ZAKHARIA 1:12 - KITAB NU TUMPU ALLA LELE MA'IMAI'

¹² Lantas malaekat aijo' notataemo, “O, Tumpu Anu Daka na Kuasanyo, Aku talalo hondo mongkalibosi ka' saja' monginau' kota' Yerusalem kota'-Ku anu susi'.

ZAKHARIA 1:12 Iomraidhean Croise

2 TAWARIKH 36:21

Sumo aijo'mo na tinimbali susumo apaa na anu pinoto'imo nu Tumpu hi Yeremia tukoonyo lipu' aijo' timbalimo tano' mateges 70 taun na kopinnyo salaku bau pombolosi taun-taun Sabat anu madi'mo kinali-kalinga.

MAZMUR 102:10

Aku mongkaan abu' sumomo roti, anu ku inum mogalo-galo'mo lolu',

MAZMUR 102:13

Panyo Belento, o, Tumpu, Tomundo' anu sampe toka sidu-sidutu', sabole-boleh o'inau sampe molapi-lapis na tulunan.

MAZMUR 69:5

Mian anu mongka'ideki mae aku padahan madi' ko saba-sababnyo, lebe manjoo' nu lingkudui na hambahan nu ubaku. Mian anu toto hoso-hoson kahanda'mo mae monsilakai aku; aha molambanimo mae aku ka' lewa'mo mompobau-bau anu madi' totu'u. Aku pinakisamo nu aha da osule'akon na, halata' anu madi' ola ingagoanku.

MAZMUR 74:10

Hipianje na belenti, O, Tumpu, na anu monsampobali' mae belentimo madi'mo mongkokojoi Belento? Pa' sampemo toka sidu-sidutu' na aha mongalu sanggo nu Belento?

MAZMUR 79:5

O, Tumpu, sampemo toka sidu-sidutu' na Belento motambuha' ka' kinyonyoa nu Belento anu saja' madi' sanang hi kami sabole-bolehmo mook susumo apu?

ANU MOMPOLELE POTATAE NU TUMPU 3:3

tempo'nyo opateimo ka' tempo'nyo mompa'alin, tempo'nyo mongidei ka' tempo'nyo mombau.

YESAYA 47:6

Naipuan mae Aku nontambuha'imo mian anu palesayamo hi beleng-Ku, aha madi'mo daagi' Ku anggap Aku na tumpunyo, Lantas aha Ku bee'mo hi beleyum, ka' beleyum madi'mo nongkaliboso aha, ka' mule' to tu'a-tu'anyo pinosansalamo nu beleyum taha-tahahu.

YESAYA 63:9

Iamo ahi' na kinona nu kasusa'an nu aha, Tumpu madi' nonsai mian kabai anu mombolosakon, posi Iamo ahi' na nompobebas aha kalana liibos ka' kalibosan-Nyo. Ia saja' ahi' monjagai aha daagi' pe'e naipuan mae.

YEREMIA 12:4

Daagi' toka hipian na kopinnyo lipu' aiya manggasmo ka' hemputnyo magayoumo i iwi-iwi na ale'? Tomonsi' tiba binatang sangga'at natemo kalana palabuatan ma'idek nu bansa mami. Aha notatae, tukoonyo nu aha aku madi'mo montoa pa' mosia na ka ahenannyo saidi' mae na aha.”

YEREMIA 15:17

Aku madi' suele balasana-sanang tiba to mia-mian anu sinihukmo lewa kumojo. Kalana montuluti Belento sahingga aku nanintademo kalana mongoa'i pusa.

YEREMIA 29:10

Tumpu notatae, ‘De sampa'mo pitumpulu' na taun na kopinnyo na tempo' nu aha Babel mongala kasampatan, Aku po ule'mo mompalahatikan belemiu ka' Ku ganapimo na palajanjian-Ku po ule'mo momboa belemiu mo uuka mae itampat aiya.

YEREMIA 30:18

Tumpu po ule' mule' notatae; “Belemiu mian anu palesayamo hi beleng-Ku Ku kalibosimo ka' po ule'mo Ku pokopiani na kantumuu'an nu belemiu i tano' kinahampean nu belemiu. Yerusalem po ule'mo ahi' obau ka' laigannyo nu tomundo' opoko ima'imo.

DANIEL 12:6

Samian nompokilawamo hi anu tinuminjo lebe ohani i mata nu kaunyo, “Hipianje na lapas na kajadian-kajadian haha aijo' anu okabangangi?”

HABAKUK 1:2

O Tumpu sampe toka hipian na aku tionyo ahi' momoita da otulungi? Hipian na Belento mohongo mae ka' momposalamat kami da bolimo osansalai?

ZAKHARIA 1:8

tinoangku malaekat nu Tumpu nonsake'imo sa'angu' na ajahan momea'. Ia tinuminjomo isa'angu' na bangka'nyo i olot nu kau' murad. Aitu mae ihikunyo tinuminjo pa sangkuka na ajahan sangga'at daagi' ko anu momea', daagi' ko anu gio-gio mohaha tiba anu mopute'.

ZAKHARIA 7:5

Pinoto'i-Nyo, “Poto'i hi mian anu jojoong i lipu' aiya ka' hi to mia-mian, te puasa' tiba mohangi anu nu bau nu aha i bitu'on ko olima'nyo ka' mule' i kopopitu'nyo anu pitumpu pulu'mo na taun na kopinnyo na lewa' binau, misa' bau poholomati Aku.

IBRANI 7:25

Mokonyo aitu sampe toka sidu-sidutu' i Yesus timbali momposalamat to mia-mian anu toka hi Tumpu, montului Ia, mokonyo aijo' Ia tumuu' sampe toka sidu-sidutu' da mompotokakon apaa na anu nu poita nu to mia-mian hi Tumpu.

ANU PINOTO'I HI YOHANES 6:10

Aha noloboo' daka-daka', “O Tumpu Anu Matangkas na kuasanyo, anu Susi' ka' totu'u! Daagi' hipian na kopinnyo lantas Beleyum momputusimo anu jojoong i dunia ka' mohukummo aha kalana nompateimo kami?”