Biblia Todo Logo
Bìoball air-loidhne

- Sanasan -




NOMBILANGMO 22:12 - KITAB NU TUMPU ALLA LELE MA'IMAI'

12 Tumpu Allah notataemo hi Bileam, “Boli mamba tiba mian haha aijo' ka' boli mongkutuki bansa aijo', kalana aha binalakatan-Kumo.”

Faic an caibideil Dèan lethbhreac




NOMBILANGMO 22:12
27 Iomraidhean Croise  

Ku ponjoo'je na lee' nu beleyum ka' aha timbalije bansa anu daka'. Ku balakatije na beleyum ka' mompotimbali sanggo nu beleyum talasanggo, sahingga beleyum timbalije balakat.


I Imam Daka' Asarya lee' mae i Zadok notataemo, “Salatanmo pe'e mian da'isan nomboamo mae anu osombahkon haha aijo' i Laigan nu Tumpu, kami madi'mo kinakulangan i anu o kaan, panyo nolabimo sahingga daagi' manjoo' na kaanon mami anu pinosadia. Iwi-iwi' aijo' i humpak mami kalana binalakatanmo nu Tumpu na mian anu pinalesayamo hi ia.”


Mohumpak kantumuu'an ma'ima' na bansa anu sumo aijo, mohumpak kantumuu'an na mian anu Tumpu-nyo, aijo'mo na Tumpu!


Mohumpak kantumuu'an ma'ima' na mian anu talalo hondo montaha'imani Tumpu-nyo, ka' ko Tumpu i Yakub salaku anu montulungi ia.


Lee' nu belemiu togilelemo iyaya mae, talasanggomo hi aha iwi-iwi' na bansa. Sahingga iwi-iwi' na mian anu montoa mongakuimo, saba' bansa aiya Ku balakatimo.”


O, mian-Ku anu palesayamo boli okolilimi apaa na anu tinanga'anmo i Balak tomundo' nu aha Moab kona hi belemiu ka' mosia na i Bileam anak i Beor nontaami hi ia. Boli okolilimi apaa na anu jinadimo i jalan olot nu pinombauan kemah kiijo' i Sitim tiba Gilgal. De madi' okolilimi nu belemiu iwi-iwi' aijo' tantu osumbu'je nu belemiu apaa na anu binaung-Kumo kahanda' momposalamat belemiu.”


tukoonyo sa'angu' na bansa anu tinokamo lengkat mae i Mesir, sinongkomo iyayay mae. I Tomundo Balak nompokaumo mae aku da mongkutuki bansa aijo' da nu hungku'i na aha, da ia moko ala mompahampateakon ka' mola' aha.”


Dodododopnyo i Bileam notataemo hi aha to mia-mian anu sinai mae i Balak aijo'. “Pinsusule'mo, Tumpu madi' mompobee' aku mamba tiba belemiu.”


Aha na lebe mahoson molingkudui kami. Jadi, sampamo toka mae! Okutuki na aha da ku pokala. Da ugaat timbali opoko ala o hungku'i mami na aha ka' molaa' aha mompala'i lipu' aiya. Kalana ku palesaya hondo mian anu obalakatimo nu belento mohumpakmo balakat, ka' mian anu okutukimo nu belento mohumpakmo kutuk.”


Madi' ko ajimat anu mongkona i Yakub madi' ko to boli-bolian anu moko ala mombau apa-apaa hi Israel. Mongkona bansa aijo' mian notatae, ‘Toa na hahan anu okabangangi anu binaumo nu Tumpu Allah!’


Lantas i Bileam notataemo hi Balak, “Tinjomo koko koloban anu pinotunumo nu belento Tuanku. Hau-haunyo aijo' aku mambamo montoa pa' Tumpu kahanda' singkabot tiba aku kabai madi'. Ku poto'ije iwi-iwi' apaa na anu nutaloakon mae nu Tumpu hi belengku.” Jadi nambamo na i Bileam sausa'nyo aita' mae i sa'angu' na bungkutnyo,


Te toho' mule' aku mongkutuki, de Tumpu Allah madi' mongkutuki? Te toho' mule' aku mohukum, de Tumpu madi' mohukum?


Bansa aijo' sumomo singa lakinyo ka' singa behenyo, anu natidahapamo ka' nati lukutmo. Ihe na baani moliko ia? O amalakon da mian anu mombalakati beleyum obalakati, ka' mian anu mongkutuki beleyum okutuki.”


Tempo'nyo aitu i Pilatus hau-haunyo sinumuhang i kulusi, anu pomputusian palakala, bengkele'nyo nompotuun potuunon sumo uuka hi ia, “Boli beleyum matigalo' i palakala hi mian anu madi' ko kosala'nyo aijo', sabab kalana Ia, aku kino ipion ma'idek sinaa aiya.”


Kalana de Tumpu nompile'imo mian ka' mombalakatimo mian aijo', Tumpu madi'mo toho' po'ule' momadi'akon apaa na anu binau-Nyomo.


Puji' na Tumpu, Tuuma Tumpunto i Yesus Kristus! Ia nombalakatimo kita nu iwi-iwi' na balakat nu Tumpu i uno nu suluga', kalana kita nosa'angu'mo tiba i Kristus.


O'inau' mosia na Tumpu Allah nu belemiu nombalakatimo belemiu i han iwi-iwi' anu binaumo nu belemiu. Ia nompotuu'mo belemiu tempo'nyo belemiu lewa' nonsongkohi padang bola anu ewa aiya. Ia nonjagai belemiu pinatompulu' na taun ka' nombee'imo belemiu iwi-iwi' na anu opalalui.


Panyo Tumpu Allah nu belemiu madi' nompajuli i Bileam. Ka' mule' Ia nombali'imo kutuk aijo' timbali balakat, kalana Ia mongkalibosi belemiu.


Obalakatimo iwi-iwi' apaa na anu obau nu belemiu.


Mohumpak kabilahian na beleyum, o Israel! Madi' ko bansa anu sumo beleyum nuposalamat nu Tumpu. Tumpu sumomo bajak ka' kantah atina' hi belemiu; monsangaja'i beleyum ka' mombee'i ka'untungan de mahampate na belemiu. Sampobali' nu belemiu iwi-iwi' tokamo mongkakase da okalibosi, panyo beleyum mompahampeja'akonmo aha.”


Iwi-iwi' na bansa i dunia aiya, madi' ko sa'angu' pe'e na nohumpak balakat susumo aijo' na konjoo'nyo sumo anu i humpak nu belemiu. Belemiu iwi-iwi' ka' iwi-iwi' na potu'on nu belemiu sa'angu' pe'e madi' ko anu bu'a.


Lean sinn:

Sanasan


Sanasan