NOMBILANGMO 21:6 - KITAB NU TUMPU ALLA LELE MA'IMAI'

⁶ Sahingga Tumpu nompotokamo mae ulo anu toto bisa-bisa' hi bansa aijo'. Manjoo' na aha mian nu Israel sinilaka binahe' nu ulo haha aijo'.

NOMBILANGMO 21:6 Iomraidhean Croise

YESAYA 14:29

O, belemiu bansa Filistin, amangkun anu pinake pinompan belemiu nopato'mo. Panyo boli beleyum lame' kalana de sa'angu na ulo matemo, saba ulo anu sangga'at mule' tokamo mae mombolosakon ka' lebe ma'idek mule' na pombaunyo ka' nggalau' nu ulo ai-aijo' mimoso'mo naga' anu mimpolipik.

YESAYA 30:6

Sumo uuka na potuunon nu Tumpu kona hi aha binatang-binatang anu jojoong i tano' sasu salatan, “Tomia-mian anu sinai aijo' nompaha posake'imo keledai tiba unta nu aha anu opalasenakon, lantas nololonga'mo daerah anu manjoo' hondo na anu okabuhuk kalana kajojoongan nu singa, ulo anu kobisa'nyo ka' mule' ulo anu kopolipiknyo. Palasen haha aijo' nu palasombahkon nu aha hi sa'angu' na bansa anu madi' moko ala montulungi aha.

YEREMIA 8:17

“Palahatikan!” na koonyo nu Tumpu. “Uuka aiya Ku saimo na ulo mamba atina' hi belemiu da monsa'u belemiu, ulo anu ko bisa'nyo anu madi' opoko ala opuuhi' nu ilimu'.”

YEHEZKIEL 14:15

Sahingga Ku potokamo mae na binatang anu toto maha-mahangas da monsa'u mian anu jojoong ilipu' aijo' sahingga daerah aijo' okabuhukmo hondo ka' madi' ko mian anu baani motulu ikiijo'.

1 KORINTUS 10:9

Kita madi' timbali monsoba-soba Tumpu, sumo anu binau nu sambagian aijo' hi aha naipuan mae, sahingga aha i nate binahe' nu ulo anu ko bisa'nyo.

PO'ULE' INGULIT 8:15

Tumpu nolaya' mae belemiu nongkua mae padang bola anu ewa ka' okabuhuk, ka' manjoo' na ulo anu ko bisa'nyo ka' ko beyua'nyo. I tano' anu mapeges madi' ko ueenyo Ia nompodaagi' uee mo'ili ka' i lubat mae i batu, da belemiu monginum singko-singko ma'osa.