NOMBILANGMO 21:8 - KITAB NU TUMPU ALLA LELE MA'IMAI'

⁸ Lantas nompokaumo na Tumpu i Musa da mombau sa'angu' na ulo tambaga ka' opotedang i sa'angu' na kau' anu gagana' mantan. Batu-batu mian anu binahe'mo nu ulo haha aijo' timbali ma'alin de montoamo ulo tambaga aijo'.

NOMBILANGMO 21:8 Iomraidhean Croise

2 TOMU-TOMUNDO' 18:4

Tampat anu lewa' ponsomban pilogot pinaha ideannyomo, ka' pinahahobo'akonnyomo na patong-patong ka' tugu anu pinaha potinjo salaku pontandai Pilogot boune Asyera iwi-iwi' ingideannyomo. Ka' ia mule' nongideimo ulo tambaga anu binau i Musa anu osa-osanggohi i Nehus. Kalana sangkut tinoka i tempo' aitu mian nu Israel daagi' mompapui kamangian bau pongadati ulo tambaga ai-aijo'.

MAZMUR 145:8

Tumpu aijo' pangkalibosi ka' pangkanonongi, madi' sampa motambuha' ka' saja' mongkalibosi.

YESAYA 14:29

O, belemiu bansa Filistin, amangkun anu pinake pinompan belemiu nopato'mo. Panyo boli beleyum lame' kalana de sa'angu na ulo matemo, saba ulo anu sangga'at mule' tokamo mae mombolosakon ka' lebe ma'idek mule' na pombaunyo ka' nggalau' nu ulo ai-aijo' mimoso'mo naga' anu mimpolipik.

YESAYA 30:6

Sumo uuka na potuunon nu Tumpu kona hi aha binatang-binatang anu jojoong i tano' sasu salatan, “Tomia-mian anu sinai aijo' nompaha posake'imo keledai tiba unta nu aha anu opalasenakon, lantas nololonga'mo daerah anu manjoo' hondo na anu okabuhuk kalana kajojoongan nu singa, ulo anu kobisa'nyo ka' mule' ulo anu kopolipiknyo. Palasen haha aijo' nu palasombahkon nu aha hi sa'angu' na bansa anu madi' moko ala montulungi aha.

YESAYA 45:22

O, iwi-iwi' na anu jojoong i dunia, po ule' mae toka hi beleng-Ku da belemiu oposalamat, kalana olanyomo Aku na Tumpu madi'mo daagi' kosangga'atannyo!

YOHANES 3:14

Susumo i Musa noliba'akon ulo tambaga i sangkau na kau' bololang i padang bolaa, sumo aitu mule' Anak nu Mian tionyo oliba'akon,