NOMBILANGMO 23:3 - KITAB NU TUMPU ALLA LELE MA'IMAI'

³ Lantas i Bileam notataemo hi Balak, “Tinjomo koko koloban anu pinotunumo nu belento Tuanku. Hau-haunyo aijo' aku mambamo montoa pa' Tumpu kahanda' singkabot tiba aku kabai madi'. Ku poto'ije iwi-iwi' apaa na anu nutaloakon mae nu Tumpu hi belengku.” Jadi nambamo na i Bileam sausa'nyo aita' mae i sa'angu' na bungkutnyo,

NOMBILANGMO 23:3 Iomraidhean Croise

KAJADIAN 22:13

Lantas i Abraham nosilele' duhu-duhuk ka' nontoa sa'angu' na domba lakinyo te tanduknyo kinalekodanmo nu kandang ka' tinopipuyumo i hemput. I Abraham nongalamo domba aijo' lantas sinombahkonnyomo hi Tumpu salaku bau koloban anu opapui pombolosi anaknyo.

KAJADIAN 22:2

Tumpu Allah notatae, “Lako'mo i tano' Moria tiba i Ishak anak nu beleyum anu sa'a-sa'angu'nyomo atina', anu talalo hondo nu kalibosi. Ikiijo' mae, i sa'angu' na bungkutnyo anu Ku potiju'je hi belemiu, osombahkon na anak nu beleyum salaku bau koloban hi belengku anu opapui.”

KAJADIAN 8:20

I Nuh nombaumo sa'angu' na mezbah bau ponsombahkonan koloban hi Tumpu. Toto sangahan na tomonsi' ingalanyo sa'angu' ka' binatang sangga'at anu timbali okaan. Lantas sinombahkonnyomo salaku koloban anu opotunu i mezbah aijo'.

NOSABATMO 18:12

Lapas aijo' i Yitro nomboamo tino pia-piangkuka na koloban anu otunui ka' koloban anu o kolot da osombahkon hi Tumpu Allah. I Harun ka' to pola-polaya' iwi-iwi' nu aha bansa Israel tinokamo ka' nongkaanmo hingga-hinggat tiba i Yitro ka'ingatuhanmo nu Tumpu Allah.

IMAMAT 1:1

Lengkat mae aijo' i Kemahnyo, Tumpu nolagamo i Musa ka' nombee'i ia atulan haha aiya,

NOMBILANGMO 23:12

Tinaaman i Bileam, “Aku ola timbali montaloakon apaa na anu nupoki poto'i nu Tumpu.”

NOMBILANGMO 23:15

Notataemo na i Bileam hi Balak, “Jojoongmo i aiya, koko koloban anu pinotunumo nu belento Tuanku, hau-haunyo aku mamba monsingkaboti Tumpu aijo' mae.”

NOMBILANGMO 23:2

I Balak nombaumo susumo apaa na anu tinaloakonmo i Bileam hi ia. I toto sa'angu' na mezbah aijo' aha nonsombahkonmo toto sa'angu'an na sapi' lakinyo ka' sa'angu' na domba lakinyo.

NOMBILANGMO 23:26

Tinaaman i Bileam, “Te misa' pinoto'ingkumo hi belento Tuanku, tukoongku aku mombaumo iwi-iwi' apa na anu pinalentahkonmo nu Tumpu?”

NOMBILANGMO 23:4

i kiita' mae Tumpu Allah tinokamo hi ia. Notataemo na i Bileam hi Tumpu Allah, “Aku nombaumo popitu' na mezbah ka' nonsombahkonmo sa'angu' na sapi' lakinyo ka' sa'angu' na domba lakinyo i toto sa'angu' na mezbah aijo'.”

NOMBILANGMO 24:1

Uuka aiya sinumbu'mo i Bileam taalu' pongka'oho' nu Tumpu Allah da ia mombalakati bansa Israel. Kalana aijo' ia madi'mo lewa' mamba molio tanda susumo anu binaumo u'uka mae momona. I Bileam nontanggalakonmo sasu nokiijo' i padang bolaa,

MATIUS 4:8

Lapas aitu Ibilis nomboamo i Yesus mule' nokiita' i bungkutnyo anu matangkas hondo ka' nompotiju' hi Ia iwi-iwi' na kalaja'an i dunia tiba iwi-iwi' na kakaya'annyo.

YOSUA 24:10

Panyo Aku madi' nongala-ala pongka'oho' i Bileam, sahingga ia nombalakatimo belemiu. Sumo aijo' na Aku nomposalamatmo belemiu da boli nohumpak balaa' hi Balak.