NOMBILANGMO 6:12 - KITAB NU TUMPU ALLA LELE MA'IMAI'

¹² ka' po'ule' mongkobu'oui niatnyo salaku mian anu binalaniatmo. Tempo' anu i hikuhakonmo madi'mo daagi' olekeng kalana i nahumimi'mo. Salaku koloban bau polugi'i ia tionyo ahi' monsombahkon sa'angu' na anak nu domba anu umunnyo sataunmo.

NOMBILANGMO 6:12 Iomraidhean Croise

NOSABATMO 12:5

Belemiu timbali mompile'i domba kabai mee' panyo tionyo ahi' mo'anenyo, umunnyo sataunmo ka' anu madi' ko panyakitnyo.

YEHEZKIEL 18:24

Panyo de mian anu manonong madi'mo daagi' mombau palabuatan anu ma'ima' ka' mule' mombaumo palabuatan mule' anu ma'idek ka' iwi-iwi' na palabuatannyo okahegati susumo anu saja' obau nu mian anu ma'idek na kinyonyoanyo, te ia tataap mule' tumuu'? Tantu madi'! Palabuatannyo anu toto ima-ima' haha aijo' madi'mo daagi' ko sa'angu' na daagi' o'inau'. Ia silakamo kalana palabuatan dosa' ka' madi'mo nontuluti Aku.

IMAMAT 14:24

Imam mongala anak nu domba ka' lanya' nu zaitun aijo' ka' monsombahkon salaku palasombahan anu obee' hi Tumpu, ka' aijo' baumo bagi nu imam.

IMAMAT 5:6

Ka' bau pontobus dosa'nyo, ia tionyo ahi' momboa sa'angu' na domba kabai mee' behenyo osombahkon hi Tumpu. Imam tionyo ahi' monsombahkon koloban aijo' da dosa' nu mian aijo' o ampuni.

IMAMAT 5:7

Panyo de mian anu ko sala'nyo madi' moko ala momposadia domba kabai mee' bau pontobus dosa'nyo, ia tionyo ahi' momboa tomonsi' sapatau lakinyo tiba behenyo kabai tomonsi' malapati' anu daagi' bata'nyo, sa'angu' bau koloban pongampuni dosa' ka' sa'angu' mule' bau koloban anu opotunu.

NOMBILANGMO 6:11

Tomonsi' sa'angu' tionyo ahi' osombahkon nu imam bau pongampuni dosa', ka' sa'angu' mule' bau koloban anu opotunu da madi'mo ia mahumimi'. I sinaa aijo' mule' ia tionyo ahi' po'ule' mule' mompotuu' ubaknyo bau samata-mata pongangga'i Tumpu

NOMBILANGMO 6:13

De tempo' nu samian anu binalaniatmo ilapasmo, tionyo ahi' obau na atulannyo sumo aiya. Mian aijo' tionyo ahi' oboa i sabatan nu Kemah nu Tumpu

MATIUS 24:13

Panyo mian anu balatahan toka i mihinyo, timbali o posalamat.

MATIUS 3:15

Panyo i Yesus nontaami, “Pojohokmo ola uuka aiya. Kalana sumo aitu na kita mombau iwi-iwi' anu nu kahanda'i nu Tumpu Allah.” Jadi i Yohanes nompalamandikanmo i Yesus.

YAKOBUS 2:10

Mian anu nolanggaimo sala'sa'angu' na to atu-atulan nu Tumpu, sumo-sumomo nolanggaimo iwi-iwi'.

2 YOHANES 1:8

Mokonyo aijo' obala'ingati, boli sampe talabakas na komiu hi apaa na anu ingusahakonmo mami bau bagi miu. Bala usaha da komiu mohumpakje tamboonyo iwi-iwi' lengkat mae hi Tumpu.