NOMBILANGMO 28:3 - KITAB NU TUMPU ALLA LELE MA'IMAI'

³ Aiya na koloban anu tionyo ahi' osombahkon hi Tumpu: Anu okolobanakon sansina-sinaa ohua' na anak nu domba lakinyo anu umunnyo sataunmo anu madi' ko panyakitnyo,

NOMBILANGMO 28:3 Iomraidhean Croise

1 TAWARIKH 16:40

De subu-subu ka' mamalomo aha tionyo ahi' monsombahkonmo koloban anu opotunu i mezbah susumo koonyo nu atulan anu binee'mo nu Tumpu hi mian nu Israel.

2 TAWARIKH 8:13

Koloban haha aijo' sinombahkonnyomo susumo koonyo nu Atulan i Musa de tokamo i sinaa molamean: sinaa nu Sabat, sinaa molame'akon Bitu'on Bu'ou, ka' kototolu'nyomo lamean anu obau sataun toka sataun, aijo'mo sinaa nu lamean Roti Madi' ko Raginyo, sinaa nu lamean mongalamo isi nu ale', ka' sinaa nu lamean Tahop O'atopi nu Hon nu kau'.

EZRA 3:5

Ka' mule' aha nonsombahkonmo koloban anu opotunu ka' koloban i Sinaa Molame'akon Koloa, anu bete'je mae, ka' iwi-iwi' na sinaa polame'akonan sangga'at bau ponsomban Tumpu. Aha suele nonsombahkonmo hi Tumpu apa-apaa na anu osombahkon, iya na kasanangan nu kinyonyoa nu aha.

DANIEL 11:31

Lantas ia mompalentahmo tompukan-tompukan nu suludadu anu mohumimi'i Laigan nu Tumpu. Aha madi'mo mompobee' koloban anu sansina-sinaa osombahkon ka' mule' mongatunmo anu okaideki osa-osanggohi palabuatan anu Ma'idek ka' bisa monsaduakon kahansunan.

DANIEL 12:11

Lengkat pe'e tempo'nyo koloban anu osombahkon sansinaa-sinaa aijo' tinewa'mo ka' mule' hahan anu okabuhuk ka' mule' anu osanggohi palabuatan Ma'idek monsaduakon kahansunan aijo' lewa-lewa'mo binau, madi'mo timbali obau 1.290 na sinaa.

DANIEL 8:11

Ka' mule' ia nongewamo kapala nu suludadu nu suluga' ka' mule' nontewa'mo koloban palasombahan anu obau sansina-sinaa osombahkon hi kapala nu suludadu aijo' ka' mule' nohobo'akonmo laigan poponsomban ia.

DANIEL 8:13

Lapas aijo' ihongongkumo samian na malaekat notatae hi sangga'at, “Sampe toka hipian na kopinnyo na iwi-iwi' anu tinoa aijo'saja' sabole-bole motuus? Sampe toka hipian na kopinnyo na dosa' daka' ai-aijo' mombolosimo koloban anu sansina-sinaa obau? Sampe toka hipian na kopinnyo na suludadu nu suluga' ka' laigan ponsomban Tumpu aijo' opahampeja'akon?”

IMAMAT 3:5

Iwi-iwi' aijo' hingga-hinggat tiba koloban anu opotunu sangga'at tionyo ahi' opotunu i mezbah. Hongohisnyo nu koloban anu okaan aijo' momposanangmo kinyonyoa nu Tumpu.

IMAMAT 6:9

mombee' hi Harun ka' hi to ana-anaknyo atulan haha aiya, mongkona koloban anu opotunu iwi-iwi'. Imam tionyo ahi' mompaha potimpas koloban anu opotunu i mezbah ka' mompobakas ikiijo' sampahu, ka' apunyo tionyo ahi' saja' moak.

AMOS 4:4

Tumpu Anu Matangkas na Kuasanyo na notatae! “O mian nu Israel! Lako'mo i tampat pogalejaan i Betel, ka' pombau mae dosa' ikiijo'! Lako'mo mokiijo' i Gilgal, ka' pombaumo dosa' yayamo na kasanangan nu kinyonyoa nubelemiu! Lako'mo monsombahkon koloban de subu-subumo ka' momboa mae anu obagi sampulu', sambahagian na o'ala anu ohumpak toto tolun sinaa!

NOMBILANGMO 28:10

Koloban anu opotunu aijo' tionyo ahi' saja' osombahkon de sinaamo nu Sabat salaku bau pontuangi koloban anu obau sansina-sinaa hingga-hinggat tiba koloban anggur.

NOMBILANGMO 28:15

Salaku bau pontuangi koloban anu opotunu sansina-sinaa tiba koloban anggur, tionyo ahi' suele osombahkon nu belemiu sa'angu' na mee' lakinyo bau koloban pongampuni dosa'.

NOMBILANGMO 28:23

Iwi-iwi' na koloban haha aijo' salaku bau pontuangi koloban anu biasamo saja' opotunu daagi' subu.

NOMBILANGMO 28:24

Tiba jalan anu sumo aijo' belemiu suele tionyo ahi' monsombahkon hi Tumpu koloban anu opotunu kopinnyo pitun sinaa. Koloban haha aijo' salaku bau pontuangi koloban anu opotunu sansina-sinaa tiba koloban anggur. Hongohisnyo nu koloban aijo' momposanangmo kinyonyoa nu Tumpu.

NOMBILANGMO 28:31

Koloban haha aijo' tibamo koloban anggur, salaku bau pontuangi koloban anu opotunu sansina-sinaa tiba koloban kaanon.

NOMBILANGMO 28:4

sa'angu' osombahkon daagi' subu ka' sa'angu' mule' osombahkon mamalom.

NOMBILANGMO 29:11

Sombahkonmo suele sa'angu' na mee' lakinyo da bau pongampuni dosa' nu mian, jadi misa ola koloban pongampuni dosa' ka' koloban anu opotunu sansina-sinaa tiba koloban kaanon ka' koloban anggur na anu osombahkon i sinaa aijo'.

NOMBILANGMO 29:16

Ka' sangga'at mule'na anu osombahkon suele, sa'angu' na mee' lakinyo bau koloban pongampuni dosa'. Koloban aijo' salaku bau pontuangi koloban anu opotunu sansina-sinaa tiba koloban kaanon ka' koloban anggur.

NOMBILANGMO 29:6

Koloban haha aijo' salaku bau pontuangi koloban anu opotunu anu osombahkon hingga-hinggat tiba koloban kaanon i tanggan sa'angu', sambitu'on toka sambitu'on, ka' mule' salaku bau pontuangi koloban anu opotunu sansina-sinaa anu osombahkon hingga-hinggat tiba koloban kaanon ka' koloban anggur. Hongohisnyo nu koloban anu opotunu aijo' momposanangmo kinyonyoa nu Tumpu.

YOHANES 1:29

Dodododopnyo, i Yohanes nontoa i Yesus namba mae hi ia. Lantas i Yohanes notatae, “Toa, aijo'mo na Anak Domba nu Tumpu Allah anu mongalini dosa' nu dunia.

IBRANI 9:6

Sumo aijo' na nongatun iwi-iwi'. Toka sansina-sinaa to ima-imam minsoop i unonyo sasu ahopnyo nu kemah aijo' mombau kalaja nu aha.

ANU PINOTO'I HI YOHANES 13:8

Binatang aijo' na nu sombah nu iwi-iwi' mian anu tumuu' i uno nu dunia, sambiha'nyo to mia-mian anu sanggonyo noko daputanakonmo ma'isa pe'e dunia pinotimbali, i uno nu kitab nu mian anu tumuu', tumpu'nyo aijo'mo Anak nu Domba anu ki kinolotmo.