NOMBILANGMO 24:9 - KITAB NU TUMPU ALLA LELE MA'IMAI'

⁹ Bansa aijo' sumomo singa lakinyo ka' singa behenyo, anu natidahapamo ka' nati lukutmo. Ihe na baani moliko ia? O amalakon da mian anu mombalakati beleyum obalakati, ka' mian anu mongkutuki beleyum okutuki.”

NOMBILANGMO 24:9 Iomraidhean Croise

KAJADIAN 12:3

Ku balakatije na to mia-mian anu mombalakati beleyum ka' mongkutuki to mia-mian anu mongkutuki beleyum. Ka' kalana beleyum Ku balakatije na bansa iwi-iwi' i dunia.”

KAJADIAN 27:29

O'amalakon da to bansa-bansa timbali posaihon nu beleyum ka' tulunan nu to bansa-bansa matundu' hi beleyum. O'amalakon da beleyum mongkuasai sampoto utusan nu beleyum ka' lee' nu tina nu beleyum monsombah i ahop nu beleyum. O'amalakon da mohumpak kutuk na iwi-iwi' mian anu mongkutuki beleyum ka' mohumpak balakat na iwi-iwi' mian anu mombalakati beleyum.”

KAJADIAN 49:9

I Yehuda sumo singa anu daagi' bata'nyo; ia mompatei gampanyo binatang da nu kaan, lantas po'ule' minsusule' jojoong i liangnyo; ia uminyohatmo lantas lumukutmo, ka' madi' ko samian pe'e na baani mohenggo ia.

1 TOMU-TOMUNDO' 10:20

Pusnyo nu langku-langku'nyo kowi koanan toto sa'angu' ko patong singa – iwi-iwi'mo sampulu' ka' ohua' na konjoo'nyo. Madi' ko kadela nu tomundo' anu sumo aijo', maumo pa'iyayame na lipu' anu ko tomundo'nyo.

2 TAWARIKH 9:18

Kadela aijo' ko limanyo ka' poti-potimbiha' ko patongnyo singa. Kadela aijo' pinokonan ojannyo ka' langku-langku'nyo anom, ka' sa'angu' na panintumpuan nu tengke anu i lapisan nu mosoni'. Panintumpuan nu tengke aijo' sinaimbau-baumo tiba kadelanyo aijo'.

ESTER 6:13

Hi bengkele'nyo pinonsisikannyomo ka' hi to sanga-sangalunyo apaa na anu ingoa'annyomo. Jadi bengkele'nyo ka' to sanga-sangalunyo anu toto pande-pande haha aijo', nompoto'imo hi ia, “Kahosonan nu beleyum nu hungku'imo i Mordekhai. Ia mian nu Yahudi, madi' nupoko ala nu beleyum na mongewa ia. Ia na tionyo mohungku'i beleyum.”

AYUB 41:10

Ia motomuhukmo de oliko na ia aijo' hoyo-hoyot; mau samian madi' ko anu baani tuminjo i ahopnyo.

MAZMUR 122:6

Odo'akon na Yerusalem da mohumpak ka'imaan, “O' amalakon da iwi-iwi' na mian anu mongka'ima'i beleyum mohumpak kantumuu'an mai maima.

MAZMUR 2:12

nu lakat ahi' na tolodadupu i ahop-Nyo, dumo ahi' nutambuha'i nu Tumpu ka' ola sangkinihap belemiu opateimo, kalana ia motambuha' pojohinjit sumo apu. Mohumpak ka'ima'an na mian anu mihohung hi Tumpu!

NOSABATMO 23:22

De belemiu tulu-tulutan hi ia ka' mombau iwi-iwi' apaa na anu Ku palentahkon, Aku na mahampate mongewa sampobali' nu belemiu iwi-iwi'.

YESAYA 31:4

Tumpu notataemo hi belengku, “Susumo singa molohu'mo da madi' o, agoi na kaanonnyo ka' madi' opoko ala opopobuhuk nu to pola-polaya' binatang maumo ahi' aha sanggombu na monsia'i ka' sola' molokihis anu pinalentahmo mongewa ia, sumo aijo'mo na Aku mahampate da boli o, hungku'i na Puge'nyo nu Sion.

MIKHA 5:8

Israel mompatundu'mo iwi-iwi' na sampobali'nyo ka' mule' mohansunimo aha iwi-iwi'.

NOMBILANGMO 22:12

Tumpu Allah notataemo hi Bileam, “Boli mamba tiba mian haha aijo' ka' boli mongkutuki bansa aijo', kalana aha binalakatan-Kumo.”

NOMBILANGMO 22:6

Aha na lebe mahoson molingkudui kami. Jadi, sampamo toka mae! Okutuki na aha da ku pokala. Da ugaat timbali opoko ala o hungku'i mami na aha ka' molaa' aha mompala'i lipu' aiya. Kalana ku palesaya hondo mian anu obalakatimo nu belento mohumpakmo balakat, ka' mian anu okutukimo nu belento mohumpakmo kutuk.”

NOMBILANGMO 23:24

Bansa aijo' tinuminjomo sumomo singa behenyo, ka' tinuminjomo sumomo singa lakinyo. Ia madi' lumukut de ma'isa pe'e mongkaan kaanonnyo ka' monginum baso' nu anu sina'unyomo.”

NOMBILANGMO 24:10

Pinusamo na i Balak ka' nontangkakonmo pajagunnyo ka' notataemo hi Bileam, “Beleyum i lagangkumo mae da mongkutuki iwi-iwi' na anu monsampobali' mae aku, panyo aha ola mule' ahi' binalakatan nu beleyum sampe pinintolun.

MATIUS 25:40

Tomundo aijo' nontaami, ‘Da osumbu': tempo'nyo komiu mombau han aijo', mau pe'e hi sala'samian i to utu-utus-Ku anu talalo kanteles, alati'nyo komiu nombaumo hi beleng-Ku!’

MATIUS 25:45

Tomundo aijo' nontaami, ‘Da osumbu'mo: de komiu madi' ka'oho' montulungi, sala'samian anu talalo kanteles aiya, alati'nyo komiu madi' mongka'oho' montulungi Aku.’

SISIKON NU TO RASUL-RASUL 9:5

“Ihe na Kita Tuan?” pinokilawa i Saulus. Lewo' aijo' nontaami, “Akumo na i Yesus, anu osakisa nu beleyum.

PO'ULE' INGULIT 30:7

Iwi-iwi' na kutuknyo aijo' nu pokonamo hi sampobali' nu belemiu iwi-iwi' anu mongkaddeki ka' monsansalaimo belemiu.