ZAKHARIA 10:1 - KITAB NU TUMPU ALLA LELE MA'IMAI'

¹ De tempo'nyomo nu kau' mimbuhak pompoitamo ujan hi Tumpu. Da nu posihukmo nu Tumpu na kundom anu tinumatampokmo ka' montudunakonmo ujan anu daka' hondo, sahingga iwi-iwi' na ale' molumba'mo na anu sinu'an ka' iwi-iwi' na mian sanangmo na montoa.

ZAKHARIA 10:1 Iomraidhean Croise

1 TOMU-TOMUNDO' 17:1

Daagi' ko samian na nabi, sanggonyo i Elia. Ia mian lengkat mae i Tisbe, sa'angu' na kota' i da'erah Gilead. Daagi' kino sansinaan ia tinokamo hi Tomundo' Ahab ka' notatae, “Jumo nu sanggo nu Tumpu anu tumuu' Tumpu Allah anu osombah nu mian Israel ka' anu kuku hongo na palentahnyo, ku poto'i hi belento Tuan, ohua' kabai totolu' na taun anu aiya mae i ahop madi'mo daagi' ko dondu'ok kabai ujan mau ola sangkiding, de ku poto'imo, yo atina' daagi'mo.”

AYUB 29:23

Iwi-iwi' na mian sanang hondo na mahongo potataengku sumomo mian topo ale' molabotmo ujan de tempo'mo nu mimbuhak na sosu'anon.

MAZMUR 104:13

Lengkat mae i langit tinuduna konmo mae nu Belento na ujan nokaiyong i bungkutnyo, dunia kahomo apa-apaa na anu pinodaagi'mo nu Belento.

MAZMUR 135:7

Lengkat mae i puus nu tano' Ia nompotokamo mae kundom, pinokilaton-Nyomo de tudun na ujan. Lantas Ia nompalentahmo mombun da mosabat mae i tampat pinompo'una'an-Nyo.

MAZMUR 65:9

Iwi-iwi' na anu jojoong i dunia aiya nabuhukmo ka' no holomatimo kalana nontoamo apa-apaa na anu binaumo nu Belento anu madi' hondo kogampanyo. Songko-songko na dunia lengkat mae i puusnyo sa'angu' toka-toka i puusnyo sa'angu', pinolame'mo nu Belento ka' lewa'mo nontaligalai.

MAZMUR 72:6

O'amalakon da ia sumomo ujan anu tudun i padang anu mateges, sumomo ujan daka' anu nongueeimo iwi-iwi na ale'.

AMSAL 16:15

Nonongnyo nu kinyonyoa nu tomundo mompodaagi' kasanangan nu kantumuu'an; susumo kundom montudunakonmo ujan itempo' nu posinaa.

YESAYA 30:23

De belemiu motuganmo bine', Tumpu montudunakonmo mae ujan da bine' aijo' tumuu' da kohasinnyo ahi' anu opadak ka' molabi-labi. Ka' mule' potuu'on nu belemiu sadiamo na hemput padang anu ewa na tampatnyo.

YESAYA 44:3

Kalana Ku bulokakonmo mae na ujan aiya itano' anu notismo, ka' nompojalanmo kaunyo itano' anu nategesmo. Ku bee'mo na kakuasa'an-Ku hi lee' nu beleyum, ka' mombalakatimo makumpu nu beleyum.

YESAYA 5:6

Ku pojohokmo da nutumuu'imo nu hemput nu alas. Anggurnyo madimo lewa' Ku patagi na sumpenyo ka' mule' madi'mo lewa' Ku sube'i na hemputnyo. Pakalaus Ku pobakasmo da nu kalumbungimo nu hemput anu kohii'nyo, ka' mule' iwi-iwi na kundom Ku tewa'mo da bolimo montudunakon ujan.”

YEREMIA 10:13

Ola pinalentah-Nyo binuhokanmo na uee aita' ilanga Lengkat mae ipuusnyo nu tano' pinotoka-Nyomo mae na kundom, ka' pinojadi-Nyomo na kilat pojingkalap i uno nu ujan, ka' sinai-Nyomo mae na mombun lengkat itampat pinompo una'an-Nyo.

YEREMIA 14:22

Pilogot nu to bansa-bansa madi' moko ala montudunakon ujan i tano'. Langit suele imadi' ahi' moko ala mombubusakon ujan nu posi kuasanyo. Ola-olanyomo ahi' Belento na anu otaha'imani mami. Belento na nombau aijo' iwi-iwi' sampe jinadi.

YEREMIA 5:24

Madi' toho' belemiu tinolotuka mongadati mae Aku, padahan Aku na nombee'i mae ujan maumo ipalatamanyo nu lonu nu ujan kabai ikamingkotannyo mo nu lonu nu ujan. Aku mule' ahi' na nombee'i belemiu lonu nu mongala isi nu ale' sataun toka sataun.

YEREMIA 51:16

Ola pinalentah, binuhokanmo na uee aita' ilangit. Lengkat mae ipuusnyo nu tano' songko-songko pinotoka-Nyomo mae na kundom, ka' pinojadinyomo na kilat da pojohonjit i uno nu ujan, ka' pinokau-Nyomo mae na mombun lengkat mae itampat pinompo una'annyo.

YEHEZKIEL 34:26

Ku balakatimo na aha ka' mompobee'mo aha jojoong i bungkutnyo anu susi' anu Aku na tumpunyo. Aha Ku bee'imo ujan de nu palalui nu aha.

YEHEZKIEL 36:37

Tumpu Anu Matangkas na Kuasanyo notataemo, “O bansa Israel, belemiu Ku pobee'mo mule' momoita tulung hi beleng-Ku; Ku tuangimo na konjoo'nyo nu belemiu susumo gombuan nu domba.

HOSEA 10:12

Aku motatae, ‘O Israel! Pombau ale' na beleyum anu salaje obuka nu belemiu, sauimo bine' nu ka adilan ka'o padak na balakat, bukutinyo beleyum mongka'ima'i mae Aku totu-totu'u. Kalana tempo'nyomo na beleyum molio mae Aku, Tumpu nu beleyum. Aku tokamo mae ka momponjoo'mo balakat-Ku hi belemiu.’

HOSEA 6:3

Kalana aijo' imbo' mo da kita mompagala ahi' totu-totu'u palesaya hi Tumpu. Ia totu-totu'u tokamo mae hi kita susumo sinaa kahandamo mae bete', ka' susumo mule' ujan mohomeimo tano' salatan ohanimo mingkot na lonu nu ujan.”

AMOS 4:7

Pinoliwa'-Kumo na tudun mae na ujan salatan anu osu'an nu belemiu talalomo hondo palalu i uee. Ku tudunakon mae na ujan i sa'angu' na kota', ka' madi' mokiijo' i kota' sangga'at. Ale' sa'angu' nutului nu ujan, sadangkan ale' sa'angu' mule' manggas madi' ko uee-ueenyo.

MIKHA 5:7

Aha mian nu Israel anu daagi' jinojoong hi aha to bansa-bansa sumomo singa itotonga' nu to bina-binatang anu i uno nu alas kabai itotonga' nu tompukan nu domba anu i daerah nu padang hemput. Singa aijo' minsoopmo mokiijo' itotonga' nu tompukan nu domba haha aijo' ka' mompahampeja'akonmo ka' mule' mombente-bentekmo; madi' ko anu moko ala molapasakon domba haha aijo'.

YOHANES 16:23

I sinaa aitu, komiu madi'mo daagi' mompokilawa apa-apaa hi beleng-Ku. Palesayamo: Mau mule' apaa na opoita miu hi Tuuma de momboa sanggong-Ku, aijo' nubee' nu Tuuma hi beleyum.

1 KORINTUS 3:6

Aku na monsu'an, lantas i Apolos na nondudu'i, panyo posi Tumpu na mompotimbali pomulaonnyo tumuu'.

PO'ULE' INGULIT 28:23

Ujan madi'mo tudun ka' tano' nu belemiu bengkengmo susumo besak.

YAKOBUS 5:7

Kalana aitu, osabalakon to Utu-utus, sangkutnyo Tumpu toka. Toa mosia na kosabaannyo na samian anu topo ale' montanda'i sampe tano'nyo mohasinakon anu ko olinyo hi ia. Ia sabaan na montanda'i ujan loonu nu mohudu' na hon nu kau' ka' ujan loonu nu mimbunga na kau'.