NOMBILANGMO 33:3 - KITAB NU TUMPU ALLA LELE MA'IMAI'

³ Bansa Israel nompala'i Mesir kinona i tanggan sampulu'mo ka' olima' bitu'on anu momonanyo, noko lapasmo sinansinaa na nolame'akon Paskah i sinaanyo momona. Tumpu na nonjagai aha nompala'i kota Rameses, sinakisian nu bansa Mesir,

NOMBILANGMO 33:3 Iomraidhean Croise

KAJADIAN 47:11

I Yusuf nontulungimo tuumanyo ka' to utu-utusnyo da jojoongmo i Mesir. Binee'annyomo na aha tano' ka' da timbalimo ahi' anu nu aha totu-totu'u, i bahagian anu ma'ima' hondo i lipu' aijo', koko kota Ramesas, susumo anu pinalentahkonmo i tomundo.

MAZMUR 105:38

Mian nu Mesir nongkabuhukmo ha' nansihimo na bulu na montoa aha, jadi aha sinanangmo na nontoa mian nu Israel nambamo.

NOSABATMO 1:11

Sahingga to mia-mian nu Mesir nohangkatmo anu mompalentah bansa Israel da molio jalan monsusa'i kantumuu'an nu aha, obee'i kalaja ka' opakisa mokalaja totu-totu'u. Aha pinakisamo nu tomundo Mesir da mombau to kota-kota Pitom ka' Raamses da bau puso nu ponguna'an balang.

NOSABATMO 12:2

“Bitu'on aiya timbalimo bitu'on anu bau tanggan nu belemiu anu saja' o inau' sataun toka sataun.

NOSABATMO 12:37

Mian nu Israel nambamo ka' i lumajang tengke lengkat i kota Raamses nambamo i kota Sukot. Konjoo'nyo nu aha 600.000 na mian, madi' binilang na boune ka' to ana-anak.

NOSABATMO 13:4

Sinaa aiya, tanggal sa'angu' bitu'on Abib kabai bitu'on sa'angu, belemiu nompala'imo lipu' nu Mesir.

NOSABATMO 14:8

Memang Tumpu nompotimbalimo panggaga na i tomundo, sahingga i loloi'nyomo na aha mian nu Israel anu hau-haunyomo namba nompala'imo lipu' aijo', Tumpu na nonjagaimo aha.

YESAYA 52:12

Belemiu madi' ko sia-sia' na mamba, ka' misa' susumo mian anu mompalaimo. Kalana Tumpu na montaka belemiu; Tumpu Israel na monjagai belemiu maumo pa' iya mae na tampat.

MIKHA 2:13

Ku buka'mo na jalan ka' momboamo belemiu mosabat lengkat i tampat pinomboan ka' pinompojoongan belemiu. Opaha sulakonmo nu belemiu na tumban nu sabatan daka' ka' belemiu bebasmo na mamba. Akumo na Tumpu, aiyamo na Tomundo' nu belemiu ka' mule' Akumo na polaya' nu belemiu mosabat.”

NOMBILANGMO 33:2

Tumpu nompalentahmo i Musa da o tulis na sanggo nu to tampa-tampat anu kinasonso'an nu aha.