NOMBILANGMO 8:12 - KITAB NU TUMPU ALLA LELE MA'IMAI'

¹² Lantas aha mian nu Lewi tionyo ahi' mompotiik lima nu aha i ubak nu sapi' lakinyo ohua-ohua' aijo'; sa'angu' tionyo ahi' osombahkon bau koloban pongampuni dosa', ka' sa'angu' mule' bau koloban anu opotunu. Tiba atulannyo anu sumo aijo' aha mian nu Lewi pinosusi'mo.

NOMBILANGMO 8:12 Iomraidhean Croise

NOSABATMO 29:10

Lapas aijo' sapi' lakinyo aijo' tionyo ahi' nuboamo i ahop nu Kemah-Ku. I Harun ka' to ana-anaknyo tionyo ahi' mompotik lima nu aha i ubak nu binatang aijo'.

IMAMAT 1:4

Lantas ia tionyo ahi' mompotiik limanyo i ubak nu binatang aijo', sahingga anu sinombahkonnyo aijo' nutalimamo nu Tumpu bau pongampuni dosa'nyo.

IMAMAT 14:22

Ia tionyo ahi' momboa ohua' na tomonsi' malapati anu daagi' bata'nyo kabai sapatau anu daagi' bata'nyo: sa'angu' bau koloban pongampuni dosa' ka' sa'angu' mule' bau koloban anu opotunu.

IMAMAT 16:11

Salatan moko lapasmo na i Harun monsombahkon ka' mongkolotmo sapi' lakinyo bau koloban pongampuni dosa' nu posi butongnyo ka' kona hi aha salaigan,

IMAMAT 16:21

Ia tionyo ahi' mompotiik limanyo ohu-ohua' i ubak nu mee' aijo' ka' mongakui iwi-iwi' na kasala'an, dosa' ka' anu i langgaanmo nu bansa Israel. Tiba jalan anu sumo aijo' iwi-iwi' na kasala'an nu bansa Israel i lalinmo nokiijo' i ubak nu mee' aijo'. Lantas samian na anu pinalentahmo da molaa'mo mee' aijo' da mambamo i padang bola.

IMAMAT 16:6

I Harun tionyo ahi' monsombahkon sa'angu' na sapi' lakinyo bau koloban pongampuni dosa' nu posi butongnyo ka' aha salaigan.

IMAMAT 4:15

To pola-polaya' nu bansa tionyo ahi' mompotiik lima nu aha i ubak nu binatang aijo' lantas o kolotmo i tampat aijo'.

IMAMAT 4:20

Mombau anu susumo aijo', sumomo mombau anu osombahkon na sapi' lakinyo bau koloban pongampuni dosa'. Sumo aijo' na Imam Daka' monsombahkon koloban anu bau pontobus to dosa-dosa' nu mian hi Tumpu, sahingga dosa' haha aijo' nu ampunimo nu Tumpu.

IMAMAT 4:35

Lapas aijo' iwi-iwi' na lompo'nyo nu binatang aijo' tionyo ahi' o ala susumo anu kinolobanakonmo bau pompodame. Lompo'nyo aijo' tionyo ahi' opotunu i mezbah, hingga-hinggat tiba koloban kaanon anu osombahkon hi Tumpu. Sumo aijo' na imam monsombahkon koloban bau pontobus dosa' nu mian aijo', sahingga ia nu ampunimo nu Tumpu.

IMAMAT 4:4

Sapi' aijo' tionyo ahi' nuboa i sabatan nu Kemah nu Tumpu. Imam Daka' tionyo ahi' mompotiik limanyo i ubak nu binatang aijo', lantas o kolot i ahop nu Kemah.

IMAMAT 5:7

Panyo de mian anu ko sala'nyo madi' moko ala momposadia domba kabai mee' bau pontobus dosa'nyo, ia tionyo ahi' momboa tomonsi' sapatau lakinyo tiba behenyo kabai tomonsi' malapati' anu daagi' bata'nyo, sa'angu' bau koloban pongampuni dosa' ka' sa'angu' mule' bau koloban anu opotunu.

IMAMAT 8:14

Lapas aijo' i Musa nongalamo sa'angu' na sapi' lakinyo anu daagi' bata'nyo bau koloban pongampuni dosa'. I Harun tiba to ana-anaknyo nompotiikmo lima nu aha i ubak nu binatang aijo'.

IMAMAT 8:15

Lantas kinolotmo i Musa ka' nongala sambahagian na baso'nyo. Baso'nyo aijo' sinapuakonnyo nu kangkam nu limanyo i tanduk haha aijo' anu pinokona i pasu'nyo nu mezbah, da mezbah aijo' baumo samata-mata anumo nu Tumpu Allah. Labinyo nu baso' dinudu'akonnyomo i paningkokoan nu mezbah. Sumo aijo' na mombau mezbah aijo' da oposusi' ka' samata-matamo anumo nu Tumpu.

IMAMAT 8:18

Lapas aijo' i Musa nongalamo domba lakinyo bau koloban anu opotunu, lantas i Harun tiba to ana-anaknyo nompotiikmo lima nu aha i ubak nu domba aijo'.

IMAMAT 8:34

Tumpu nompalentahkonmo da apaa na anu obaunto sinaa aiya suele saja' obau aiya mae i ahop. Tiba jalan anu sumo aijo' to dosa-dosa' nu belemiu o ampunimo.

IMAMAT 9:7

Lapas aijo' ia notataemo hi Harun, “Lako'mo i mezbah ka' toukaimo na koloban bau pongampuni dosa' ka' koloban anu opotunu, da dosa' nu beleyum ka' dosa' nu mian nu ampunimo nu Tumpu. Bau na aijo' susumo anu pinalentahkonmo nu Tumpu.”

NOMBILANGMO 6:14

ka' momboa hi Tumpu totolu' na potuu'on anu madi' ko panyakitnyo; sa'angu' na anak nu domba lakinyo umunnyo sataunmo anu bau koloban opotunu, sa'angu' na anak nu domba behenyo anu umunnyo sataunmo bau koloban pongampuni dosa', ka' sa'angu' na domba lakinyo bau koloban pompodame.

NOMBILANGMO 6:16

Imam tionyo ahi' mombau iwi-iwi' aijo' i ahop nu Tumpu, lantas monsombahkonmo koloban pongampuni dosa', ka' koloban anu opotunu.

NOMBILANGMO 8:13

Posi po'iwi'mo na aha mian nu Lewi bau samata-mata kapalaluan-Ku ka' pokaumo na aha mombau apaa na nupalentahkon i Harun tiba to ana-anaknyo.

NOMBILANGMO 8:8

Lantas pokau na aha mongala sa'angu' na sapi' lakinyo anu daagi' bata'nyo tiba koloban kaanon labu ginalo'an lanya' na obau. Lantas beleyum tionyo ahi' mongala sa'angu na sapi' lakinyo sangga'at bau koloban pongampuni dosa'.

IBRANI 9:22

Memang atulan nu agama Yahudi, gagalan iwi-iwi na apaa oposusi' nu baso': ka' dosa' ola timbali o ampuni de daagi' ko baso' ojujuhakon.