosua nohungku'imo tomundo haha aijo' iwi-iwi' ka' nompatundu'mo da'erah iwi-iwi' anu nu kuasai nu aha, kalana Tumpu, Tumpu Allah nu Israel nahampatemo nonsangalui Israel.

ANU PINOTO'I HI YOHANES 19:17

Lantas aku nontoamo samian na malaikat tinjo-tinjo aita' i batu nu sinaa. Ia notatae daka-daka' ka' noloboo'akon hi tomonsi' iwi-iwi' anu laha-lahap i langa, “Imbo'mo sihuk mae da mongatuhimo bau-bauon anu daka', anu i lame'akonmo nu Tumpu!

1 SAMUEL 16:18

Nohongo aijo' samian na posaihonnyo notataemo, “I Isai mian anu jojoong i kota' Betlehem ko anak mo'ane samian anu pande na mahaik musik. Ia mian anu baani hondo salaku suludadu anu timbali otaha'imani. Ka' mule' ia mahoson ka' pande na babisala, ka' Tumpu saja' montulungi ia.”