YUNUS 1:6 - KITAB NU TUMPU ALLA LELE MA'IMAI'

⁶ Tempo'nyo kapiten nu kapan aijo' nintatau' nintatau sasu akaong i lunasa'nyo tinoanyomo na i Yunus hau-haunyo hoyot. Lantas ia notataemo, “Tetimbali tohoyot na beleyum i unonu han anu sumo aiya? Dongan pobula! Balado'a hi pilogot nu beleyum ka' momoita tulung. Ihe na monsumbu', Ia mongkalibosi mae kita, sahingga kita madi' silaka.”

YUNUS 1:6 Iomraidhean Croise

2 SAMUEL 12:22

“Ii',” tinaaman i Daud, “memang aku lewa'mo binapuasa' ka' ihumaangmo tempo'nyo anak aijo' daagi tutuu' kalana kututugi: Ihe na monsumbu' Tumpu daagi mongkalibosi mae aku ka' daagi ko kahanda' mompotumuu' akon mae anak aijo'.

ESTER 4:16

“Posihuk na mian nu Yahudi iwi-iwi' anu itina' i Susan mondo'akon mae aku. Bolimo mongkaan ka' monginum, kopinnyo tolun sinaa ka' tolumpahu. Aku ka' to lalangkoyang anu mompalakai aku suele bapuasa'mo. Lapas aijo' aku mangadapmo hi tomundo, maumo han aijo' mompaha sala'mo tiba atulannyo. De memang aku silakamo kalana aijo', bakasmo da aku silakamo!”

MAZMUR 107:6

I uno nu kasusa'an aha nongkakasemo hi Tumpu, ka' Ia nompobebasmo aha da madi'mo mongoa'i kasansala'an.

MAZMUR 78:34

De Tumpu nompateimo pa' aha sangkuka na aha, sangga'at mompele-pele'mo ka' po'ule'mo balatobat hi Ia.

YESAYA 3:15

Kadaka' belemiu nonsakisamo mian anu palesayamo hi beleng-Ku ka' lewa'mo nongakali mian anu kasiasi? Aku, Tumpu Anu Matangkas na Kuasanyo ka' mule' Anu Daka' na Kuasanyo notataemo.”

YEHEZKIEL 18:2

“Kadaka' potatae aijo' me saja' osanggo ilipu' Israel? ‘To tu'a-tu'anyo mongkaan bua' nu anggur anu malosing, panyo to ana-anakmo ahi' na mangilu' na bese'nyo.’

YOËL 2:11

Potatae nu Tumpu sumomo gohung mombee'i tanda hi to sulu-suludadunyo. Talalo ahi' manjoo' na suludadunyo! Talalo ahi' mahoson na suludadunyo anu mombau palentah-Nyo! Talalo ahi' okabuhuk ka' hebat hondo na Sinaa nu Tumpu Madi' ko samian pe'e na moko ala mongewa.

AMOS 5:15

Ka'ideki na anu ma'idek, ka'ima'i na anu ma'ima' ka' otoongi na ka'adinan. Ugaat Tumpu mongkalibosimo tuha'nyo nu to mia-mian bansa Israel.

YUNUS 3:8

Mian ka' binatang tionyo ahi' mompake hude kalung. Salaku bau tanda nanyasanmo. Iwi-iwi' na mian tionyo ahi' balado'a totu-totu'u hi Tumpu. Aha tionyo ahi' mombabali'imo kalakuan nu aha anu ma'idek ka' palabuatan nu aha anu kahomo dosa'.

YUNUS 3:9

Ihe na monsumbu' Tumpu mombabali'imo niat-Nyo ka' madi'mo daagi motambuha' sahingga kita madi'mo silaka!”

SISIKON NU TO RASUL-RASUL 21:13

Panyo tinaamannyo, “Apaa na gunanyo kita Utus humaang sumo aiya sahingga monsaduakon kinyonyoangku ma'idekan? Aku noko sadiamo misa' ola da o hakop i kiijo' mae, panyo maumo o patei pe'e kalana i Tumpu Yesus.”

ROMA 13:11

Gampanyo nu anu osumbu' miu iwi-iwi' aijo', aijo'mo tempo' uuka tempo'nyomo komiu mobula, bolimo hoyot. Kalana kita oposalamat ko oha-ohaninyomo na tempo'nyo uuka aiya, misa' sumo sala'je kita nontampu'uni pinalesaya.

EFESUS 5:14

Kalana iwi-iwi' anu manasamo na otoa, aijo' majingka. Mokonyo aijo' tinaloakonmo, “Hee pobulamo na beleyum anu hoyot, ka' anu sinilakamo, po'ule'mo tumuu'! I Kristus monjingkaimo beleyum.”