YUNUS 2:9 - KITAB NU TUMPU ALLA LELE MA'IMAI'

⁹ Panyo aku monyanyiakonmo bau pompuji Belento ka' kusombahkonmo na koloban hi Belento. Batu-batu anu jinanji'kumo ku sidahimo Belentomo na Tumpu anu momposalamat.”

YUNUS 2:9 Iomraidhean Croise

2 SAMUEL 15:7

Salatan ingopatmo nataun pinoto'imo i Absalom hi Tomundo' Daud, “Papa, pobee' pe'e mae na aku mamba i Hebron mompilapasi anu jinanji'kumo hi Tumpu.

AYUB 22:27

De beleyum balado'a nu taamimo na beleyum, ka' apaa na anu jinanji'mo nu beleyum hi Ia nubaumo nu beleyum.

MAZMUR 107:22

Sahanyo aha montalima kaseh ka' momboa anu osombahkon, ka' mule' mombebakon apa-apaa na anu binau-Nyomo, olaguakon nu nyanyian anu bilahi.

MAZMUR 27:1

Mazmur i Daud. Tumpu aijo'mo na jingkaku ka' kasalamatanku, madi'mo ko anu ku kabuhuk. Tumpu aijo'mo na benteng bau pihohunganku, aku madi'mo mabuhuk.

MAZMUR 3:8

Posalamatakon mae na aku, o Tumpu-ngku, hukumakon ka' pengko'iakon na aha iwi-iwi' anu mongewa mae aku.

MAZMUR 50:14

Palasombahkon na koloban bau pontalima kaseh hi Tumpu, tionyo ahi' nu ganapi' na anu jinanji'mo nu belemiu Anu Matangkas na Kuasa-Nyo.

MAZMUR 50:23

Mian anu monsombahkon bau pontalima kaseh salaku bau kolobannyo, ia aijo' na moholomati Aku; ka' mian anu momposadiai jalan da kajalanan-Ku Ku potiju'je hi ia na kasalamatan anu lengkat aiya hi beleng-Ku.”

MAZMUR 68:20

Opuji' na Tumpu, kalana Iamo na Tumpu anu momposalamat kita; sansina-toka sansinaa n simbu na kolononto.

MAZMUR 95:2

Imbo' da kita mangadap hi Ia ka' manyanyi nyanyian bau pontalima kaseh, montaligalai Ia ka' manyanyi, nyanyian anu bau pompuji'.

YESAYA 45:17

Panyo Israel nuposalamatmo nu Tumpu; kasalamatannyo madi' ola sasaingoni'. Belemiu madi'mo opopo ambang ka' o'alu sampe toka sidu-sidutu'.’ ”

YEREMIA 33:11

Panyo itampat haha aijo' saidi' mae po ule'mo ohongo na lewo' nu mian anu lame' ka' anu binilahimo ka' mule' lewo' nu mian anu nombaumo babauon mo'osoa. Ka' ohongo mule' na nyanyian nu to mia-mian anu momboa koloban bau pontalima kase i Laigan-Ku. Aha motataemo, ‘Pontalima kasemo hi Tumpu Anu Balakuasa hondo, kalana Ia manonong ka' mule' kalibosan-Nyo sampe toka sidu-sidutu'.’ Lipu' aiya Ku pomajumo na kantumuu'an nu aha susumo momonanyo naipuan mae. Aku, Tumpu notataemo.”

HOSEA 14:2

Pinsusule'mo mae hi Tumpu na belemiu o bansa Israel! Dosa' nu belemiu nonsaduakonmo sahingga belemiu tinompaleda'mo ka' tinombahangkangmo.

YOHANES 4:22

Komiu mian nu Samaria monsombah anu madi' osumbu' miu, panyo kami mian nu Yahudi monsombah Ia anu osumbu' mami, kalana kasalamatan toka lengkat mae hi mian nu Yahudi.

SISIKON NU TO RASUL-RASUL 4:12

Ola ahi' kalana i Yesus mian oposalamat. Kalana i songko-songko nu dunia i totonga' nu mian madi' ko samian pe'e na anu nohumpakmo kakuasa'an lengkat mae hi Tumpu da momposalamat kita.”

ROMA 12:1

To Utu-utus! Tumpu talalo ma'ima' hi kita. Mokonyo aijo' ku poita hondo-hondo na komiu monsombahkon butong miu sumo sa'angu' na panyombahan anu tumuu' ola sa'a-sa'angu'nyo hi Tumpu tiba mule' anu momposanang kinyonyoa-Nyo. Komiu monsombah hi Tumpu tionyo sumo aijo'.

PO'ULE' INGULIT 23:18

Ka' mule' suele doi anu o humpak nu aha kalana masala' aijo' madi' timbali oboa i laigan nu Tumpu Allah nu belemiu bau pombayan anu i niatakonmo, kalana Tumpu Allah nu belemiu mongka'ideki anu masala' i tampat-tampat ponsomban pilogot ka' tambonyo nu aha anu nasala'mo.

IBRANI 13:15

Kalana aijo', binuka'mo i Yesus na jalan sahingga kita saja'mo ahi' mompuji-puji' Tumpu; aijo' salakumo koloban pontalima kasento hi Ia, anu osombahkonto otaloakon nu biwi bau pompopodaka' sanggo-Nyo.

ANU PINOTO'I HI YOHANES 7:10

Lantas aha notatae daka-daka', “Kasalamatanto nolengkat mae hi Tumpunto, anu suha-suhang i kasuhangan aijo', ka' lengkat mae hi Anak nu Domba aijo'!”

1 SAMUEL 12:21

Boli montuluti to pilo-pilogot anu madi'moko ala montulungi ka' momposalamat belemiu, kalana aha sabenannyo imadi'an.