NOMBILANGMO 30:3 - KITAB NU TUMPU ALLA LELE MA'IMAI'

^3-4 De samian na langkoyang anu jojoong i laigan nu tuumanyo, balaniatmo hi Tumpu ka' montoongimo janji'nyo aijo', ka' tuumanyo mule' madi' montewa', salatan i hongonyomo na han aijo' saba' langkoyang aijo' tionyo ahi' mombau iwi-iwi' apaa na anu i niatnyomo kabai jinanji'nyomo aijo'.

NOMBILANGMO 30:3 Iomraidhean Croise

2 TAWARIKH 36:13

I tomundo Nebukadnezar nompakisamo i Zedekia da basumpa'mo i uno nu sanggo nu Tumpu Allah tukoonyo da ia tulu-tulutanmo hi Nebukadnezar. Panyo mamanga ahi i Zedekia notomuhukmo hi Nebukadnezar. I Zedekia pinanggagamo hi Tumpu, Tumpu Allah Israel. Ia madi'mo mongka'oho' mompala'i dosa'nyo ka' madi'mo poule' palesaya hi Tumpu.

MAZMUR 50:14

Palasombahkon na koloban bau pontalima kaseh hi Tumpu, tionyo ahi' nu ganapi' na anu jinanji'mo nu belemiu Anu Matangkas na Kuasa-Nyo.

IMAMAT 27:2

atulan haha aiya da ogunakon hi bansa Israel. De samian osombahkonmo hi Tumpu bau pontobus anu i niatnyomo samata-mata obee' hi Tumpu, mian aijo' timbalimo otobus nu doi konjoo'nyo,

NOMBILANGMO 30:2

De samian na mo'ane balaniatmo kabai bajanji'mo ka' osumpa'akonmo hi Tumpu, sahingga ia montoongimo janjinyo aijo', ia tionyo ahi' nombaumo apaa na anu jinanji'nyomo aijo' ka' madi'mo timbali mombaleko'i potataenyo aijo'.

NOMBILANGMO 6:2

mombee'i atulan haha aiya hi aha mian Israel. Batu-batu mo'ane kabai boune anu binalaniatmo da tumuu' me samata-mata mombau kapalaluan nu Tumpu salaku mian anu i niatakonmo hi Tumpu,

1 KORINTUS 14:34

boune sahanyo ola momohokot de singkabotmo i pogombuan nu jama'at. Aha madi' opobee' basisik. Aha madi' timbali opobee' mongatun; aijo' mompahakona tiba atulan nu agama.

YOSUA 9:18

Panyo aha mian nu Israel madi'mo timbali mompatei aha, kalana to pola-polaya' nu aha Israel binasumpa'mo hi aha tiba sanggo nu Tumpu Allah Israel. Iwi-iwi' na aha mian nu Israel nonsosolimo han aijo' hi to pola-polaya' nu aha.

TO MIA-MIAN KOPIAN 11:35

Salatan tinoa i Yefta, i Yefta talalomo hondo nolibos sahingga binea-beaknyomo na baju'nyo ka' notatae, “Paya' na anakku madi'mo ku poko tahan na kinyonyoa! Kadaka' tionyoje oko na mompolibos kinyonyoangku? Aku binasumpa'mo hi Tumpu, ka' madi'mo ku poko ala na mompojalo janji'ku!”

1 SAMUEL 1:11

Lapas aijo' i Hana nonjanji'mo, ia notatae, “O Tumpu Anu Daka'na kuasanyo, toakon mae na posaihon nu belento aiya! Toakon mae na kasusa'anku aiya. Inau'akon mae na aku ka' boli mae okolilimi na aku! De belento Tumpu mombee'i mae hi belengku aiya samian na anak mo'ane, aku mojanji ku bee'je na anak aijo' hi belento Tumpu na kantumuu'annyo sidu-sidutu'. Aku mojanji' mule' da ubaknyo madi' timbali ogunting.”