NOMBILANGMO 6:3 - KITAB NU TUMPU ALLA LELE MA'IMAI'

^3-4 madi' timbali monginum anggur ka' inumon anu molangui. Ia madi' timbali monginum mau mule' pa' apaa na inumon anu molangui anu bua' nu anggur na binau kabai bua' nu kau' sangga'at. Ia madi' timbali mongkaan bua' nu anggur anu mahamo ka' daagi' ma'ima' kabai anu nanggasmo, kabai maumo pa' apaa anu ingala mae i kau' anggur; batunyo kabai pe'e londiknyo madi' timbali ia mongkaan.

NOMBILANGMO 6:3 Iomraidhean Croise

IMAMAT 10:9

“Moko inum anggur kabai inumon anu moko palangu beleyum ka' to ana-anak nu beleyum madi'mo timbali minsoop i Kemah-Ku. De belemiu molanggaimo atulan aijo' belemiu silakamo. Palentah aijo' tionyo ahi' otuluti totu-totu'u nu iwi-iwi' na lee' nu belemiu.

AMOS 2:11

Pinile'an-Kumo to pia-piangkuka na anak nu belemiu da timbali nabi, ka' to pia-piangkuka na to oli-olitau nu belemiu tinimbali mian anu Iniatakonmo hi Tumpu. Te misa' aijo' na anu totu'u hei mian nu Israel? Aku, na Tumpu anu notataemo.

AMOS 2:12

Panyo belemiu mombee'i mian anu iniatakonmo hi Tumpu monginum anggur, sahingga mombau da aha madi'mo mongganapi jandi'. Ka' belemiu nontewa'moto nabi-nabi da bolimo momposampe potuunon-Ku.

LUKAS 1:15

Pontoa nu Tumpu ia timbali daka', ka' ia madi' monginum anggur kabai inumon anu molangui. Salatanmo pe'e i hampe, ia nu kuasai nu Roh nu Tumpu.

LUKAS 21:34

“Ojagai na butongum, boli komiu talalo mongka'ima'i mombau bau-bauon ka' lewa' monginum inumon anu moko langu, kabai talalo mompotutugakon kapalaluan nu kantumuu'anum, sahingga komiu madi' mosadia sampe toka sinaanyo aijo' anu nu potolokengkeng mae.

EFESUS 5:18

Boli komiu malangu nu anggur, kalana aijo' mongidei komiu. Ola ahi' maunyo komiu nukuasai nu Roh nu Tumpu.

1 TESALONIKA 5:22

Opatikojo'oni iwi-iwi' na ngangahan nu ka'idekan.

1 TIMOTIUS 5:23

Boli ola monginum uee, o'inum sangkiding na anggur suele da bau pontulungi mompohansun kaanon i kompong miu kalana beleyum toto minsan masakit.

IBRANI 9:10

Kalana hahan anu obau aijo' ola otalima de anu o kaan, o inum, ka' ngangahan nu han anu bau pomposusi'. Iwi-iwi' ola atulan nu dunia anu opake ola sampe de tokamo na tempo'nyo Tumpu Allah mombali'imo atulan anu bu'ou.

TO MIA-MIAN KOPIAN 13:4

Kalana aijo' opokopiani na butong nu beleyum ima-ima'. Boli monginum anggur kabai monginum anu moko palangu, kabai mongkaan apa-apaa anu madi' toho' okaan.