NOMBILANGMO 30:2 - KITAB NU TUMPU ALLA LELE MA'IMAI'

² De samian na mo'ane balaniatmo kabai bajanji'mo ka' osumpa'akonmo hi Tumpu, sahingga ia montoongimo janjinyo aijo', ia tionyo ahi' nombaumo apaa na anu jinanji'nyomo aijo' ka' madi'mo timbali mombaleko'i potataenyo aijo'.

NOMBILANGMO 30:2 Iomraidhean Croise

AYUB 22:27

De beleyum balado'a nu taamimo na beleyum, ka' apaa na anu jinanji'mo nu beleyum hi Ia nubaumo nu beleyum.

MAZMUR 116:14

Aku tionyo ahi' mongganapi anu jinanji'kumo hi Ia, i ahop nu mian iwi-iwi' anu palesayamo hi Ia.

MAZMUR 116:18

Aku mongganapimo anu jinanji'kumo hi Tumpu, i ahop nu mian iwi-iwi' anu palesayamo hi Ia.

MAZMUR 119:106

Anu jinanji'kumo ka' sinumpa'mo tionyo ku ganapi, bau pintoongan i kaputusan nu Belento anu adin.

MAZMUR 15:3

anu madi' lewa' mompobau-bau sangko mian, madi' mombau anu ma'idek hi sangko sangalunyo, ka' madi' lewa' mongalu mian anu mompaha ohani na laigan;

MAZMUR 22:25

Kalana Ia madi' mongkahegati anu nohumpakmo kasansala'an, ka' madi' mompopo'ise' mian anu sinansala'mo. Ia madi' mongkamaalin mian anu sumo aijo'mo, panyo mohongo, de aku momoita tulung mae hi Ia.

MAZMUR 50:14

Palasombahkon na koloban bau pontalima kaseh hi Tumpu, tionyo ahi' nu ganapi' na anu jinanji'mo nu belemiu Anu Matangkas na Kuasa-Nyo.

MAZMUR 55:20

Tumpu anu nompalentahmo salatanmo pe'e dunia, Ia na mompotombihing mae aku ka' mompatundu'mo aha. Kalana aha madi' mongka'oho' balatobat, ka' madi' mabuhuk hi Tumpu.

MAZMUR 56:12

Aku palesayamo hi Ia, sahingga aku madi'mo mabuhuk, manusia madi' moko ala mombau apa-apaa hi belengku.

MAZMUR 76:11

Maumo to mia-mian anu buhingison hi sangko mian mompuji'mo Belento, ka' anu daagi' motambuha' nompusokmo kalung salaku tanda ko anumo sinilaka.

NOSABATMO 20:7

Boli ola bau kasanggoan na sanggong-Ku, kalana Aku, Tumpu Allah nu belemiu, mohukum mau mule' pa' ihe na anu mombia-biangakon sanggong-Ku.

AMSAL 20:25

Maisa pe'e monjanji monsombahkon koloban hi Tumpu opikin mo ahi ima'-ima'. Da boli beleyum mompele-pele' imihinyo mae.

IMAMAT 5:4

De daagi' ko mian anu sinala'mo kalana binasumpa'mo i han anu madi' totu'u da mombau maumo pa'a apaa, ka' lapas mae sinsumbu'je apaa na anu binaunyomo.

NAHUM 1:15

Soba toa samian na anu sinai mae tokamo mae montulu iwi-iwi na bungkutnyo momboa mae lele ma'ima' lele inguntungmo na nahampate. O bansa Yehuda lame'akon na sinaa daka' nu belemiu ka' bayanmo na anu jinanji'mo nu belemiu hi Tumpu. Lipu' nu belemiu madi'mo daagi opalentah nu to mia-mian anu ma'idek na kinyonyoanyo. Aha ihansunmo iwi-iwi'.

NOMBILANGMO 21:2

Lantas mian nu Israel nonjanji'mo sumo uuka hi Tumpu, “De Belento mombee'i mae kami ka'untungan mahampate mongewa bansa aijo' aha tiba kota nu aha haha aijo' o ideimo mami ingko-ingkot.”

NOMBILANGMO 30:10

De samian na boune anu no'osoamo balaniat kabai balajanji'mo anu montoongimo butongnyo,

NOMBILANGMO 32:24

Lako'mo bau na to kota-kota nu belemiu ka' pangkun na to domba-domba nu belemiu ka' boli okolilimi na mombau apaa na anu jinanji'mo nu belemiu aijo'!”

MATIUS 23:16

Silakamo na komiu to pola-polaya' anu mapisok! Komiu mongajanakon sumo aiya, ‘De mian basumpa' monsanggo Laigan nu Tumpu, sumpa' nu mian aijo' madi' totu-totu'u! Panyo de ia basumpa' tiba sanggo nu mosoni' i uno nu Laigan nu Tumpu, sumpa' nu mian aijo' totu'u.’

MATIUS 23:18

Komiu mule' mongajanakon aiya, ‘De samian basumpa' tiba sanggo nu ponsombahkonan, sumpa' nu mian aijo' madi' totu'u; panyo de ia basumpa' tiba sanggo nu anu sinombahkon i tampat pinonsombahkonan aijo', sumpa' nu mian aijo' totu'u.’

SISIKON NU TO RASUL-RASUL 23:12

Subu-subu dodododopnyo, to mia-mian Yahudi nontampu'unimo nomposa'angu' tanga'an. Aha binasumpa'mo madi' mongkaan kabai monginum de aha ma'isa pe'e mompatei i Paulus.

SISIKON NU TO RASUL-RASUL 23:14

Aha namba hi kapala nu to imam-imam ka' to pola-polaya' nu Yahudi ka' notatae, “Kami binasumpa'mo hingga-hinggat, madi' mongkaan kabai monginum apa-apaa de kami ma'isa mompatei i Paulus.

SISIKON NU TO RASUL-RASUL 23:21

Panyo boli kita Tuan montuluti poitaon nu aha aijo', kalana aha molabi patompulu' na mian anu hau-haunyo natisulukmo montumbuhi ia i jalan. Aha iwi-iwi' binasumpa'mo madi' mongkaan ka' monginum de ma'isa aha mompatei i Paulus. Uuka aha sinadiamo; me montanda'i pontaami nu kita Tuan.”

2 KORINTUS 1:23

Tumpu na sakisingku – kalana nusumbu' na isi nu kinyonyoangku – kadaka' aku madi' sida mamba i Korintus, kalana aku madi' mongka'oho' kinyonyoa miu molibos.

TO MIA-MIAN KOPIAN 11:11

Sahingga nambamo na i Yefta hingga-hinggat tiba to pola-polaya' nu aha Gilead. Lapas aijo' mian anu jojoong i Gilead nohangkatmo ia da mongkuasai ka' bau polaya'. Ka' i ahop nu Tumpu kiijo' i Mizpa, i Yefta nompoto'imo poitaonnyo hi aha mian nu Gilead.

TO MIA-MIAN KOPIAN 11:39

Salatan ilapasmo ohua' na bitu'on ia ninsusule'mo hi tuumanyo lantas binaumo nu tuumanyo apaa na anu jinanji'nyomo hi Tumpu. Sahingga sinilakamo na langkoyang aijo' tempo'nyo ia ma'isa toho' no'osoa. Aijo' na momona pinolengkatannyo nu kabiasa'an, kadaka' hi aha mian nu Israel, biasanyo