YOSUA 4:3 - KITAB NU TUMPU ALLA LELE MA'IMAI'

³ Pokau na aha da mongala sampulu' ka' ohua' na batu aijo' i totonga'nyo nu Kaunyo Yordan, i tampat kinatinjoan nu to ima-imam. Pokau na aha da monsimbu mae batu haha aijo' toka-toka i tampat pinombauan nu belemiu kemah de malomo.”

YOSUA 4:3 Iomraidhean Croise

KAJADIAN 28:22

Ka' tionyo ahi' ku bee'mo hi Tumpu anu sampulu' na bahagian, sambahagian na ku bee' hi Tumpu i han iwi-iwi' apaa na anu nubee' nu Tumpu hi belengku. Batu bau pontandai anu pinotinjongkumo aiya timbalimo bau tampat ponsomban Tumpu.”

MAZMUR 103:2

O, puji' na Tumpu, o santuu'ku boli okolilimi na kanonongan-Nyo iwi-iwi'!

MAZMUR 11:4

Tumpu kiita' mae i Laigan-Nyo anu susi' hondo, kasuhangan-Nyo kiita' mae i suluga'. Ia lewa' mompotomatakon mian ka' monsumbu' iwi-iwi' apaa na anu nubau nu aha.

LUKAS 19:40

I Yesus nontaami, “Palesayamo! De aha momohokot, batu-batu haha aiya na moloboo'.”

YOSUA 24:27

Lapas aijo' notataemo na i Yosua hi aha mian iwi-iwi' anu ikiijo', “Batu aiya na timbali sakisinto. Iwi-iwi' na potatae anu tinaloakonmo nu Tumpu hi kita, tinaloakonmo i ahop nu batu aiya. Jadi, batumo aiya na timbali sakisi hi belemiu da mompo'ingat belemiu da boli panggaga hi Tumpu hi Tumpu Allah nu belemiu.”

YOSUA 3:13

Jadi de saidi' mae to ima-imam anu molemban Peti' Palajanjian nu Tumpu mompeja'mo na tengkenyo Kaunyo nu Yordan aijo', ueenyo madi'mo mo'ili, uee anu lengkat mae i matanyo tongompomo i sa'angu' na tampat.”

YOSUA 4:4

Sahingga ilagamo i Yosua na aha anu sampulu' ka' ohua' na mian anu pinile'anmo aijo',

YOSUA 4:8

Aha sampulu' ka' ohua' na mian haha aijo' nombaumo apaa na anu pinalentahkonmo i Yosua. Susumo apaa na anu pinotiju'mo nu Tumpu hi Yosua aha nongalamo sampulu' ka' ohua' na batu i totonga' nu Kaunyo Yordan – konjoo'nyo sumo konjoo' nu to tulu-tulunan nu bansa Israel – lantas binoamo i tampat pinombauan nu aha kemah.

1 SAMUEL 7:12

Lapas aijo' i Samuel nompotinjomo sa'angu' na batu i potempasan nu Mizpa tiba Sen. Ia notatae, “Tumpu nontulungimo kita totu-totu'u” – lantas batu aijo' sinanggohannyomo “Batu Nontulungi.”