NOMBILANGMO 28:2 - KITAB NU TUMPU ALLA LELE MA'IMAI'

² da mompotokakon hi bansa Israel tukoonyo aha tionyo ahi' mongintomakon totu-totu'u da toka i tempo'nyo anu tinantukanmo osombahkonmo na to kolo-koloban sumo kaanon anu momposanang kinyonyoa nu Tumpu.

NOMBILANGMO 28:2 Iomraidhean Croise

KAJADIAN 8:21

Hongohisnyo nu koloban anu sinombahkonmo aijo' nomposanangmo kinyonyoa nu Tumpu, sahingga Ia notataemo i uno nu kinyonyoa-Nyo, “Aku madi'mo daagi' mongkutuki dunia aiya kalana palabuatan nu manusia; Ku sumbu' saba' aha daagi' pe'e tempo'nyo ma'isa motu'a, pikilan nu manusia aijo' ma'idek. Aku madi'mo daagi' monsilakai iwi-iwi' apaa na anu ko nyawanyo, susumo anu sala'je binaung-Ku aiya.

1 TAWARIKH 23:31

ka' mule' sansina-sinaa de koloban anu opotunu ka' osombahkon hi Tumpu kona i sinaa nu Sabat, de molamo'akonmo Bitu'on Bu'ou, ka' i sinaa nu lamean sangga'at. Konjoo'nyo nu mian Lewi anu mokalaja de tokamo i tempo'nyo, suele binaumo na atulannyo. Sampe toka sidu-sidutu' na mian nu aha Lewi sabole-bole ahi' saja'mombau kalaja anu pinotoongmo hi aha aijo'.

2 TAWARIKH 23:18

Lantas i Yoyada nombee'imo kalaja to ima-imam ka' mian nu Lewi da mongulus kalaja i Laigan nu Tumpu susumo anu binagimo ka' tinantukanmo na kalaja daagi' pe'e tempo'nyo i Tomundo Daud. Aha tionyo ahi' monsombahkon koloban anu opotunu hi Tumpu – pokakana sumo to atu-atulan i Musa – ka' olame'akon ka' onyanyiakon pokakana sumo anu ingatunmo i Daud.

2 TAWARIKH 31:3

Binatang, anu i tomundo posi potuu'onnyo binee'nyomo pa' sangkuka na opalalui na okolobanakon anu opotunu de subumo ka' de mamalomo ka' mule' koloban anu osombahkon i sinaa nu Sabat, i lamean molame'akon Bitu'on Bu'ou ka' mule' i lamean anu molame'akon sangga'at susumo anu tinulismo i uno nu kitab atulan nu Tumpu.

EZRA 3:2

lantas i Yesua anak i Yozadak ka' to sanga-sangalunyo aijo'mo to ima-imam ka' i Zerubabel anak i Sealtiel tiba to utu-utusnyo, nombaumo mule' mezbah bau ponsomban Tumpu Allah nu aha Israel. Tiba jalan anu sumo aijo' aha timbalimo nompotunu koloban i mezbah aijo', susumo anu tinulismo i kitab Atulan i Musa, posaihon nu Tumpu Allaha aijo'.

EZRA 3:3

Mau mule' aha mabuhuk hi mian tumpu nu lipu' aijo', panyo aha nombaumo ahi' mezbah i tampatnyo anu momona naipuan mae. Lantas nontampu'unimo na aha po'ule' nonsombahkon koloban anu opotunu, de subu-subumo ka' de malomo.

NEHEMIA 10:34

Kami mian da'isan to ima-imam ka' mule' aha to mia-mian nu Lewi nombuangmo onde sataun toka sataun da osumbu' pa aha sa'anakan mae ihe na montoukai kau' anu oposun bau pompotunuan koloban palasombahan hi Tumpu Allah mami susumo koonyo nu Atulan nu Tumpu.

MAZMUR 81:3

Hapa'i na gandang, ka' lewa'mo panyanyi, kuti' na gambuus ka' kasapi', po'ima' na onyi'nyo da molibos na mohongo.

NOSABATMO 23:15

I bitu'on Abib, kona i tempo'nyo anu pinotantumo nu belemiu tionyo ahi' molame'akonmo lamean nu Roti anu Madi' ko Raginyo susumo sonto' anu pinalentah-ng-Kumo hi belemiu, kalana i bitu'onmo aijo' na belemiu nompala'imo mae Mesir. Boli mongkaan roti anu ginalo'an ragi na mombau, kopinnyo ipitun hau-haunyo molame'akon aijo'. De belemiu tokamo mae monsombah Aku, belemiu tionyo ahi' momboa mae anu osombahkon.

NOSABATMO 29:18

Osombahkon iwi-iwi' na domba lakinyo aijo' i mezbah, salaku koloban anu otunui. Hongohisnyo aijo' momposanangmo kinyonyoang-Ku.

YEHEZKIEL 16:19

Binee'an-Kumo anu okaan na beleyum labu anu ma'ima' hondo, juu' nu uani' tiba lanya' nu zaitun anu ma'ima' hondo madi' ko galo'nyo. Panyo iwi-iwi' aijo' sinombahkonmo nu beleyum hi pilogot haha aijo' da bau pomposanang kinyonyoa nu aha. Aku, Tumpu Anu Matangkas na Kuasanyo notataemo.

YEHEZKIEL 20:41

Salatan belemiu Ku boamo mosabat lengkat mae i songko-songko na lipu' itampat pipinongga'a-ga'atakonanmo belemiu, Aku po ule'mo momposihuk belemiu ka' montalimamo iwi-iwi na koloban anu opotunu nu belemiu. Sahingga songko-songko na bansa monsumbu'je taalu' Akumo ahi aiya na Tumpu Anu Susi' hondo.

YEHEZKIEL 45:17

Ia na halus mongoli potuu'on da bau koloban anu opotunu tiba koloban gandum tiba koloban anggur nu aha iwi-iwi' bansa Israel de tokamo isinaa anu olame'akonmo. Molame'akon Bitu'on Bu'ou sinaa nu Sabat tiba sinaa anu olame'akon sangga'at. Ia tionyo ahi' momposadia koloban bau pongampuni dosa', koloban gandum, koloban anu opotunu, tiba koloban paladamean bau pompoita ka'ampunan nu aha bansa Israel.”

IMAMAT 1:13

Lantas mian aijo' tionyo ahi' mombaso'i isi nu kompongnyo ka' pa'a nu binatang aijo'. Lapas aijo' imam tionyo ahi' monsombahkonmo iwi-iwi' hi Tumpu ka' mompotunu aijo' i mezbah. Hongohisnyo nu koloban anu pinotunu aijo' momposanangmo kinyonyoa nu Tumpu.

IMAMAT 1:17

Lapas mae tomonsi' aijo' tionyo ahi' o sampan i pu'un nu polipiknyo panyo polipiknyo madi' timbali opolaus na monsampan. Lantas tomonsi' aijo' tionyo ahi' opotunu aijo' i mezbah. Hongohis nu koloban aijo' momposanangmo kinyonyoa nu Tumpu.

IMAMAT 1:9

Lantas mian aijo' tionyo ahi' mombaso'i isi nu kompongnyo tiba pa'anyo nu sapi' aijo', ka' imam anu mokalaja tionyo ahi' mompotunu iwi-iwi'. Hongohisnyo nu koloban anu pinotunumo aijo' momposanangmo kinyonyoa nu Tumpu.

IMAMAT 21:6

Ia samata-matamo anung-Ku ka' mombau anu Ku palentahkon ka' madi'mo timbali mombusiki sanggong-Ku. Ia monsombahkon koloban kaanon hi beleng-Ku, jadi ia tionyo ahi' susi'.

IMAMAT 21:8

Bansa Israel tionyo ahi' mongakui Imam salakumo mian anu samata-matamo mokalaja hi beleng-Ku kalana ia monsombahkonmo koloban kaanon hi beleng-Ku. Akumo na Tumpu; Aku aiya susi' ka' Aku aiya momposusi' mian anu pinalesayamo hi beleng-Ku.

IMAMAT 3:11

Imam anu mokalaja tionyo ahi' mompotunu iwi-iwi' aijo' i mezbah bau koloban kaanon anu osombahkon hi Tumpu.

MALEAKHI 1:12

Panyo belemiu na ola ahi' mongalu Aku kalana monsangka mezbah-Ku anu madi' ko angga'nyo ka' monsombahkon ikiijo' kaanon anu madi'mo mingguna hi belemiu.

MALEAKHI 1:7

Tiba jalan nongkolobanakonmo anu okaan anu madi' pantas okolobanakon i mezbah-Ku. Lantas pinokilawamo nu belemiu, ‘Tiba jalan mosia na kami madi'mo nompajuli Belento?’ Tiba jalan nohenyuimo mezbah-Ku.

NOMBILANGMO 15:3

Mongkona koloban anu opotunu kabai koloban pombayan anu i niatakonmo kabai koloban kasanangan nu kinyonyoa kabai anu okolobanakon i lamean anu biasamo obau, belemiu timbali monsombahkon hi Tumpu: sapi' lakinyo, domba lakinyo, domba kabai mee'. Hongohisnyo nu koloban haha aijo' momposanangmo kinyonyoa nu Tumpu.

NOMBILANGMO 15:7

ka' mule' sa'angu' ka' mintonga' na liter na anggur. Hongohisnyo nu koloban aijo' momposanangmo kinyonyoa nu Tumpu.

NOMBILANGMO 28:1

Tumpu nompokaumo i Musa,

NOMBILANGMO 29:39

Aijo'mo na to atu-atulan nu koloban anu opotunu, koloban kaanon, koloban anggur, tiba koloban pompodame anu tionyo ahi' osombahkon nu belemiu hi Tumpu iuno nu lamean nu belemiu haha aijo' anu tinantukanmo. Koloban haha aijo' salaku bau pontuangi iwi-iwi' na koloban anu osombahkon nu belemiu bau pombayali apaa na anu jinanji'mo kabai koloban kasanangan nu kinyonyoa.

NOMBILANGMO 9:13

Panyo mule' anu madi' mahumimi' ka' anu madi' i uno nu lumambanan padahan madi'mo molame'akon Paskah, madi'mo Ku posoop mian anu pinalesayamo hi beleng-Ku kalana ia madi'mo nonsombahkon koloban hi beleng-Ku i tempo' anu tinantukanmo. Mian aijo' tionyo ahi' montanggungmo dosa'nyo.

NOMBILANGMO 9:7

ka' notatae, “Kami aiya nahumimi'mo kalana nonsala' kanyangmo anu sinilakamo. Panyo kadaka' kami otewa'mo' sahingga madi'mo timbali monsombahkon koloban hi Tumpu hingga-hinggat tiba to utu-utus mami?”

2 KORINTUS 2:15

Kalana kami sumo nohong nu kamangian anu manohong, anu pinapuanmo i Kristus bau kapalaluan nu Tumpu. Toka hi to mia-mian anu hau-haunyo mongahopi kahansunan, kami aiya sumo nohong nu kapatean anu mompatei; panyo toka hi to mia-mian anu hau-haunyo oposalamat, kami sumo nohong anu momboa kantumuu'an. Yo, ihe na anu timbali moko ganapi kalaja aiya?

EFESUS 5:2

Kantumuu'anum maunyo ahi' okinyonyoai nu kalibosan susumo pongkalibosi i Kristus kita. Ia nongkulubanakonmo butong-Nyo kalana kita, salaku palasombahan anu manohong ka' momposanang kinyonyoa nu Tumpu.

FILIPI 4:18

Tinalimangkumo iwi-iwi' – aitu pe'e nolabimo misa' ola asan sinukupmo! Iwi-iwi' na anu binee'mo pinakatu mae hi belengku, ingalangkumo hi Apafroditus. Uuka aiya iwi-iwi' na anu kupalalui daagi'mo hi belengku. Iwi-iwi' na anu binee'mo miu aijo', sumo nohong nu hongohis nu kuluban anu sinombahkonmo hi Tumpu ka' anu ingalamo nu Tumpu ka' nomposanangmo kinyonyoa-Nyo.