NOMBILANGMO 22:5 - KITAB NU TUMPU ALLA LELE MA'IMAI'

⁵ nonsaimo bobotokon da molaga i Bileam, anak i Beor, anu jojoong i kota Petor koko Kaunyo nu Efrat i da'erah Amau. Aha sinai da mompotoka hi Bileam potuunon aiya lengkat mae hi Balak, “Da osumbu', daagi' ko sa'angu' na bansa anu lengkat mae i Mesir; mian haha kiijo' sinongkomo iyaya mae ka' montanga'imo montumbuhi mae da'erah mami.

NOMBILANGMO 22:5 Iomraidhean Croise

KAJADIAN 13:16

Ku bee'ije na beleyum lee' anu da'isan hondo, sahingga madi' ko samian na anu moko bilang aha. Sumomo mian madi' moko ala mombilang abu' i tano', sumo aitumo na lee' nu beleyum madi' opoko ala obilang.

MAZMUR 105:24

Tumpu nompaka tuangimo da mian anu palesayamo hi ia mompaka panjoo'mo, sahingga aha lebemo nahoson, i lingkuduanmo nu aha na mian anu mongewa aha.

NOSABATMO 10:15

Songko-songko na tano' sinapnyomo nu kihi-kihi' me mo'i-mo'itom na otoa. Iwi-iwi' nukaan nu aha apaa na anu madi' pinoko idean nu ujan eis aijo', atina'mo bua' nu to kau-kau'. Songko-songko na tano' nu Mesir madi'mo ko anu molunou na tinontuha', na kau' iwi-iwi' kabai anu sinu'an.

MIKHA 6:5

O, mian-Ku anu palesayamo boli okolilimi apaa na anu tinanga'anmo i Balak tomundo' nu aha Moab kona hi belemiu ka' mosia na i Bileam anak i Beor nontaami hi ia. Boli okolilimi apaa na anu jinadimo i jalan olot nu pinombauan kemah kiijo' i Sitim tiba Gilgal. De madi' okolilimi nu belemiu iwi-iwi' aijo' tantu osumbu'je nu belemiu apaa na anu binaung-Kumo kahanda' momposalamat belemiu.”

NOMBILANGMO 23:7

Lantas i Bileam nompoto'imo sisikonnyo sumo uuka, “Lengkat mae i Aram, bungkutnyo kiijo' mae i sasu kabete'an, i Balak, tomundo nu aha Moab nolagamo aku, ka' notatae, ‘Tokamo mae, poto'i mae hi belengku. Kutukimo na bansa Israel aijo'!’

NOMBILANGMO 31:8

tibamo tomundo nu aha Midian aha olima', aijo'mo i Ewi, i Rekem, i Zur, i Hur ka' i Reba. I Bileam, anak i Beor, suele pinateanmo.

PO'ULE' INGULIT 23:4

kalana aha madi' mongka'oho' mombee'i belemiu anu okaan ka' uee tempo'nyo belemiu i lumajang nosabat mae i Mesir. Ka' mule' aha nontamboimo i Bileam anak i Beor anu lengkat mae i kota Petor kiijo' mae i Mesopotamia, da mongkutuki belemiu.

PO'ULE' INGULIT 23:5

Panyo Tumpu Allah nu belemiu madi' nompajuli i Bileam. Ka' mule' Ia nombali'imo kutuk aijo' timbali balakat, kalana Ia mongkalibosi belemiu.

YOSUA 13:22

Aha mian anu pinateanmo nu aha bansa Israel aijo'mo i Bileam anak i Beor, anu saja' montahi'i.

YOSUA 24:9

Lantas tomundo nu Moab, aijo'mo i Balak anak i Zipor, nongewamo belemiu. Ia nonsaimo mian namba hi Bileam anak i Beor ka' nongkakase da i Bileam mongkutuki belemiu.

YUDAS 1:11

Silaka na aha! Kalana aha nombatukimo jalan anu tinuluanmo i Kain. Da mohumpak doi, aha nontuamo butong nu aha i uno nu kasala'an, pokakana sumo i Bileam. Ka' aha mule' pinateanmo kalana notomuhukmo susumo i Korah.

ANU PINOTO'I HI YOHANES 2:14

Mau mule' sumo aitu daagi' ko to pia-piangkuka na han anu madi' Ku ka'ima'i hi belemiu: Daagi' ko sambahagian na mian atina' hi belemiu anu nontulutimo apaa na anu ingajanakonmo i Bileam. I Bileam nompogulu'mo i Balak mosia na monabu'akon mian nu Israel i uno nu dosa'; aijo'mo pagala monsale'i aha mongkaan kaanon anu sinombahkonmo hi pilogot ka' mombau hahan masala'.