YUNUS 4:8 - KITAB NU TUMPU ALLA LELE MA'IMAI'

⁸ Salatan batu nu sinaa binete'mo, Tumpu nompalentahmo mae baleba' anu mapanas anu lengkat mae i kabete'an. I Yunus kiniboli' kinotusmo na kinyonyoanyo nu batu nu sinaa anu sumomo mompapui mae ubaknyo. Madi'mo kino halapan apa-apaa na ia ka' mongka'ima'imo da sahanyo silakamo. Ia notatae, “Lebe ma'ima' aku silakamo ka' de mule' aku daagi tumuu'!”

YUNUS 4:8 Iomraidhean Croise

KAJADIAN 41:6

Lapas aijo' nimbua' mule' popitu' na bua' nu gandum sangga'at, anu toto kipa-kipak ka' makadampihi' kalana kinonamo nu mombun anu lengkat mae i padang bola.

1 TOMU-TOMUNDO' 19:4

lantas ia i lumjangmo tengke nambamo i padang mateges sinansinaa na ia i lumajang sampe tinoka no kiijo' i patu nu kau' anu hopo' hondo na honnyo. I kiijo'mo na kina suhangannyo ka' gagalannyo sahanyo matemo. “Madi'mo ku poko ala mongintim O Tumpu.” Na pinoto'inyo hi Tumpu. “Alamo na nyawangku. Aku madi' lebe ma'ima' molingkudui mompole'ku mae!”

1 TOMU-TOMUNDO' 21:4

Kinyonyoanyo madi'mo sinanang ka' notambuha'mo kalana nohongomo apaa na anu tinaloakon i Nabot hi ia, i Ahab ninsusule'mo ka' nale'mo i kahoyotannyo ohupnyo pinsonggilingnyo ka' madi'mo mongka'oho' mongkaan.

AYUB 2:10

Tinaaman i Ayub, “Beleyum motatae sumomo mian anu ponga'! Te toho' mule' kita ola saja' mongka'oho' mongala anu ma'ima' hi Tumpu Allah, lantas anu madi' ma'ima' na madi'mo o'alanto?” Jadi maumo i Ayub nongoa'imo iwi-iwi' na balaa' anu susumo aijo' panyo ia madi' nontaloakon potatae anu mompisala'i Tumpu Allah.

AYUB 7:15

Sahingga gagalanku otekokmo mae na aku lantas silakamo apaa na gunanyo aku tumuu' padahan ola saja' mongoa'i sansala i uno nu kantumuu'an aiya.

MAZMUR 121:6

Beleyum madi' nusakiti nu singit de sinaamo, kabai kalana bitu'on de malomo.

MAZMUR 39:9

Pimpaliakon mae na aku idosa'ku iwi-iwi', boli opojohok na aku sola'mo nu kokojoi nu mian anu ponga'.

ANU MOMPOLELE POTATAE NU TUMPU 7:9

Boli malia' sampa mapanas na kinyonyoa; ola mian anu ponga' na saja monginau' ingunyo ikinyonyoanyo.

NYANYIAN ANU TALASANGGO 1:6

Boli montoa butongku mo'itom, kalana aku saja' nu timpa'i nu singit. To utu-utusku tu'a nontambuha'imo aku ka' nompokaumo aku mokalaja i ale' nu anggur; aku madi'mo kokasampatan na mongulus butongku.

YESAYA 49:10

Aha madi'mo megot ka' mo'ohop, ka' madi'mo nu kona nu singit ipadang tampat anu mateges. Kalana Tumpu mongkalibosimo aha ka' mompotiju'mo aha, ka' montaka'mo mamba i mata nu uee.

YEHEZKIEL 19:12

Panyo ia ginautmo nu lima nu to mia-mian anu pinusamo, lapas aijo' ilumbu'akonmo i tano'. Mombun anu lengkat mae isasu Kabete'an, nomanggasimo bua'nyo anu ma'ima'. Panga'nyo nopato'mo ka' nanggasmo lantas pinapuanmo.

HOSEA 13:15

Naumo Israel sinanangmo na kantumuu'an nu aha susumo hemput anu molumba' panyo Ku pokauje na mombun nu kabete'an anu mapanas hondo lengkat mae i padang anu mateges. Mombun aijo' na montiisi iwi-iwi na mata nu uee tiba to bubu-bubung. Sahingga manggasmo iwi-iwi' na anu mahan na olinyo.

IMAMAT 10:3

Lantas i Musa notataemo hi Harun, “Aijo'mo na anu kokoonyo nu Tumpu tempo'nyo Ia notatae, 'Iwi-iwi' na anu mombau apaa na anu Ku poto'i tionyo ahi' mongadati kasusi'an-Ku. Aku mompotoamo katalasanggoan-Ku hi aha iwi-iwi' bansang-Ku.' ” Panyo i Harun ola nomohokot.

YUNUS 1:17

Hau-haunyo aijo' Tumpu nompalentahmo mae sa'angu' na ikan anu talalo hondo daka' ka' ilonyomnyomo na i Yunus. Sahingga jinojoongmo na i Yunus i unonu kompong nu ikan tinolumpahu ka' tinolunsinaa na kinopinnyo.

YUNUS 1:4

I Yunus nintatau'mo kaiyong mae sasu lunasa'nyo ka' kino mamale'mo ikaiyong, lantas ihoyotmo bobobogon. Lapas aijo' Tumpu nompotokamo mae antong anu makansang hondo i ambai ka' jinadimo na antong anu makansang hondo aijo' nontintip kapan aijo' sahingga kiniboli' ihansunmo. To mia-mian pangalaja nu kapan nabuhukmo hondo ka' lewa'mo noloboo' na aha toto samian momoita tulung hi posi-posi pilogot nu aha. Da mongkulangi bahaya dumo tompu, pinaha lumbu'akonmo i ambai na to bala-balang anu pinosake'.

YUNUS 4:3

Uuka aiya, o Tumpu pojohokmo da aku silakamo, kalana lebe ma'ima' aku silakamo ka' bolimo tumuu'.”

YUNUS 4:9

Panyo Tumpu notatae hi ia, “Beleyum madi' palalu susa' sumo aijo' kalana nu saduakon nu sosu'anon aijo'!” Tinaaman i Yunus, “Kadaka' madi'mo? Pantasnyomo na aku motambuha' taha-tahahumo sampe mate.”

MATIUS 20:12

‘Anu nokalaja tinoka i mihi aijo' ola nokalaja sajam. Panyo kami nokalaja sinansinaa i panas anu talalo masingit, panyo kita Tuan nombayan aha pokakanamo sumo kami!’

ANU PINOTO'I HI YOHANES 3:19

To mia-mian anu Ku ku kalibosi, ahamo na anu Ku tewa' ka' Ku pohos. Kalana aijo' tionyo ahi' belemiu bikas ka' balatobatmo i to dosa-dosa' miu.

ANU PINOTO'I HI YOHANES 7:16

Aha madi'mo daagi' mongoa'i mo'ohop kabai megot; batu nu sinaa kabai singit anu mapanas hondo madi'mo daagi' montoyo'i aha,

1 SAMUEL 3:18

Lantas sinisikmo i Samuel iwi-iwi' apaa na anu ihongonyomo aijo' hi Eli. Madi' ko sa'angu' pe'e na anu pinohowininyo. Lapas aijo' notataemo na i Eli, “Ia aijo' Tumpu bakas da Ia mombau apaa na anu kooNyo aijo' ma'ima'.”