YUNUS 3:9 - KITAB NU TUMPU ALLA LELE MA'IMAI'

⁹ Ihe na monsumbu' Tumpu mombabali'imo niat-Nyo ka' madi'mo daagi motambuha' sahingga kita madi'mo silaka!”

YUNUS 3:9 Iomraidhean Croise

2 SAMUEL 12:22

“Ii',” tinaaman i Daud, “memang aku lewa'mo binapuasa' ka' ihumaangmo tempo'nyo anak aijo' daagi tutuu' kalana kututugi: Ihe na monsumbu' Tumpu daagi mongkalibosi mae aku ka' daagi ko kahanda' mompotumuu' akon mae anak aijo'.

MAZMUR 106:45

Kalana nonginau' aha, ia tinonginau'mo i palajanjian-Nyo ka' nongkalibosimo aha kalana daka' hondo na kalibosan-Nyo.

MAZMUR 85:3

Belento nongampuni dosa' iwi-iwi' nu mian anu palesayamo hi Belento; ingampunanmo nu Belento na kasala'an nu aha iwi-iwi'.

MAZMUR 90:13

O, Tumpu, sampe toka hipian na Belento motambuha'? Po'ule'mo mae toka ka' kalibosiakonmo mae na to posa-posaihon nu Belento haha aiya.

YEREMIA 26:13

Kalana aijo' bali'imo na jalan nu kantumuu'an nu belemiu tiba palabuatan-palabuatan nu belemiu; tuluti na Tumpu Allah nu belemiu da Nu intim pe'e na niat-Nyo monsilakai belemiu.

DANIEL 4:27

Kalana aijo' tionyo ahi' belento Tuanku montuluti pokinde'ku. Bolimo belento Tuanku po ule' mombau dosa', panyo anu ma'ima' ka' anu adin na saja' obau ka' mongkalibosi ahi' anu kasiasi. Tiba jalan anu sumo aijo' belento Tuanku tataap tumuu' bilahi.”

AMOS 5:15

Ka'ideki na anu ma'idek, ka'ima'i na anu ma'ima' ka' otoongi na ka'adinan. Ugaat Tumpu mongkalibosimo tuha'nyo nu to mia-mian bansa Israel.

YUNUS 1:15

Lantas aha nolumbu'akonmo i Yunus nokaiyong i ambai. Sahingga antong aijo' madi'mo nakansang.

YUNUS 1:6

Tempo'nyo kapiten nu kapan aijo' nintatau' nintatau sasu akaong i lunasa'nyo tinoanyomo na i Yunus hau-haunyo hoyot. Lantas ia notataemo, “Tetimbali tohoyot na beleyum i unonu han anu sumo aiya? Dongan pobula! Balado'a hi pilogot nu beleyum ka' momoita tulung. Ihe na monsumbu', Ia mongkalibosi mae kita, sahingga kita madi' silaka.”

YUNUS 4:2

Lantas ia binalado'amo, “O Tumpu temisa tinaloakonkumo ahi' ma'isa pe'e aku namba lengkat mae ilaiganku u'utu mae, tukoongku Belento tantu mombaumo sumo aiya? Mokonyo aijo' aku nopalaimo namba i Spanyol! Kusumbu' saba' Belentomo na Tumpu anu mongkalibosi ka' manonong ka' talalo sabaan ka' motatae ma'ima' ka'saja' ko tanga'an madi' mohukum.

ZEFANYA 2:3

Pobalikmo mae hi Tumpu o mian iwi-iwi' anu madi' buulon ilipu' aiya, ka' mule' mian iwi-iwi' anu montuluti palentah-Nyo. Soba pombau apa-apaa mombatuki pongka'oho' nu Tumpu ka' bolimo ko bubuun i ahop-Nyo. Ihe na monsumbu' belemiu opoluputmo ihukuman de tokamo na sinaanyo nu Tumpu mompotoa tambuha'-Nyo.

1 SAMUEL 6:5

Jadi belemiu tionyo ahi' mombau anu susumo bisun tiba anu susumo bokoti' anu nompoko idekmo lipu' nu belemiu. Tiba jalan anu sumo aijo' belemiu mongadatimo Tumpu Allah nu aha Israel. Ihe na monsumbu' da Ia madi'mo mohukum mae belemiu. Ka' to pilo-pilogot ka' mule' tano' nu belemiu.