NOMBILANGMO 21:7 - KITAB NU TUMPU ALLA LELE MA'IMAI'

⁷ Lantas bansa aijo' tinokamo nangadap hi Musa ka' notatae, “Kami binaladosa'mo kalana nososonmo hi Tumpu ka' hi belento. Do'akon mae hi Tumpu da ulo haha aiya bolimo toka mae hi kami.” Sahingga i Musa nondo'akonmo bansa aijo'.

NOMBILANGMO 21:7 Iomraidhean Croise

KAJADIAN 20:17

Tumpu nompolengke'mo iwi-iwi' na boune hi laigan i Tomundo Abimelekh kalana apaa na anu tinimbalimo hi Sara bengkele' i Abraham aijo'. Lantas i Abraham binalado'amo hi Tumpu Allah, ka' Tumpu Allah nompo'alinmo i Abimelekh, bengkele'nyo ka' to posa-posaihonnyo boune, sahingga boune haha aijo' po'ule' mule' nohampeakon anak.

KAJADIAN 20:7

Panyo uuka aiya sule'akonmo na ia hi langkai'nyo. Langkai'nyo te nabi, ka' nu do'akonje na beleyum da beleyum madi' silaka. Panyo de beleyum madi' monsule'akon ia, yo toaje beleyum ka' layat nu beleyum iwi-iwi' silakamo.”

1 TOMU-TOMUNDO' 13:6

Lantas notataemo na i Tomundo' Yerobeam hi nabi aijo', “Tulungiakon mae do'akon hi Tumpu Allah nu beleyum na aku. Poitakon da Nu kalibosi mae ka' mompo'alinakonmo limangku!” Nabi aijo' nondo'akonmo hi Tumpu, lantas na'alinmo na lima i tomundo'.

2 TOMU-TOMUNDO' 13:4

Lantas i Yoahas binalado'amo hi Tumpu, ka' Tumpu nohongomo do'anyo aijo', kalana tinoa nu Tumpu talalomo hondo inguesan na tomundo' nu Siria mongkabisa'i mian nu Israel.

AYUB 42:10

Lapas aijo', salatan i Ayub noko balado'amo nondo'akon aha totolu' na sangalunyo haha aijo', Tumpu po'ule'mo nompokaya ia ka' halata'nyo anu u'utu mae pinopinduannyomo na konjoo'nyo na binee' hi ia.

AYUB 42:8

Jadi, uuka aiya alamae na sapi' lakinyo popitu', ka' domba lakinyo popitu', ka' lambamo hi Ayub. Lantas sombahkonmo na aijo' iwi-iwi' salaku koloban anu opotunu bau pongampuni belemiu. Nudoa'akonje i Ayub na belemiu ka' do'anyo Ku talimaje. Belemiu madi'mo Ku ambangi, maumo sabenannyo belemiu pantasmo na mohumpak hukuman. Belemiu madi' nompoto'i anu sahondo-hondonyo mongkona butong-Ku, padahan i Ayub na nontaloakonmo ahi'.”

MAZMUR 106:23

Sahingga Tumpu kinoniatmo da opateimo na mian anu palesayamo hi Ia, panyo tinewa'mo i Musa mian anu pinile'an-Nyomo aijo'. I Musa na nombisalai aha poti-potimbiha', sahingga Tumpu madi'mo pinusa.

MAZMUR 78:34

De Tumpu nompateimo pa' aha sangkuka na aha, sangga'at mompele-pele'mo ka' po'ule'mo balatobat hi Ia.

NOSABATMO 10:17

Ampuniakon mae na dosa'ku minsan uuka ka' do'akon mae hi Tumpu Allah nu belemiu, da po'ule' Nu ala na hukuman aiya hi belengku anu nonsilakaimo mae aiya.”

NOSABATMO 32:11

I Musa nongkakasemo hi Tumpu Allahnyo, ia notatae, “O Tumpu kadaka' Belento mombaumo sumo aijo' hi aha? Te misa' Belento nomposalamatmo aha lengkat mae i Mesir nu kakuasa'an ka' kahosonan anu daka'?

NOSABATMO 32:30

Dodododopnyo i Musa notataemo hi bansa aijo', “Belemiu nombaumo dosa' anu daka' hondo. Panyo uuka aiya aku po'ule'mo mindako i bungkutnyo aijo' mangadap hi Tumpu; o'amalakon mae da aku mohumpak ka'ampunan nu dosa' nu belemiu.”

NOSABATMO 8:28

I tomundo notataemo, “Ma'ima'mo, ku pobee'mo na belemiu mamba i padang bolaa monsombahkon koloban hi Tumpu, Tumpu Allah nu belemiu, asan belemiu boli mamba majo'on. O'inau do'akon mae na aku!”

NOSABATMO 8:4

Bahangkakak haha aijo' malalumpatan mompoliba'i beleyum, iwi-iwi' anu ko pangkatnyo ka' layat.' ”

NOSABATMO 8:8

I tomundo nolagamo i Musa ka' i Harun ka' nompoto'i “Balado'amo hi Tumpu da Nu alini na bahangkakak haha aiya sahingga ku pobee'je na bansa nu beleyum mamba monsombahkon koloban hi Tumpu.”

YESAYA 26:16

Belento nohukumo kami; i uno nu kasansala'an kami po ule'mo nompalesaya Belento, ka' binalado'amo hi belento, o, Tumpu.

YEREMIA 15:1

Tumpu notataemo mae hi belengku, “Aku madi'mo daagi' mongkalibosi bansa aiya, maumo ahi' i Musa tiba i Samuel tuminjomo i aiya momoita mae da Ku kalibosi na aha. Saimo na bansa aiya da mambamo, madi'mo Ku ka'ima'i na montoa aha!

YEREMIA 37:3

I Tomundo' Zedekia nompokaumo i Yukhal anak i Salemya, tiba i Imam Zepanya anak i Maaseya da momoita aku balado'a hi Tumpu bau kapentingan nu bansa.

HOSEA 5:15

Mian-Ku anu palesayamo Ku pala'imo sampe aha talalomo hondo sansala kalana iwi-iwi' na dosa'nu aha lantas aha molioje Aku. Ku gantang i unoje nu kasusa'an nu aha, aha pagalaje molio Aku.”

NOMBILANGMO 11:2

Mian haha aijo' lewa'mo noloboo' momoita tulung hi Musa. Lantas i Musa binalado'amo hi Tumpu, sahingga natemo na apu aijo'.

MATIUS 27:4

Ia notatae, “Aku binala dosa'mo, nongkabisa'imo mian anu madi' ko sala'nyo, sahingga Ia i hukum nate!” Panyo aha nontaami, “Kami madi paduli itina'? Aijo' ulusan miu!”

SISIKON NU TO RASUL-RASUL 8:24

Lantas i Simon notatae hi Petrus ka' hi Yohanes, “Tulungi pe'e poitakon hi Tumpu da madi' ko sa'angu' pe'e na anu tinaloakonmo nu to utu-utus aijo' jadi hi belengku.”

ROMA 10:1

To Utu-utus! Ku indi hondo da bansangku o posalamat. Ka' aku totu-totu'u mondo'akon aha hi Tumpu.

PO'ULE' INGULIT 9:20

Tumpu notambuha'mo hondo suele hi Harun, sahingga kahanda'mo Nu patei, panyo aku nondo'akonmo ia.

YAKOBUS 5:16

Kalana aijo', tionyo ahi' komiu mompaha aku-akui kasala'an ka' mompaha do'a-do'akon, da komiu opa'alin. Do'a nu anu montuluti pongka'oho' nu Tumpu, ko kuasanyo Anu Matangkas.

1 SAMUEL 15:24

Nohongo anu sumo aijo' i Saul nangakumohi Samuel, ia notatae, “Memang aku binaladosa'mo. Aku madi'mo nontuluti anu pinalentahkonmo nu Tumpu, ka' madi'mo nontuluti anu pinoto'imo nu belento Tuumangku, lantas ingii'kumo na poitaon nu aha.

1 SAMUEL 15:30

Tinaaman i Saul, “Binaladosa'mo na aku. Panyo tulungi mae kita Tuumangku, imbo' minsusule'mo hingga-hinggat tiba aku da aku monsombahmo Tumpu Allah nu belento Tuumangku. Tiba jalan anu sumo aijo' belento Tuumangku mongadatimo aku i ahop nu to pola-polaya' nu bansangku tiba mule' i ahop nu aha iwi-iwi' na mian nu Israel.”