ZAKHARIA 10:2 - KITAB NU TUMPU ALLA LELE MA'IMAI'

² To mia-mian momoitamo hi to pilo-pilogot pa' mosia na nasipnyo ka' mule' mambamo hi mian anu topo tahi'i panyo anu pinoto'i mae nu aha aijo' ola ahi' leko' ka' palasuma madi' ahi' totu'u. Daagi' ko anu montalangkan ipion, panyo katalangan nu aha ola ahi' mompobingong belemiu, ka' potatae anu toto ima-ima' nunu poto'i nu aha madi' ahi' kokaliangannyo. Kalana aijo' mian da'isan noga'aga'atmo susumo domba. Aha singkapmo nagesuk kalana madi'mo ko polaya'nyo.

ZAKHARIA 10:2 Iomraidhean Croise

KAJADIAN 31:19

Tempo'nyo aijo' i Laban kiijo' mae i padang bola hau-haunyo monggunting bulu nu to domba-dombanyo, ka' tempo'nyo aijo' na i Rahel nontomangmo patong ponjagai aha salaigan anu nu tuumanyo.

1 TOMU-TOMUNDO' 22:17

Binalosan i Mikha, “Tinoangku na suludadu nu Yizreel nosungke-sungkehetmo i bungkutnyo haha aijo'. Aha susumo domba anu madi'mo ko polaya'nyo, ka' tinaloakonmo nu Tumpu na aha, 'Mian haha aiya madi'mo daagi' ko polaya'nyo pobakasmo da aha minsusule'mo mae ma'i-ma'ima'.’ ”

AYUB 13:4

kalana kaponga'an nu belemiu okulubimo nu belemiu nu han nu belemiu anu mongakali, madi' sala' sumomo ahi' sando anu madi' totu'u.

AYUB 21:34

Jadi potatae nu beleyum anu kahanda' mae mohase' aijo' madi' totu'u, ka' iwi-iwi' na anu pinontaami mae nu beleyum itina' baleko'!”

YESAYA 41:29

Memang pilogot haha aijo' madi' kogunanyo, aha na ola ahi' patong anu sinuang anu madi' moko ala mongkohenggo, ka' madi' ahi' moko ala mombau apa-apaa.”

YESAYA 44:25

Akumo na anu madi' nompototu'u aha anu biasa sola' mongkila-kila apa na jadi saidi' mae, ka' sola'mo nombia-biangakon aha anu lewa' montahi'i. Potatae nu aha anu toto pande-pande ginagakon-Kumo, kapandean nu aha pinojading-Kumo kaponga'an.

YESAYA 44:9

Aha to mia-mian anu lewa' mombau patong bapilogotan aijo' madi' kokaliangannyo, ka' mule' to pilo-pilogot nunu sombah nu aha aijo' madi' ahi' ko gunanyo. Aha to mia-mian anu monsombah patong aijo' napisokmo ka' madi' monsumbu' apa-apaa kalana aijo' aha saidi' mae, aha ma'ambangmo.

YESAYA 46:5

Hihe na bau pompokakanakonan nu belemiu Aku? Te daagi' ko anu pokakana tiba Aku?

YEREMIA 10:8

Ponga' ka' waweng na aha iwi-iwi' kalana pilogot nu aha ola kau' samata-mata madi' moko ala mompogulu' anu kogunanyo.

YEREMIA 14:13

Lantas aku notataemo, “O Tumpu Anu Matangkas Na Kuasanyo, Belento nonsumbu'mo nabi-nabi polo'mo notatae hi mian da'isan koonyo nu aha madi'mo daagi' ko pahampaten, kabai kasusa'an i anu okaan, kalana Belento binalajanji'mo koonto lipu' aiya saja'mo ko kadamean.”

YEREMIA 14:22

Pilogot nu to bansa-bansa madi' moko ala montudunakon ujan i tano'. Langit suele imadi' ahi' moko ala mombubusakon ujan nu posi kuasanyo. Ola-olanyomo ahi' Belento na anu otaha'imani mami. Belento na nombau aijo' iwi-iwi' sampe jinadi.

YEREMIA 23:17

Kona hi to mia-mian anu madi' ka'oho' mompotombihing potataeng-Ku, aha saja' montaloakon, ‘Belemiu salamatmo.’ Ka' hi toto samian anu panggaga hondo aha montaloakon, ‘Beleyum madi' mule' mohumpak balaa'.’ ”

YEREMIA 23:32

Aku, Tumpu, mongewamo nabi haha aijo' anu mompoto'i ipionnyo haha aijo' anu baleko' ahi' hondo-hondo aijo'. Aha nompotalasmo pikilan nu mian anu palesayamo hi beleng-Ku nu kabaleko'an tiba sisik-sisik anu bulon aijo' hi aha. Aku madi' nompalentah nabi haha aijo'. Aha madi' hondo-hondo ko gunanyo hi aha mian anu palesayamo hi beleng-Ku. Aku, Tumpu, notataemo.”

YEREMIA 27:10

Aha mongakalimo belemiu sahingga belemiu oboamo jo'o-j'on opala'imo na lipu' nu belemiu. Ku laa'mo na belemiu da madi'mo jojoong ilipu' nu belemiu, ka' belemiu silakamo.

YEREMIA 27:14

Boli mompotombihing to nabi-nabi anu montewa belento Tomundo' tundu' hi tomundo' nu Babel, kalana aha mongakalimo belento Tomundo'.

YEREMIA 27:9

Boli mompotombihing aha to nabi-nabi kabai maumo ahi' pa' ihe na anu montewa belemiu tundu' hi tomundo' Babel, maumo ahi' aha mangaku nontalimamo pokinde' anu pino ipi mae, nu to roh-roh anu madi' otoa-toa, kabai kalana nompakemo kahosonan nu pangatahuan.

YEREMIA 28:15

Iwi-iwi' aijo' pinoto'ingkumo hi Hananya, lantas pinoto'ingku mule', “Potombihing mae, o, Hananya! Tumpu na madi' ahi' nompokau beleyum; beleyum nonsaduakonmo bansa aiya da pinalesaya hi potatae anu madi' totu'u.

YEREMIA 29:8

Aku, Tumpu Anu Mahakuasa, Tumpu Allah nu aha Israel, nompokinde'imo belemiu da boli ahi' opopilaya na butong nu belemiu nu akali nu to nabi-nabi anu jojoong atina' hi belemiu kabai maumo ahi' pa' hihe anu suele notataemo tukoonyo nu aha, aha moko ala ahi' mongkila-kila apaa na anu jadi' aiya mae i ahop. Boli lewa' mompajuli anu lewa' nu ipi nu aha.

YEREMIA 37:19

Iyamo mae na to nabi-nabi nu belento Tomundo' nonontaloakonmo tukoonyo tomundo' nu Babel madi' mule' mae montumbuhi belento Tomundo' tiba lipu' aiya?

YEREMIA 50:17

Tumpu notatae, “Mian nu Israel sumo sanggombu na domba anu iloloi'mo ka' pinosungkehetmo nu singa. Momonanyo aha tinumbuhanmo itomundo' Asyur, lantas mule' i Nebukadnezar tomundo' nu Babel nonggulugudi'mo buku nu aha.

YEREMIA 51:23

Beleyum Ku pakemo da monsilakaimo to pola-polaya' binatang tiba potuu'onnyo, mian anu topo ale' tiba sapi' anu bau pompajekonyo, anu balakuasa tiba to sulu-suludadu anu matangkas na pangkatnyo.”

YEREMIA 6:14

Bela nu mian anu palesayamo hi beleng-Ku nu anggap nu aha ola bela ise-ise'. ‘Ah, madi' mongkuka,’ aha notatae, ‘iwi-iwi' ma'ima' ka' madi' ko apa-apaanyo.’ Pada han madi' ahi' hondo-hondo sumo aijo'.

YEREMIA 8:11

Bela nu mian anu palesayamo hi beleng-Ku nu anggap nu aha ola bela ise-ise'. ‘Ah madi' mule' mongkuka,’ aha notatae, ‘iwi-iwi' ma'ima' ka' madi' ko anu mompoposia'.’ Padahan madi' ahi' sumo aijo'.

MOHAANGI 2:14

Anu pinotokakon nu to nabi-nabi hi belemiu, ola ahi' leko' ka' pongakali nu aha. Aha madi' toho' mompoto'i dosa' nu belemiu sahingga kalana aijo' beleyum madi' mobabali'i palabuatan nu dosa' nu beleyum. Ola mule'ahi' aha nompoto'i hi belemiu potatae anu toto bale-baleko' mompigalapi.

YEHEZKIEL 21:21

Tomundo' nu Babel tinuminjomo koko dopi' anu bau pompotiju jalan aijo'. Da osumbu' pa' iya na jalan anu nu tului ia nomoitamo hi to pilo-pilogotnyo da opotiju' mae na jalan, ia nolengku-lengkutmo pana'nyo ka' nompalesamo ate nu binatang anu salaje kinolobanakon.

YEHEZKIEL 21:29

Apaa na anu tinoamo nu belemiu madi' totu'u ka' mule' apaa na anu kinila-kilamo nu belemiu atina' pipinoto'imo nu belemiu suele ahi' baleko'. Kinyonyoa nu belemiu ma'idek ka' mule' palaganta, ka' sinaa anu pohukumanmo belemiu atina' anu pupusnyomo malia'mo mae toka. Bajak aijo' mongkolongmo gogohong nu belemiu.

YEHEZKIEL 34:5

Kalana madi'mo ko to pola-polaya'nyo sahingga domba haha aijo' noga'a ga'atmo ka' jinadimo kaanon nu binatang anu mahangas.

YEHEZKIEL 34:8

Atas sanggong-Ku Tumpu Allah anu tumuu' palahatikan ahi'! Dombang-Ku haha aijo' sina'umo ka' mule' kinaanmo nu binatang anu mahangas, kalana madi' ko anu nolaya' aha. Belemiu to pola-polaya'-Ku madi'mo nongkalesang domba haha aijo'. Belemiu ola ahi' mompotutugakon posi butong nu belemiu, misa'mo kapentingan nu domba haha aijo'.

HOSEA 3:4

Sumo aijo'mo na bau-baunyo na aha bansa Israel; pini ahi' hondo na aha tumuu' madi' ko tomundonyo kabai polaya', madi' ko koloban kabai tugu anu pinotinjo i tempat ponsomban, madi'mo ko to pilo-pilogot, kabai to aji-ajimat anu mompoto'i lahasia anu jadi aiya mae i ahop.

MIKHA 2:12

Tumpu notatae mule, “O, mian nu Israel anu daagi' tinontuha'! Belemiu Ku posihukmo ka' mule' Ku posa'angu'mo susumo domba anu ninsusule'mo mae i pangkunnyo. Susumo hemput padang anu kahomo domba, sumo aitumo na lipu' nu belemiu mompaka da'isanmo na miannyo.

HABAKUK 2:18

Kinutukan nabeleyum! Beleyum notataemo hi sangkolong na kau', “Pobulamo!” kabai hi batu anu daka' hondo, “Tinjomo!” Te moko ala na patong sa'angu' montaeakon apa-apaa hi beleyum? Maumo patong aijo' ilapisan nu mosoni' tiba salaka, panyo madi' ahi' ko nyawanyo. Apaa na gunanyo patong nu pilogot? Aijo' ola manusia na nombau. Anu nu humpak hi ia ola ahi' anu madi' totu'u. Ola palasuma na kapalesaya'an nu mian anu mombau bapilogotan anu pinosi bau nu limanyo anu madi' moko ala motatae aijo'.

ZAKHARIA 11:17

Kinutukan na polaya' potuu'on anu madi' mingkaliangan aijo'! Ia nompala'imo pahasan nu dombanyo. Kakuasa'annyo belentimo de saidi' mae mahampatemo. Limanyo lundengmo ka' mule' matanyo anu sasu koanannyo mapisokmo.”

NOMBILANGMO 27:17

samian anu moko ala timbali bau talenga' de aha mahampate. Boli opojohok na mian nu belento aiya sumomo sanggombu na domba anu madi'mo ko polaya'nyo.”

MATIUS 9:36

Tempo'nyo i Yesus nontoa mian da'isan aijo', ia nolibosmo hi aha, kalana aha ilingumo ka' madi'mo moko ala sumo domba anu madi'mo ko polaya'nyo.

MARKUS 6:34

Salatan i Yesus ilumobos lengkat i duangan, Ia nontoa mian da'isan. Ia molibos hi aha, kalana aha sumomo domba anu madi' ko polaya'nyo. Sahingga Ia mule' nontampu'unimo nongajanakon manjoo' na han hi aha.

PO'ULE' INGULIT 13:2

kalana ko kahanda' da belemiu monsombah ka' palesaya hi to pilo-pilogot anu madi' osumbu-sumbu' nu belemiu, mau mule' apaa na anu jinanji'nyomo aijo' totu-totu'u jadi,

TO MIA-MIAN KOPIAN 18:14

Aha olima' na mian anu sinai momona namba mondoyoni notataemo hi to sanga-sangalunyo, “Pa' osumbu' nu belemiu na sala'sa'angu' na laigan aiya ko patongnyo anu i lapisan nu salaka? Ka' mule' to pato-patong sangga'at ka' baju' nu imam. Soba tutugi apaa na tionyo ahi' obaunto.”