NOMBILANGMO 22:8 - KITAB NU TUMPU ALLA LELE MA'IMAI'

⁸ Koonyo i Bileam hi aha, “Male'mo pe'e i aiya. Dodop ku posumbu'je hi belemiu apaa na koonyo nu Tumpu hi belengku.” Jadi to pola-polaya' nu aha Moab aijo' jinojoongmo i tampat i Bileam.

NOMBILANGMO 22:8 Iomraidhean Croise

1 TOMU-TOMUNDO' 13:8

Nabi aijo' nontaami, “Maumo ahi' sambahagian na ka kakaya'an nu belento Tomundo', obee'mo mae nu belento Tomundo' hi belengku, panyo' madi' ahi' aku mamba mongkaan ka' monginum tiba belento Tomundo'.

1 TOMU-TOMUNDO' 22:14

Panyo tinaaman i Mikha, “I uno nu sanggo nu Tumpu anu tumuu', aku ola mompoto'i apaa na pinoto'imo nu Tumpu hi belengku!”

YEREMIA 12:2

Sinu'anmo nu belento na aha susumo sosu'anon, lantas aha nimbakatmo, tinumuu'mo, ka' nimbua'mo. Aha saja mombisalakon anu toto ima-ima' mongkona butong nu Belento, panyo i uno nu kinyonyoa nu aha, aha sabenannyo ahi' madi' mompajuli Belento.

YEHEZKIEL 33:31

Aha toka mae manjoo' hondo na mian ka' salaku mian anu palesayamo hi belengku, aha sumuhangmo mompotombihing potatae nu beleyum, panyo apaa na anu nu palentahkon nu beleyum madi' ahi' nu tuluti nu aha. Biwi nu aha montaloakon potatae mongka'ima'i panyo kinyonyoa nu aha na ola ahi' mompotutugakon mosia na mohumpak ka'untungan.

NOMBILANGMO 12:6

lantas Tumpu notataemo, “Potombihing mae na potataeng-Ku aiya! De daagi' ko anu aiya hi belemiu samian na nabi, Ku potoamo na butong-Ku hi ia da saja' otoa, ka' basisik tiba ia i uno nu ipion.

NOMBILANGMO 22:18

Panyo tinaaman i Bileam, “Maumo iwi-iwi' na salaka ka' mosoni anu kiijo' i laigan nu Tomundo Balak na pombayan aku, aku madi' timbali molanggai palentah nu Tumpu, Tumpu Allah anu ku sombah Maumo ola hahan anu ise' madi' timbali ku bau.

NOMBILANGMO 22:38

Tinaaman i Bileam, “Jadi, uuka aiya aku tinokamo mae. Panyo aku madi' ko hak montaloakon apa-apaa, boli mompiakon apaa na anu nupokauhakon nu Tumpu Allah, aijo' na ku taloakon.”

NOMBILANGMO 22:7

Sahingga nambamo na to pola-polaya nu aha mian Moab ka' Midian aijo' nomboa pontamboi hi Bileam da mongka'oho' na ia mongkutuki aha mian nu Israel. Salatan tinokamo hi Bileam pinotokamo nu aha na potuunon i Tomundo Balak.

NOMBILANGMO 22:9

Lantas Tumpu Allah tinokamo hi Bileam ka' nompokilawa, “Ihe na mian haha aijo' anu jinojoongmo i tampat nu beleyum, Bileam?”

NOMBILANGMO 23:12

Tinaaman i Bileam, “Aku ola timbali montaloakon apaa na anu nupoki poto'i nu Tumpu.”

NOMBILANGMO 23:3

Lantas i Bileam notataemo hi Balak, “Tinjomo koko koloban anu pinotunumo nu belento Tuanku. Hau-haunyo aijo' aku mambamo montoa pa' Tumpu kahanda' singkabot tiba aku kabai madi'. Ku poto'ije iwi-iwi' apaa na anu nutaloakon mae nu Tumpu hi belengku.” Jadi nambamo na i Bileam sausa'nyo aita' mae i sa'angu' na bungkutnyo,

NOMBILANGMO 24:13

mau mule' belento Tuanku mombee'i mae aku salaka iwi-iwi' ka' mosoni' anu daagi' i laigan nu belento Tuanku, aku madi' timbali molanggai palentah nu Tumpu ka' mombau apaa na anu nuka'ima'i nu kinyonyoangku? Aku ola timbali montaloakon apaa na anu nu pokauhakon nu Tumpu ku taloakon.”