NOMBILANGMO 24:7 - KITAB NU TUMPU ALLA LELE MA'IMAI'

⁷ Aha nohumpakmo ujan nolabi-labi, anu sinu'an nohumpakmo uee manjoo'. Tomundo'nyo mompaka daka'mo na kakuasa'annyo, molingkuduimo i Agag, ka' kapalentahannyo saidi' mae opopodaka'mo.

NOMBILANGMO 24:7 Iomraidhean Croise

2 SAMUEL 5:12

Kalana aijo' lebemo hondo sinumbu' i Daud taalu' totu-totu'umo ahi' na ia ihangkatmo nu Tumpu binaumo tomundo' hi aha Israel, ka' nompohosonmo kalaja'annyo da bau kapentingan nu mian anu pinalesayamo hi Tumpu.

1 TOMU-TOMUNDO' 4:21

Toto sangauwan ko ale' nu anggur ka' ale' nu ara. Tempo'nyo i Salomo dagi' tutuu' mian da'isan i songko-songko Yehuda ka' Israel lengkat mae i Dan toka-toka i Bersyeba kantuumu'an nu aha sinanangmo ka' madi'mo ko anu mompoposia. Kalana iwi-iwi' na tomundo' i sasu kinsoban Efrat nabuhukmo hi ia ka' iwi-iwi' na bansa nu to nega-negara anu mompaha o ohani kalaja'annyo nobela'mo tiba ia. Tano' i sasu kinsoban kaunyo nu Efrat lengkat mae i Tifsah i sohipi' nu kaunyo Efrat lau-laus no kiijo' i sasu kinsoban i kota Gaza i da'erah nu aha Filistin toka-toka i pontempasan tiba Mesir, songko-songko kinuasanmo i Salomo. To bansa-bansa i lipu' aijo' nabuhukmo ka' nombayanmo hasin hi ia. Ngangahan nu anu o kaan anu nu palalui i Salomo sansina-sinaa 5.000 liter labu anu i hihikmo, 10.000 liter labu anu ma'isa i hihik, 10 na sapi' anu opangkunakon, 20 na sapi' anu o polapas i padang, ka' 100 na domba ka' sangga'at mule' jonga kijang, menjangan ka' binatang anu lumahap.

1 TOMU-TOMUNDO' 5:1

I Hiram, tomundo' nu aha Tirus, saja'mo no bela' tiba i Tomundo' Daud. Salatan i hongomo i Hiram na i Salomo binaumo tomundo' pinombolosi i Daud, tuumanyo ia nonsaimo mian namba hi Salomo.

1 TAWARIKH 14:2

Kalana aijo' ingoa'anmo i Daud, taalu' totu-totu'umo ahi' na ia ingakuanmo nu Tumpu salaku tomundo' nu aha Israel ka' nompohosonmo kalaja'annyo bau kapentingan nu mian anu pinalesayamo hi Tumpu.

EZRA 4:20

Toho'mo kino to tomu-tomundo anu baani hondo nompalentah i kiijo' ka' nongkuasaimo songko-songko na Propinsi Efrat sasu Kinsoban ka' nombee'imo tanggungan hasin ka' apa-apaa mule' na anu tionyo nubayan nu aha sataun-toka sataun.

ESTER 3:1

Madi' pinin ilapas na aijo', i Tomundo Ahasyweros nohangkatmo samian sanggonyo i Haman binau perdana mantri. I Haman anak i Hamedata lee' mae i Agag.

MAZMUR 18:43

Aha i tinutukumo susumo abu' anu sinagakonmo, ka' sinautankumo susumo hensek ijalan.

MAZMUR 68:26

Aita' momona anu i lumajang to mia-mian anu manyanyi, akaong mae i mihi-mihinyo to mia-mian anu mongkuti' kasapi'; i totonga'nyo to lalangkoyang anu mohapa'i gandang; sumo uuka na nyanyian nu aha:

MAZMUR 72:11

Iwi-iwi' na to tomu-tomundo' tolodadupumo i ahopnyo, iwi-iwi' na bansa baumo posaihonnyo.

MAZMUR 89:27

Ia notataeje mae hi beleng-Ku, ‘Belentomo na Tuumangku, Tumpu Allah-ngku anu monjagai mae, ka' anu momposalamat aku.’

YESAYA 2:2

Isinaa anu aiya mae ihop puge'nyo tampat Laigan nu Tumpu matangkasmo ka' tuminjo'mo hodi-hodi' aita ito bungku-bungkutnyo ka' mule' to puge-puge'nyo. Iwi-iwi' na bansa moduyu-duyutmo mamba mokiijo',

YESAYA 30:25

De tokamo isinaanyo benteng-benteng nu sampobali' nu belemiu otikumo ka' aha to mia-miannyo opateimo toto sa'angu' na bungkutnyo tiba puge'nyo mompolubatmo mae gimpangan-gimpangan nu kaunyo.

YESAYA 48:1

Potombihing mae o, belemiu lee' i Yakub, lee' mae i Yehuda anu nompakemo sanggo Israel, beleyum notatae, tukooyum beleyum nongakuimo Tumpu nu Israel, ka binasumpa'mo i uno nu sanggo nu Tumpu. Panyo potatae nu beleyum aijo' madi' sahondo-hondonyo.

YESAYA 9:7

Tumpu nonabu'akonmo hukuman hi aha kalaja'an Israel.

YEREMIA 51:13

Lipu' aijo' kaya hondo ka' mule' manjoo' na kaunyo, panyo kasampatan nu ia tumuu' ningkotmo; kamingkotan nu kantumuu'annyo tinokamo.

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

NOMBILANGMO 24:20

Noko lapas na nontoa aijo' i Bileam nontoamo aha mian nu Amalek. Sahingga ia nontaloakonmo potatae sumo uuka, “Iwi-iwi' na bansa i dunia aiya, Amalekmo na anu talalo daka' na kuasanyo. Panyo bansa aijo' i mihinyo mae, mingkotmo sampe toka sidu-sidutu'.”

YOHANES 1:49

“Kita Tuumangku Gulu',” na koonyo i Natanael, “Kita Tuuma Anak nu Tumpu! Kitamo Tuuma na Tomundo bansa nu Israel!”

ANU PINOTO'I HI YOHANES 11:15

Lantas malaikat ko popitu'nyo nompuuhimo tolompetnyo, sahingga i hongomo i suluga' na potatae anu toto daka-daka' hondo nompoto'i, “Kakuasa'an mompalentah dunia tempo' uuka i limamo nu Tumpu-nto ka' Tomundo anu Momposalamat anu jinanji'-Nyomo. Ia na mompalentah sampe toka sidu-sidutu'!”

ANU PINOTO'I HI YOHANES 17:1

Lapas aijo' sala'samian na malaikat anu aha popitu' aijo' nontoongimo popitu' na tampat nu anggurnyo tinoka mae hi belengku ka' notatae, “Imbo', ku potiju'je hi belemiu mosia na anu talalo hondo masala' aijo' o hukum, aijo'mo kota daka' aijo', anu pinotinjo koko kaunyo haha aijo'.

ANU PINOTO'I HI YOHANES 17:15

Malaikat aijo' po'ule' notatae, “Uee anu tinoa nu beleyum aijo', tampat kinasuhangan nu to mia-mian masala' aijo', aijo'mo to bansa-bansa, to laya-layat, to nega-negara, ka' to basa-basa'.

ANU PINOTO'I HI YOHANES 19:16

I juba'-Nyo ka' i pa'anyo tuli-tulis na sanggo sumo uuka, “Tomundo nu tomundo iwi-iwi', ka' Tumpu nu tuan iwi-iwi'.”