NOMBILANGMO 8:11 - KITAB NU TUMPU ALLA LELE MA'IMAI'

¹¹ Lantas i Harun tionyo ahi' monsombahkonmo aha mian nu Lewi haha aijo' salaku palasombahan nu aha mian Israel hi beleng-Ku, da aha timbali mombau mosia na monsombah Aku.

NOMBILANGMO 8:11 Iomraidhean Croise

NOSABATMO 29:24

Potimpas iwi-iwi' na kaanon haha aijo' i lima i Harun ka' to ana-anaknyo ka' pokau na aha monsimpalaakon mae hi beleng-Ku salaku anu sinimpalakon na nonsombahkon.

IMAMAT 7:30

Posi ia na tionyo ahi' momboa koloban kaanon aijo'. Lompo'nyo ka' saha'annyo nu binatang aijo' tionyo ahi' osombahkon salaku anu oboa i ahop nu Tumpu.

IMAMAT 7:34

Saha'an ka' pa'anyo koanan anu binoa sinombahkonmo nu bansa Israel ingalamo nu Tumpu ka' binee'nyomo samata-mata hi to ima-imam. Aijo'mo na pontulungi nu bansa Israel hi to ima-imam sampetoka sidu-sidutu'.

IMAMAT 8:27

Iwi-iwi' binee'nyomo hi Harun tiba to ana-anaknyo, lantas sinombahkonmo nu aha salaku palasombahan anu obee' hi Tumpu.

IMAMAT 8:29

Lantas I Musa nongalamo saha'annyo nu domba aijo' ka' nonsombahkonmo salaku palasombahan anu obee' hi Tumpu. Aijo'mo na bau bagi i Musa anu o'ala i domba lakinyo anu kinolobanakonmo nombalakati imam. Iwi-iwi' aijo' binaumo i Musa susumo anu pinalentahkonmo nu Tumpu hi ia.

NOMBILANGMO 6:20

Lantas imam tionyo ahi' montajuakon kaanon aijo' salaku anu obee' samata-mata opadonakon hi Tumpu; aijo' bagian anu susi anu baumo bagi nu imam. Lapas aijo' atina'je ka' mian anu binalaniatmo aijo' timbalimo monginum anggur.

PO'ULE' INGULIT 10:8

I bungkutnyo aijo' pinoto'imo nu Tumpu na tulunan nu bansa Lewi da samata-mata mongkalesang Peti' Palajanjian ka' mombau anu nu palentahkon nu Tumpu, ka' mule' montaeakon balakat hi mian anu pinalesayamo hi Ia. Aijo'mo na kalaja nu aha sampe uuka aiya.