NOMBILANGMO 22:6 - KITAB NU TUMPU ALLA LELE MA'IMAI'

⁶ Aha na lebe mahoson molingkudui kami. Jadi, sampamo toka mae! Okutuki na aha da ku pokala. Da ugaat timbali opoko ala o hungku'i mami na aha ka' molaa' aha mompala'i lipu' aiya. Kalana ku palesaya hondo mian anu obalakatimo nu belento mohumpakmo balakat, ka' mian anu okutukimo nu belento mohumpakmo kutuk.”

NOMBILANGMO 22:6 Iomraidhean Croise

KAJADIAN 12:3

Ku balakatije na to mia-mian anu mombalakati beleyum ka' mongkutuki to mia-mian anu mongkutuki beleyum. Ka' kalana beleyum Ku balakatije na bansa iwi-iwi' i dunia.”

KAJADIAN 27:29

O'amalakon da to bansa-bansa timbali posaihon nu beleyum ka' tulunan nu to bansa-bansa matundu' hi beleyum. O'amalakon da beleyum mongkuasai sampoto utusan nu beleyum ka' lee' nu tina nu beleyum monsombah i ahop nu beleyum. O'amalakon da mohumpak kutuk na iwi-iwi' mian anu mongkutuki beleyum ka' mohumpak balakat na iwi-iwi' mian anu mombalakati beleyum.”

1 TOMU-TOMUNDO' 22:13

Tempo'nyo aitu mian anu sinai mamba mompoboa i Mikha, nompoto'imo hi Mikha, “Iwi-iwi' na nabi sangga'at nompoto'imo ka'untungan mahampate anu jadi hi tomundo' aiya mae i ahop. De timbali belento Tuuma suele mompoto'i anu ma'ima' na jadi aiya mae i ahop susumo hi aha.”

1 TOMU-TOMUNDO' 22:6

Sahingga pinosihukmo i Ahab kila-kila 400 na nabi, lantas pinokilawanyomo hi aha, “Pa' timbali na aku mamba montumbuhi Ramot kabai madi'?” “Timbali!” na koonyo nu aha. “Nubee'mo nu Tumpu na kota' aijo' hi belento Tomundo'.”

1 TOMU-TOMUNDO' 22:8

Tinaaman i Ahab, “Daagi' samian, i Mikha anak i Yimla. Panyo ku ka'ideki na ia, kalana madi' toho' ia mompoto'i mae apa-apaa na anu ma'ima' anu jadi aiya mae i ahop hi belengku; ola saja' anu ma'idek.” “Ha, boli motatae sumo aijo'!” na koonyo i Yosafat.

NEHEMIA 13:2

kalana tempo'nyo bansa Israel nompala'imo mae Mesir ohu-ohua' na bansa anu sinahak mami aijo' madi' nombee'i anu o kaan ka' anu o'inum hi bansa aijo'. Pakalaus mule' aha nontamboimo i Bileam da mongkutuki bansa Israel, panyo Tumpu Allah-nto nombali'imo kutuk aijo' tinimbalimo balakat.’

MAZMUR 109:28

Mau mule' aha mongkutuki mae aku, o' amalakon da Belento mombalakati mae aku. Mau mule' aha mongewa mae aku, aha saidi' mae opopo ambangje; panyo o' amalakon, aku posaihon nu Belento, mohumpak kalame'an.

AMSAL 26:2

Susumo tomonsi' lumahap, ka' ko laha-lahap aita ilanga sumo aitu mule' pongkutuki madi' nu kona na mian anu madi' ko sala'nyo.

YEHEZKIEL 13:6

Iwi-iwi' na anu tinoamo nu aha madi' totu'u ka' mule' anu sola' nu kila-kila nu aha leko' ahi' samata-mata. Aha nongakuimo nomboamo potuunon lengkat mae hi belengku padahan Aku madi' toho' nonsai aha. Mosia na aha montaha'imani kila-kila' nu aha bisa jadi?

MIKHA 6:5

O, mian-Ku anu palesayamo boli okolilimi apaa na anu tinanga'anmo i Balak tomundo' nu aha Moab kona hi belemiu ka' mosia na i Bileam anak i Beor nontaami hi ia. Boli okolilimi apaa na anu jinadimo i jalan olot nu pinombauan kemah kiijo' i Sitim tiba Gilgal. De madi' okolilimi nu belemiu iwi-iwi' aijo' tantu osumbu'je nu belemiu apaa na anu binaung-Kumo kahanda' momposalamat belemiu.”

NOMBILANGMO 22:12

Tumpu Allah notataemo hi Bileam, “Boli mamba tiba mian haha aijo' ka' boli mongkutuki bansa aijo', kalana aha binalakatan-Kumo.”

NOMBILANGMO 22:17

Ku tamboije manjo-manjoo', ka' mombau maumo pa' apaa na nutaloakon nu belento. Tokamo mae, ka' kutukiakon na bansa aijo' da ku hungku'i na aha.”

NOMBILANGMO 23:13

Lantas i Balak notataemo hi Bileam, “Imbo' da kita mambamo hingga-hinggat i tampat sangga'at; ikiijo' mae nu toaje ola sambahagian na bansa Israel. Okutukije na aha ikiijo' mae.”

NOMBILANGMO 23:27

I Balak notatae, “Imbo da kita mambamo i tampat sangga'at. Ihe na monsumbu' Tumpu Allah mompobee'mo beleyum mongkutuki Israel susumo anu ku kahanda'i i tampat kiijo'.”

NOMBILANGMO 24:9

Bansa aijo' sumomo singa lakinyo ka' singa behenyo, anu natidahapamo ka' nati lukutmo. Ihe na baani moliko ia? O amalakon da mian anu mombalakati beleyum obalakati, ka' mian anu mongkutuki beleyum okutuki.”

SISIKON NU TO RASUL-RASUL 16:16

Daagi' kino sansinaan tempo'nyo kami hau-haunyomo namba nokiijo' i tampat balado'an, kami nompahakabotmo tiba samian na boune; ia posaihon. Boune aijo' kinuasanmo nu roh ma'idek anu moko ala mongkila-kila apa-apaa na anu timbali saidi' mae. Kalana moko ala mongkila-kila sisi' nu mian, boune aijo' mombee'i ka'untungan anu daka' hi anu pongalapannyo tambo.

PO'ULE' INGULIT 23:4

kalana aha madi' mongka'oho' mombee'i belemiu anu okaan ka' uee tempo'nyo belemiu i lumajang nosabat mae i Mesir. Ka' mule' aha nontamboimo i Bileam anak i Beor anu lengkat mae i kota Petor kiijo' mae i Mesopotamia, da mongkutuki belemiu.

YOSUA 24:9

Lantas tomundo nu Moab, aijo'mo i Balak anak i Zipor, nongewamo belemiu. Ia nonsaimo mian namba hi Bileam anak i Beor ka' nongkakase da i Bileam mongkutuki belemiu.

1 SAMUEL 17:43

Koonyo i Goliat hi Daud, “Bau apaa na tokon atina'? Te kooyum aku aiya dedeng?” Lantas tinotobi'akonnyomo na i Daud da nu kutuki nu to pilo-pilogotnyo.