ZAKHARIA 10:3 - KITAB NU TUMPU ALLA LELE MA'IMAI'

³ Tumpu notatae, “Aku pinusamo hondo hi mian anu balakuasa tiba hi aha anu mompalentah mian anu palesayamo hi beleng-Ku ka' aha Ku hukumo. Panyo mian anu jojoong i Yehuda Aku na tumpunyo ka' Akumo na Tumpu Anu Daka' na Kuasanyo na mompotuu'mo aha. Aha Ku pojadimo ajahan-Ku anu baani hondo na bau pahampate.

ZAKHARIA 10:3 Iomraidhean Croise

AYUB 39:25

Ia montihaha'mo de tolompet opo'onyi'mo daagi' majo'on nu okmo na nohong nu pahampatean. Nuhongomo na sega nu to sulu-suludadu anu matangkas na pangkatnyo salatan aha mombee'imo tanda.

NOSABATMO 4:31

Sahingga pinalesayamo na aha, ka' salatan aha nohongomo taalu' Tumpu daagi' monginau' bansa Israel ka' nontoamo iwi-iwi' na kasansalan nu aha, aha dinumaladupumo ka' nonsombahmo.

AMSAL 21:31

Maumo i pahampatean oposukup nu ajahan na posadiaon bau pahampate, anu montantukan ka'untungan mahampate ola ahi' samata-mata Tumpu.

NYANYIAN ANU TALASANGGO 1:9

Sindua'anku, beleyum sumomo ajahan behenyo, anu mohela' kareta i tomundo' Mesir.

YESAYA 10:12

Panyo pinoto'imo nu Tumpu, “De anu kahanda' Ku bau i Puge'nyo nu Sion ka' i Yerusalem aijo' ilapasmo, Aku mohukumo tomundo' nu aha Asyur kalana ia buulon ka' talalo saja badaka.”

YESAYA 24:21

Tempo'nyo aijo' Tumpu mohukumo to mia-mian anu balakuasa aita' ilanga tiba to tomu-tomundo' idunia aiya.

YEREMIA 10:21

Aku nontaamimo, “Pinonga'mo na polaya'to haha aijo'. Aha madi'mo nomoita pokinde' hi Tumpu, aijo' na sababnyo apaa na anu nu tanga'i nu aha madi' jadi, ka' kita notuhekapmo namba iyaya mae.

YEREMIA 11:22

Kalana aijo' Tumpu Anu Balakuasa hondo notataemo mae, “Ku hukumo na aha! Aha to oli-olitau silakamo i uno nu pahampatean, to ana-anak nu aha silakamo nu ohop.

YEREMIA 25:12

Lapas aijo' Ku hukumo na bansa Babel tiba tomundo'nyo kalana dosa' nu aha. Lipu' nu Babel Ku hobo'akonmo ka' Ku hansunimo sampe toka sidu-sidutu'.

YEREMIA 25:34

O to pola-polaya', o to pola-polaya' nu mian anu palesayamo hi Tumpu! Haangmo hoso-hoson! Pingkaleade'mo i abu', kalana tinokamo na tempo'nyo belemiu opateimo, ka' anu madi' opatei oga'a-ga'atakonmo mamba iyaya mae. Belemiu sumomo ahi' kuhon anu mahan na olinyo nanabu'mo ka' noposo'mo.

YEREMIA 50:6

Mian anu palesayamo hi beleng-Ku sumomo ahi' domba anu pinopilayamo da talas nu to pola-polaya' aita' mae ibungkutnyo. Aha sola'mo mamba lengkat mae isa'angu' na bungkutnyo mamba ibungkutnyo sangga'at, ka' madi'mo daagi' nu sumbu' nu aha pa' iya mae na laigan nu aha.

YEHEZKIEL 34:11

Tumpu Anu Matangkas na Kuasanyo notatae, “Posi Akumo na molio dombang-Ku haha aijo' ka' mongkalesang aha,

YEHEZKIEL 34:12

susumo samian na polaya' molio ka' momposihuk to domba-dombanyo anu noga'a-ga'atmo lantas mongkalesang aha. Aha Ku sule'akonmo mae lengkat mae isongko-songko na tampat anu pinoga'a-ga'atan nu aha, toka itempo'nyo sinaa pikatmo ka' sinaa anu madi'mo ma'ima' aijo'.

YEHEZKIEL 34:2

“O manusia anu madi' tumuu' batu, pisala'i na to tomu-tomundo' nu aha Israel, ka' poto'i apaa na anu tinaloakon-Kumo nu Aku Tumpu Anu Matangkas na Kuasanyo hi aha, ‘Silakamo na belemiu o to pola-polaya' nu Israel. Belemiu ola mompotutugakon posi kapentingan nu belemiu misa' da bau kapentingan nu domba nu belemiu haha atina.

DANIEL 11:32

Sahingga tiba akan anu ma'idek tomundo' aijo' pagalamo monsale'i aha to mia-mian anu nompala'imo agama nu aha da mongka'oho' montulungi ia. Panyo to mia-mian anu tulu-tulutan hi Tumpu baani na mongewa ia.

ZEFANYA 1:8

“I sinaa ponsilakaianmo aijo'” Tumpu nompoto'imo, “Aku mohukumo anu toto tangka-tangkas na pangkatnyo, to ana-anak mo'ane nu tomundo' ka' mule' iwi-iwi' na mian anu mombatukimo bau-baunyo nu mian anu isalipu'an.

ZEFANYA 2:7

Mian anu jojoong i Yehuda anu moko ala mopalai saidi' mae monjojoongimo daerah nu belemiu aijo'. Aha saidi' mae molaya'mo potuu'on itano' aijo' ka' de pihimo aha hoyotmo ilaigan nu aha mian Askelon. Kalana Tumpu, Tumpu nu aha na monjagai aha ka' mule' da aha po ule' sanang na kantumuu'an nu aha.

ZAKHARIA 11:17

Kinutukan na polaya' potuu'on anu madi' mingkaliangan aijo'! Ia nompala'imo pahasan nu dombanyo. Kakuasa'annyo belentimo de saidi' mae mahampatemo. Limanyo lundengmo ka' mule' matanyo anu sasu koanannyo mapisokmo.”

LUKAS 1:68

“Imbo' da kita mompuji' Tumpu, Tumpu mian nu Israel! Ia tinokamo montulungi mian anu palesayamo hi Ia ka' mompobebas aha.

1 PETRUS 2:12

Kalakuan nu beleyum atina' hi mian anu madi' monsumbu' Tumpu, tionyo ahi' opokopiani ma'i-ma'ima' sahingga de aha mompitana' i belemiu tukoonyo mian anu ma'idek, panyo aha saidi' mae mongakuije kalakuan nu belemiu aijo' ma'ima', sahingga aha mompuji' Tumpu i sinaa katokaan-Nyo.

I RUT 1:6

Madi' pinin lapas aijo' i Na'omi nohongomo lele tukoonyo nu aha Tumpu nombalakatimo aha mian nu Israel, isi nu ale' nu aha sinidamo. Kalana aijo' i Na'omi tiba ua'aha na moniannyo nogogaumo kahanda' mambamo mompala'imo Moab.