NOMBILANGMO 30:12 - KITAB NU TUMPU ALLA LELE MA'IMAI'

¹² Panyo de salatan i hongomo nu langkai'nyo na han aijo' lantas nu tewa'mo na ia, tantu boune aijo' madi'mo daagi' montoongi niatnyo kabai janji'nyo. Tumpu mongampuni ia, kalana ia nutewa' nu langkai'nyo.

NOMBILANGMO 30:12 Iomraidhean Croise

YEREMIA 44:17

Iwi-iwi' na anu jinanji'mo mami, tionyo ahi' obaumo mami. Kami saja'mo ahi' monsombahkon koloban hi Tomundo' boune nu Suluga' ka' mondudu'akon anggur salaku palasombahan hi ia susumo anu biasamo nu bau nu aha ikota-kota' Yehuda ka' ijalan-jalan ikota' Yerusalem nu aha mompolee' mami, tiba aha to tomu-tomundo' ka' to mia-mian anu kopangkatnyo aijo'mo pamalentah mami ka' mule' ahi' kami. Tempo'nyo aijo' manjoo' hondo na anu okaan mami, kami mohumpakmo kamajuan ka' madi'mo ko anu okasusa'akon mami.

YEREMIA 44:19

Lapas mule' boune haha aijo' notataemo, “Langkai' mami situju na kami mombau roti mimbau-balu' Tomundo' boune nu Suluga' ka' mompapui koloban ka' mule' monsombahkon anggur hi pilogot mami aijo'.”

NOMBILANGMO 15:25

Lantas imam tionyo ahi' mombaumo atulannyo anu bau pongampuni dosa' nu aha mian. Sahingga aha o ampunimo kalana kasala'an aijo' madi' tinotonggolakon na nombau, ka' kalana aha nombaumo koloban pongampuni dosa' tiba koloban anu opotunu bau bagi nu Tumpu.

NOMBILANGMO 15:28

Imam tionyo ahi' mombau pongampuni dosa' hi ahop nu Tumpu, da mian aijo' o ampuni na dosa'nyo.

NOMBILANGMO 30:11

ia tionyo ahi' mombau iwi-iwi' apaa na anu jinanji'nyomo aijo' asan langkai'nyo madi' montewa' salatan nohongomo han aijo'.

NOMBILANGMO 30:13

Langkai' ko hak monsitujui kabai montewa' de bengkele'nyo balaniat kabai bajanji'.

NOMBILANGMO 30:5

Panyo de salatan i hongomo nu tuumanyo na han aijo' lantas tinewa'nyomo, saba' langkoyang aijo' madi'mo montoongi niatnyo kabai janji'nyo aijo'. Tumpu mongampuni ia kalana ia nutewa' nu tuumanyo.

NOMBILANGMO 30:8

Panyo de langkai'nyo salatan nohongomo ka' montewa'mo ia, tantu ia madi'mo montoongi niatnyo kabai janji'nyo aijo'. Tumpu mongampuni ia.

1 KORINTUS 11:3

Panyo ku indi da komiu monsumbu' sa'angu' na han mule', aijo'mo saba' anu mongkapalai aha to momo'ane, aijo'mo i Kristus; anu mongkapalai bengkele' aijo'mo langkai'nyo, ka' anu mongkapalai i Kristus aijo'mo Tumpu.

1 SAMUEL 1:23

Tinaaman i Elkana, “Ma'ima'mo, baumo apaa na anu nu oa'i ma' ima'; jojoongmo i laigan sampe tokaje na tempo'nyo beleyum madi'mo momposusu anak to. Ka' o'amalakon da Tumpu momponyata anu jinanji'mo nu beleyum.” Jadi i Hana jinojoongmo i laigan sahingga tinokamo na tempo'nyo anak aijo' madi'mo nonsusu.