YUNUS 2:2 - KITAB NU TUMPU ALLA LELE MA'IMAI'

² “O Tumpu, i uno nu kasusa'anku aku motataemo hi Belento. Ka' Belento nontaamimo mae aku. I dunia nu mian anu sinilakamo aku nomoitamo tulung. Apaa na anu pinoitangkumo ihongomo nu Belento ka' pinalahatikanmo nu Belento.

YUNUS 2:2 Iomraidhean Croise

2 TAWARIKH 33:12

Tempo'nyo ia nonta'upmo kasansalan aijo', ia nongakuimo kasala'annyo hi Tumpu Allah-nyo ka' ia binalado'amo nongkakaasemo da otulungi na ia.

MAZMUR 116:3

Aku pinopobuhukmo mae nu balaa' anu monsilakai, ka mabuhuk hi anu monsilakai nontumbuhimo mae aku, sahingga aku nangada'mo ka' nabuhukmo.

MAZMUR 120:1

Nyanyian mamba i tampat anu ko balakatnyo I uno nu kasusa'anku, aku nongkakasemo momoita tulung hi Tumpu, ka' tinaamannyomo mae na aku.

MAZMUR 16:10

Kalana Belento madi' mompojohok aku da silakamo; mian anu nukalibosi nu Belento madi' nupojohok nu Belento da silakamo.

MAZMUR 22:24

Opuji' na Ia, o to mia-mian anu mohongo-hongo Tumpu! Opopodaka' na Ia, iwi-iwi' na mian lee' mae i Yakub! Osombah na Ia, iwi-iwi' na mian lee' mae i Israel!

MAZMUR 34:6

Mian anu sinansalamo nontaha'imanimo ia ka' ilame'mo aha madi'mo daagi' mohumpak ambang.

MAZMUR 4:1

Anu mongkapalai panyanyi. O kuti'akon kasapi. Mazmur i Daud.

MAZMUR 61:2

Potombihingakon mae na anu ku kakase aiya, o, Tumpu, inau'akon mae na do'angku aiya.

MAZMUR 65:2

Konanyomo na kami mompuji' Belento, anu kiita' i Sion, o, Tumpu, ka' mongganapimo janji' mami hi Belento.

MAZMUR 86:13

Kalana Belento saja' mongkalibosi aku, ka' kalibosan nu Belento tahahumo hondo; Belento nohangkatmo nyawangku da boli jojoong kaiyong i uno nu kubun.

YESAYA 14:9

Dunia nu mian anu sinilakamo aijo' balame-lame'mo na molabot itomundo' Babel. Sahingga mobulamo na santuu' nu to mia-mian anu naipuan mae binalakuasa i dunia aiya ka' mule' santuu' nu to tomu-tomundo' tuminjomo mae aijo' i kasuhangan nu aha.

MOHAANGI 3:55

O Tumpu, aku momoitamo tulung hi Belento, lengkat i lananyo nu bubung anu maleeng aijo'.

YEHEZKIEL 26:20

Lantas beleyum Ku boamo i dunia nu mian anu sinilakamo da sola'mo humang tiba aha mian anu sinilakamo salatanmo pe'e naipuan mae. Ku pojohokmo na beleyum da tataapmo i dunia nu mian anu sinilakamo aijo' itotonga' nu anu singkapmo na'idek sampe toka sidu-sidutu', tiba mian anu sinilakamo. Sahingga tano' nu beleyum madi'mo daagi' ojojoongi ka' beleyum mule' madi'mo daagi' oposoop ilekengan nu mian anu daagi tutuu'.

YEHEZKIEL 31:14

Iwi-iwi' aijo' jadimo da otampu'uni uuka aiya madi'mo daagi' ko kau' anu tumuu' sumo aijo' na kotangkasnyo; madi'mo daagi ko tuu' nu kau' anu montoka-toka kundom maumo ahi' mohumpak uee anu molabi-labi. Iwi-iwi' tionyo ahi' silaka susumo manusia anu madi' tumuu' batu ka' sihukmo mosa'angu' tiba to mia-mian anu nintatau'mo i dunia nu mian anu sinilakamo.”

MATIUS 12:40

I Yunus jinojoong tolunsinaa ka' tolumpahu i uno nu kompong nu ikan daka'. Sumo aitumo na Anak nu Mian jojoong tolunsinaa tolumpahu i uno nu kompong nu tano'.

LUKAS 11:10

Kalana mian anu momoita, montalima; mian anu molio, mohumpak; ka' mian anu mongkutetek otuhea'akonje na tumban.

LUKAS 22:44

I Yesus talalomo hondo nongoa'i sansala i kinyonyoa, sahingga Ia nompaka balado'amo totu-totu'u. Liasa'-Nyo sumomo baso' jinumuju' i tano'.]

SISIKON NU TO RASUL-RASUL 2:27

Kalana Beleyum madi' mompojohok butongku jojoong i uno nu dunia mian mate. Beleyum madi' mompojohok posaihon-Um anu mohongo-hongo aijo' magalis ka' mingkot.

IBRANI 5:7

Tempo'nyo i Yesus daagi' tutuu' i dunia aiya, Ia binalado'a ka' noloboo' na nongkakase ka' i humaang hi Tumpu, anu moko ala momposalamat i balaa' nu kapatean. Ka' kalana Ia mohongo-hongo Tumpu ka' mongadati, sahingga i hongonyomo mae na Ia.

1 SAMUEL 1:16

Boli osangka na aku aiya ola boune anu lewa' masala'. Aku balado'a susumo aiya kalana talalomo hondo molibos ka' susa' na kinyonyoangku.”

1 SAMUEL 30:6

To sulu-suludadu i Daud sinusa'mo hondo kalana madi'mo kino anak tiba bengkele' nu aha. Mokonyo aijo' aha kahanda'mo mompahambunu'akon nu batu i Daud. Jadi i Daud sinusa'mo hondo panyo kinyonyoanyo po ule'mo pinohoson nu Tumpu Allahnyo.