NOMBILANGMO 27:1 - KITAB NU TUMPU ALLA LELE MA'IMAI'

¹ I Zelafehad ko anak boune aha olima', aijo'mo i Mahla, i Noa, i Hogla, i Milka ka' i Tirza. Tuumanyo i Zelafehad aijo'mo i Hefer, tuumanyo i Hefer aijo'mo i Gilead. Tuumanyo i Gilead aijo'mo i Makhir, tuumanyo i Makhir aijo'mo i Manasye ka' tuumanyo i Manasye aijo'mo i Yusuf.

NOMBILANGMO 27:1 Iomraidhean Croise

1 TAWARIKH 7:15

I Makhir noliomo boune da baumo bengkele' i Hupim ka' suele i Supim. Sanggo nu bengkele' i Makhir aijo'mo i Maakha. Anak i Makhir anu ko ohua'nyo aijo'mo i Zelafead. I Zelafead madi' kino anak mo'ane ola anak boune.

NOMBILANGMO 26:33

I Zelafehad, anak i Hefer madi' kino anak mo'ane, ola anak boune. Sanggo nu aha aijo'mo i Mahla ka' i Noa, i Hogla, i Milka ka' i Tirza.

NOMBILANGMO 27:2

Aha olima' na anak i Zelafehad aijo' nambamo nangadap hi Musa, ka' hi Imam Eleazar, tiba hi to pola-polaya' ka' iwi-iwi' mian anu hau-haunyo sinihukmo koko sabatan nu Kemah nu Tumpu. Aha notatae,

GALATIA 3:28

I uno nu han aiya madi'mo oposi posangalasan na mian nu Yahudi tiba misa' mian nu Yahudi, te botuan ka' mian bebas, te mo'ane ka' boune To Utu-utus iwi-iwi' nosa'angu'mo kalana i Kristus Yesus.