NOMBILANGMO 7:12 - KITAB NU TUMPU ALLA LELE MA'IMAI'

^12-83 Toto samian nomboamo palasombahannyo susumo anu ingatunmo aiya: SINAA TULUNAN NU BANSA POLAYA' 1 Yehuda i Nahason anak i Aminadab 2 Isakhar i Netaneel anak i Zuar 3 Zebulon i Eliab anak i Helon 4 Ruben i Elizur anak i Syedeur 5 Simeon i Selumiel anak i Zurisyadai 6 Gad i Elyasaf anak i Rehuel 7 Efraim i Elisama anak i Amihud 8 Manasye i Gamaliel anak i Pedazur 9 Benyamin i Abidan anak i Gideoni 10 Dan i Ahiezer anak i Amisyadai 11 Asyer i Pagiel anak i Okhran 12 Naftali i Ahira anak i Enan Palasombahan nu aha toto samian pokakana: sa'angu' na lean bola salaka koboatnyo 1,5 kilogram ka' sa'angu' na mangko' salaka koboatnyo 800 gram, sumo timbangan anu biasa opake i Kemah nu Tumpu. Ohu-ohua' na tampat aijo' o isi buke-buke' nu labu anu ginalo'anmo nu lanya' bau palasombahan anu okaan. Ka' sangga'at mule' sa'angu' na lean bola mosoni' koboatnyo 110 gram ka' ingisianmo kamangian; sa'angu' na sapi' lakinyo anu daagi' bata'nyo, sa'angu' na domba lakinyo, ka' sa'angu' na anak nu domba anu umunnyo sataunmo bau koloban anu opotunu, ka' mule' sa'angu' na mee' lakinyo bau koloban pongampuni dosa'; ohua' na sapi', olima' na domba lakinyo, olima' na mee' lakinyo, ka' olima' na domba anu umunnyo sataunmo bau koloban pompodame.

NOMBILANGMO 7:12 Iomraidhean Croise

KAJADIAN 35:22

Hau-haunyo aha kiijo' i tampat aijo' i Ruben nongkamale'imo i Bilha, ambahue' nu tuumanyo. Han aijo' i hongomo i Yakub, sahingga ia pinusamo hondo. I Yakub kino anak sampulu' ka' ohua' na mo'ane.

KAJADIAN 35:23

To ana-anak i Lea aijo'mo i Ruben (anak tumpe i Yakub), i Simeon, i Lewi, i Yehuda, i Isakhar ka' i Zebulon.

KAJADIAN 49:10

I Yehuda na montoongi tokon nu tomundo da mompalentah, lee'nyo na mompalentah sampe toka sidu-sidutu'. To bansa-bansa momboa hasin, ka' monsombah i ahopnyo kalana ia okabuhuk.

KAJADIAN 49:8

I Yehuda, beleyum mompateije to mia-mian anu monsampobali' beleyum, to Utu-utus nu beleyum mompuji'mo beleyum ka' monsombah i ahop nu beleyum.

NOMBILANGMO 1:5

Aiyamo na sanggo nu to mia-mian anu pinile'anmo aijo' hi aha mian Israel da montulungi i Musa ka' i Harun ka' anu timbali polaya' toto sa'angu' na tulunan nu bansa aijo'mo: TULUNAN NU BANSA POLAYA' Ruben i Elizur anak i Syedeur Simeon i Selumiel anak i Zurisyadai Yehuda i Nahason anak i Aminadab Isakhar i Netaneel anak i Zuar Zebulon i Eliab anak i Helon Efraim i Elisama anak i Amihud Manasye i Gamaliel anak i Pedazur Benyamin i Abidan anak i Gideoni Dan i Ahiezer anak i Amisyadai Asyer i Pagiel anak i Okhran Gad i Elyasaf anak i Rehuel Naftali i Ahira anak i Enan

NOMBILANGMO 10:14

Anu namba momona suludadu anu ko bandela'nyo posa'angu'an nu aha Yehuda, sanggombu lapas mule' sanggombu: i Nahason, anak i Aminadab na polaya'nyo nu aha tulunan nu bansa Yehuda,

NOMBILANGMO 2:3

I sasu kabete'an, suludadu anu montinjohakon bandela' posa'angu'an nu aha Yehuda, tionyo ahi' mombau kemah mosi pogombu tiba polaya'anyo samian, mongatun sumo aiya: TULUNAN NU BANSA POLAYA'NYO KONJOO'NYO NU MIAN Yehuda i Nahason anak i Aminadap 74.600 Isakhar i Netaneel anak i Zuar 54.400 Zebulon i Eliab anak i Helon 57.400 Iwi-iwi'mo: 186.400 Gombuan nu aha Yehuda na tionyo ahi' mamba momonanyo hondo.

NOMBILANGMO 7:11

Tumpu notataemo hi Musa, “Poto'i hi aha tukoong-Ku sansina-sinaa kopinnyo sampulu' ka' ohua' na sinaa, samian na polaya' nu aha aijo' tionyo ahi' monsombahkon kolobannyo salaku atulannyo mombalakati mezbah.”

LUKAS 3:32

anak i Isai, anak i Obed, anak i Boas, anak i Salmon, anak i Nahason,