NOMBILANGMO 7:10 - KITAB NU TUMPU ALLA LELE MA'IMAI'

¹⁰ To pola-polaya' nomboamo palasombahan bau polame'akon salaku atulannyo mombalakati mezbah. Salatan aha noko posadiamo anu oboa nu aha i ahop nu mezbah,

NOMBILANGMO 7:10 Iomraidhean Croise

1 TOMU-TOMUNDO' 8:63

Kakona koloban anu bau pompodame, i Salomo nonsombahkonmo 22.000 na sapi' ka' 120.000 na domba. Sumo aijo' na i tomundo' ka' iwi-iwi' na mian da'isan nombau lamean nomposawe'i Laigan nu Tumpu.

2 TAWARIKH 7:5

Koloban bau pompodame sinombahkon i Salomo 22.000 na sapi', ka' 120.000 na domba. Sumo aijo' na i Tomundo ka' mian da'isan iwi-iwi' nombau lamean salaku tanda laigan anu bau ponsomban Tumpu binee'mo hi Tumpu.

2 TAWARIKH 7:9

Pinitun sinaa na aha jinojoong nolame'akon mezbah nu Tumpu pininsasawe'an, lapas aijo' pinintun sinaa mule' na nolame'akon Lamean Tahop oatopi nu Hon nu kau'. I Sinaa kinamingkotannyomo binaumo na lamean anu pinontuduinyomo,

NEHEMIA 12:27

Salatan pagan mesen nu kota' kahanda'mo olame'akon, to mia-mian nu Lewi pinahalagamo na aha anu jojoong pa' iyaya mae da hingga-hinggat molame'akon lamean aijo' ka' monyanyiakon bau pontalima kase ka' mule' musik gambus ka' kasapi.

NEHEMIA 12:43

Sinaa aitu manjoo' hondo na koloban anu sinombahkon hi Tumpu. Mian da'isan binalame-lame'mo kalana Tumpu Allah nompobilahimo kantumuu'an nu aha. To bou-boune ka' suele to ana-anak hingga-hinggatmo nolameanmo, ka' elok nu aha, ka' mule' taligala nu aha mau majo'onmo daagi' kahongoan.

MAZMUR 30:1

Mazmur i Daud. Nyanyian anu onyanyi momposawe'imo Laigan nu Tumpu.

NOMBILANGMO 7:1

Salatan i Musa nopoko potinjomo Kemah nu Tumpu, Kemah aijo' ka' iwi-iwi' na talakonannyo sinapuannyomo iwi-iwi' nu lanya' anu opake de mombaumo atulan nu agama, ka' binalakatannyo. Sumo aijo'mo suele na pinombaunyo mezbah ka' iwi-iwi' na talakonannyo.

NOMBILANGMO 7:11

Tumpu notataemo hi Musa, “Poto'i hi aha tukoong-Ku sansina-sinaa kopinnyo sampulu' ka' ohua' na sinaa, samian na polaya' nu aha aijo' tionyo ahi' monsombahkon kolobannyo salaku atulannyo mombalakati mezbah.”

NOMBILANGMO 7:84

Palasombahan anu binoa mae nu aha sampulu' ka' ohua' na to pola-polaya' aijo'mo na osombahkon mombalakati mezbah aijo' konjoo'nyo: – sampulu' ka' ohua' na lean bolaa salaka, sampulu' ka' ohua' na mangko' salaka, iwi-iwi'mo na koboatnyo 27,6 kilogram – sampulu' ka' ohua' na lean bola mosoni' iwi-iwi' koboatnyo 1,32 kilogram pinobuke'mo nu kamangian. – sampulu' ka' ohua' na sapi' lakinyo, sampulu' ka' ohua' na domba anu umunnyo sataunmo hingga-hinggat tiba koloban anu okaan salaku bau ponsampa'i koloban anu opotunu. – sampulu' ka' ohua' na mee' bau koloban pongampuni dosa', – uampulu' ka' opat na sapi' lakinyo, anompulu' na domba lakinyo, anompulu' na mee' ka' anompulu' na anak nu domba anu umunnyo sataunmo bau koloban pompodame.

PO'ULE' INGULIT 20:5

Lapas aijo' to kapa-kapala nu suludadu tionyo ahi' mompoto'i potatae aiya hi belemiu, ‘Pa' daagi' ko mian anu aiya hi belemiu anu sala'je nompotinjo laigan, panyo ma'isa nombau adatnyo nomposawe'i? De daagi', pinsusule' pe'e na ia. Kalana de ia osilakaimo i uno nu pahampatean, mian sangga'atmo na monjojoongi laigannyo.