YUNUS 1:3 - KITAB NU TUMPU ALLA LELE MA'IMAI'

³ Panyo i Yunus ola mule' ahi' namba itampat sangga'at da majo'on hi Tumpu. Ia namba i Yope ka' tempo'nyo aijo' nompaha kabotmo kapan anu kahanda' mamba i Spanyol. Salatan binayannyomo na ongkos nu kapan ia sinumake'mo i kapan aijo', lantas tinalabutmo namba hingga-hinggat tiba pangalaja nu kapan nambamo i Spanyol da majo'on hi Tumpu.

YUNUS 1:3 Iomraidhean Croise

KAJADIAN 3:8

Mamalom sinaa aijo' aha nohongomo Tumpu Allah i lumajang i uno nu taman, lantas ua-ua'aha naninsulukmo i olot nu to kau-kau' da madi' nutoa nu Tumpu.

KAJADIAN 4:16

Lantas nambamo na i Kain lengkat aitu hi Tumpu ka' jinojoongmo i tano' sanggonyo, “Mahalajangan” i bahagian Eden sasu kabete'an.

1 TOMU-TOMUNDO' 19:3

I Elia nabuhukmo lantas nopalaimo da boli opatei. Ia nambamo tiba posaihonnyo namba i Bersyeba kiijo' mae i Yehuda. I kiijo' mae ia madi'mo nongka'oho' da susumo nabi,

1 TOMU-TOMUNDO' 19:9

Kiita' mae i Elia i hoyotmo i uno nu liang. Lantas notataemo na Tumpu hi ia, “Apaa na nubau aiya Elia?”

2 TAWARIKH 2:15

Kami montanda'imo anu opakatu mae na gandum ohua' na ngahannyo aijo', anggur ka' lanya' nu zaitun anu jinanji'mo nu Belento Tuan aijo'.

2 TAWARIKH 2:16

Kami monta'mo kau' lontio i bungkutnyo nu Libanon, konjoo'nyo sumo anu nupalalui nu Belento Tuan, lantas obutu' mami sumo aki'an ka' oloyoakan mami montulu ambai sampe toka i Yope. Lengkat i kiijo' kitaje Tuan na mongato mamba i Yerusalem.”

2 TAWARIKH 9:21

Manjoo' na kapan i Salomo anu toto daka-daka' talabut i ndalangon anu ewa hondo hingga-hinggat tiba to kapa-kapan i Tomundo Hiram. Toto totolu' na taun minsan mae na kapan haha aijo' minsusule' mae momboa mosoni', salaka, sae nu gaja, balan ka' tomonsi' merak.

EZRA 3:7

Mian da'isan nombee'mo doi da bau pontamboi tukang anu mompa'at batu ka' tukang nu kau'. Aha suele nompakatumo anu okaan, anu o'inum, ka' lanya' nu zaitun binoa i kota' Tirus ka' kota' Sidon da pontolosi kau' lontio' Libanon i kota' haha aijo'. Kau' haha aijo' ingatomo binoa i Yafo montulu ambai. Iwi-iwi' aijo' kinalajamo nu mian da'isan, panyo i Kores ahi tomundo nu Persia na nompoloas.

AYUB 1:12

Jadi pinoto'imo nu Tumpu hi Anu Monggoda aijo', “Ma'ima'mo desumo itina', baumo pa' oposiamo na kakaya'an i Ayub iwi-iwi' asan boli oko mondoke ia.” Lantas Anu Monggoda aijo' nambamo pinala'iannyomo na Tumpu.

AYUB 2:7

Jadi Anu saja' Monggoda aijo' nambamo pinala'iannyomo na Tumpu, ka' pinokonannyomo na butongnyo i Ayub songko-songko kahomo bela nu kumahut, lengkat pe'e i pala nu tengkenyo tinoka-toka nokiita' i ubaknyo.

MAZMUR 107:23

Daagi' mule' ko anu motulu i ambai sumake' kapan, molio anu okaan i ambai anu ewa hondo.

YESAYA 2:16

Kapan anu toto daka-daka' hondo ka' mule' ma'ima' olomosimo.

YESAYA 23:1

Sumo uuka na potuunon mongkona Tirus. O, to mia-mian nu Spanyol anu lewa' balayan motaap indalangon toto daka-daka' haangmo! Tempo'nyo ninsusule'mo mae lengkat i Siprus pinoto'imo hi belemiu na kota' Tirus ihansunmo. Labuan nu kapan nu belemiu tiba laigan nu belemiu iwi-iwi' kahomo na'idek.

YESAYA 23:10

Lako'mo mamba kalaja na ale' nu belemiu, o, belemiu mian anu jojoong i Spanyol kalana tampat pombauan kapan imadi'anmo.

YESAYA 23:6

Hangmo, ka' palaimo mamba i Spanyol, o, belemiu mian anu jojoong isonibi nu ambai!

YESAYA 60:9

Aijo'mo na to kapa-kapan anu tokamae balabu momboa mae mian anu palesayamo hi Tumpu anu ninsusule'mo mae lengkat i lipu' anu majo'on. Salaka tiba mosoni' suele binoanyo mae da bau pompuji' Tumpu nu beleyum, hi Tumpu Israel Anu Susi' hondo, anu mombau da mian-Nyo anu palesayamo hi Ia oholomati.

YEREMIA 10:9

Ia ilapisan nu salaka tiba mosoni' anu binoa mae lengkat i Spanyol ka' lengkat mae i Ufas, iwi-iwi' anu binau nu lima nu mian topo ukin tiba tukang tutuk mosoni'. Baju'nyo hude anu mingkamumu' hondo tiba anu madi' talalo mingkamumu' tinonun nu anu pande montonun ka' talalo ahi' pinokopianan.

YEHEZKIEL 2:8

O, manusia anu madi' tumuu' batu, potombihing mae apaa na anu Ku poto'i hi beleyum. Boli mule' ahi' montiho aha motomuhuk. Po anga' mae na nganga' nu beleyum ka' kaan apaa na anu Ku bee' hi beleyum.”

YEHEZKIEL 27:12

Beleyum nompobalukmo bala-balang anu opodagang manjoo' hondo hi aha Spanyol, ka' salaku pombayan mae nu aha beleyum nontalimamo salaka, besak, timah mopute' tiba timah mo'itom.

YEHEZKIEL 3:14

Kakuasa'an nu Tumpu na tinoka mae hi belengku, ka' salatan aku ihangkatmo ka' binoamo nu Roh-Nyo kinyonyoanku ingoa'anku napakatmo ka' mule' napanasmo.

YUNUS 1:10

Lapas aijo' ia nonsisikmo pa' mosia na ia nalai mae lengkat i Tumpu. Nohongo aijo' to mia-mian pangalaja nu kapan haha aijo' lebemo mule' nabuhuk ka' notataemo hi ia, “Baani hondo na beleyum nombaumo sumo aijo'?”

YUNUS 4:2

Lantas ia binalado'amo, “O Tumpu temisa tinaloakonkumo ahi' ma'isa pe'e aku namba lengkat mae ilaiganku u'utu mae, tukoongku Belento tantu mombaumo sumo aiya? Mokonyo aijo' aku nopalaimo namba i Spanyol! Kusumbu' saba' Belentomo na Tumpu anu mongkalibosi ka' manonong ka' talalo sabaan ka' motatae ma'ima' ka'saja' ko tanga'an madi' mohukum.

LUKAS 9:62

I Yesus notatae hi mian aijo', “Mian anu montampu'unimo mompajeko, lantas mosiloi i hiku, madi' pantas timbali mian anu palesayamo hi Tumpu.”

SISIKON NU TO RASUL-RASUL 15:38

panyo i Paulus mongoa'i madi' ma'ima' na momboa i Markus, anu madi' mongka'oho' mokalaja hingga-hinggat tiba aha ka' nompala'imo aha kiijo' mae i Pamfilia.

SISIKON NU TO RASUL-RASUL 26:19

“Kalana aijo', kita Tomundo' Agripa, aku saja' bala usaha mohongo-hongo hi anu tinoa ka' tinalimangkumo lengkat mae hi Tumpu aijo'.

SISIKON NU TO RASUL-RASUL 9:36

Kiijo' i Yope daagi' ko samian na boune sanggonyo i Tabita. Ia samian anu palesaya hi Yesus. (Sanggonyo i uno nu basa' nu Yunani, i Dorkas alati'nyo jonga.) Ia ola ahi' saja' mombau hahan anu ma'ima' ka' montulungi to mia-mian kasiasi.

SISIKON NU TO RASUL-RASUL 9:38

Yope madi' sangkuka na kojo'onnyo lengkat i Lida. Jadi tempo'nyo anu saja' mombatuki Yesus kiijo' mae i Yope nohongomo i Petrus daagi' kiijo' i Lida, aha nonsai ua'aha namba hi Petrus ka' nompotuun sumo uuka, “Lia-lia' mae toka.”

SISIKON NU TO RASUL-RASUL 9:42

Lele mongkona anu tinimbali aijo' tinogilelemo nokiijo' i songko-songko na Yope, sahingga da'isan na mian anu pinalesayamo hi Yesus salaku Tomundo anu Momposalamat aha.

SISIKON NU TO RASUL-RASUL 9:43

I Petrus jinojoong i kiijo' daagi' tino pia-pian sinaa i laigan nu samian anu topo ka'ut kilit sanggonyo i Simon.

1 KORINTUS 9:16

Kalana de aijo' ola han mompolele Lele Ma'ima' lengkat mae hi Tumpu, tantu aku madi' ko hak kobubuun, kalana Tumpu nompalentahmo aku, da mompojalan aijo'. Silaka na aku de aku madi' mompolele Lele Ma'ima' aijo'!

2 TESALONIKA 1:9

Mian haha aijo' montalimamo hukuman kapatean anu sampe toka sidu-sidutu', nu alinmo nu Tumpu i sambiha'nyo ka' nusabatakonmo i kuasa-Nyo anu talasanggo;

YOSUA 19:46

Me-Yarkon, Rakon ka' suele da'erah anu nusangkup nu Yope.