NOMBILANGMO 20:8 - KITAB NU TUMPU ALLA LELE MA'IMAI'

⁸ “Ala na tokon anu kiijo' i ahop nu Peti' Palajanjian, lantas beleyum ka' i Harun tionyo ahi' momposihuk iwi-iwi' na mian. I ahop nu aha iwi-iwi', beleyum tionyo ahi' motatae hi bungkutnyo nu batu anu daagi' ikiijo' da molubatakon mae uee. Sumo aijo' na beleyum molubatakon mae uee i bungkutnyo nu batu aijo' da mian da'isan tiba potuu'on nu aha timbali monginum.”

NOMBILANGMO 20:8 Iomraidhean Croise

KAJADIAN 18:14

Te daagi' ko han anu madi' opoko ala nubau nu Tumpu? Susumo anu tinaloakon-Kumo u'uka daagi' osio' na bitu'on Aku po'ule'mo minsusule' mae aiya. Ka' tempo'nyo aijo' i Sara nohampeakonmo anak mo'ane.”

NEHEMIA 9:15

Salatan aha no ohopmo ka' kinadagi'anmo i anu okaan, roti lengkat mae i langit tinau'mo mae nu Belento. Ka' batu anu maboat hondo, mahoson ka' mokut aijo' pinompolubatanmo mae nu Belento, uee anu matombo' hondo da nongingkoti megot. Pinokaumo nu Belento na aha da jojoong i tano', anu jinanji'mo nu belento hi aha ka' binau akonmo sumpa'.

MAZMUR 105:41

Biniha'-Nyo na bungkutnyo nu batu sahingga tinolotimbimo mae na uee, anu no'ilimo susumo kaunyo i tampat padang anu mateges na tano'nyo.

MAZMUR 114:8

anu nombali'imo batu gahanggan da tinimbali talaga nu uee, ka' bungkutnyo nu batu tinimbalimo mata nu uee.

MAZMUR 33:9

Kalana Ia notatae, lantas iwi-iwi' pinotimbalimo Ia nompalentahmo, sahingga iwi-iwi' daagi'mo.

NOSABATMO 14:16

Hangkat na tokon nu beleyum ka' tangkakon mokiijo' i ambai. Da uee mobagimo ka' mian nu Israel timbalimo motulu i lananyo nu ambai anu noti-notiismo.

NOSABATMO 17:9

Notataemo na i Musa hi Yosua, “Pile'i to pia-piangkuka na mian anu timbali mahampate tiba mian nu Amelek. Dodop aku tuminjoje aita' i puge'nyo montoongi tokon anu pinokau nu Tumpu Allah oboa.”

NOSABATMO 4:17

Boa na tokon atina' kalana tiba tokon atina' beleyum timbalimo mombau anu okabangangi aijo'.”

NOSABATMO 4:2

Tumpu nompokilawamo hi Musa, “Apaa na atina' i lima nu beleyum?” Tinaaman i Musa, “Tokon”.

NOSABATMO 4:20

Lantas i Musa nonsale'imo bengkele'nyo ka' to ana-anaknyo ka' pinosake'mo na aha i keledai lantas aha nambamo hingga-hinggat nokiijo' i Mesir. Kalana palentah nu Tumpu, i Musa nomboa ahi' tokonnyo.

NOSABATMO 7:20

Apaa na anu pinalentahkonmo nu Tumpu, binaumo i Musa ka' i Harun. I ahop i tomundo ka' to pangka-pangkat anu mokalaja hi ia, i hangkatmo i Harun na tokonnyo ka' nonsapahi uee nu Kaunyo Nil, sahingga ueenyo nongabali'mo tinimbali baso'.

YESAYA 43:20

Binatang anu ma'ela' moholomatimo Aku; serigala tiba tomonsi' unta mompuji'mo Aku, kalana Aku nompojalanmo uee i padang tampat anu mateges, ka' kaunyo i padang tampat anu ewa, da bau pompo inumi mian anu pinile'an-Kumo.

YESAYA 48:21

Maumo ahi' Ia nompotiju'mo aha nontulu mae padang tampat anu kinunmo, aha madi' ahi' sinansala nu megot. Tumpu nombiha'mo bungkutnyo nu batu ka' nompolubatmo mae uee, lengkat mae aijo' ibatu pinolubat-Nyomo mae na uee bau kapalaluan nu aha.

NOMBILANGMO 20:11

Lantas i Musa nohangkatmo tokon aijo' ka' nonsapahi bungkutnyo nu batu aijo' pininduan. Sahingga i lubatmo mae na uee mabohos hondo, sahingga mian iwi-iwi' ka' potuu'on nu aha nonginumo.

NOMBILANGMO 20:7

Tumpu notataemo hi Musa,

NOMBILANGMO 21:15

ka' ampinyo, nu bangka'nyo haha aijo' anu sasu nokiijo' toka-toka i kampung Ar ka' mompatui potempasan nu aha da'erah mian nu Moab.”

NOMBILANGMO 21:18

Bubung anu kineke nu to tu'a-tu'anyo ka' to pola-polaya' nu bansa, kineke nu tokon nu kapalentahannyo ka' tiba tokon aijo' salaku tanda kakuasa'an nu aha.” Lengkat i padang bola aha nolalinmo namba i Matana,

MATIUS 21:21

“Totu'u” tinaaman i Yesus, “De komiu palesaya ka' madi' bata-bata, komiu timbali mombau apaa na anu Binaungkumo i kau' ara aiya. Ka' misa' ola aijo', aitu pe'e komiu timbali motatae i bungkutnyo aiya, ‘Talahangkat ka' tongalin mokaiyong i uno nu ambai’; saba' han aijo' tionyo timbali.

LUKAS 11:13

Mau mule' komiu ma'idek, komiu ahi' monsumbu' mombee' anu ma'ima' hi anakum. Apaa mule' Tuuma i suluga'! Ia mombee' Roh-Nyo hi aha anu momoita hi Ia!”

YOHANES 16:24

Sampe tempo' uuka komiu ma'isa toho' nompoita apa-apaa momboa sanggong-Ku. Poitamo, komiu tionyo mohumpak, da kalame'an miu ma'ima'.”

SISIKON NU TO RASUL-RASUL 1:14

iwi-iwi' saja' mosangaja' na kinyonyoa silimu' da balado'a. Aha balado'a tiba to bouboune, singkona i Maria tina i Yesus ka' tiba to utu-utus i Yesus.

YOSUA 6:20

Lantas pinuhanmo nu to ima-imam na tolompetnyo. Ka' salatan mian nu Israel haha aijo' nohongomo onyi' nu tolompet aijo' aha lewa'mo nolo'ais daka-daka', lantas pagan mesen nu kota Yerikho nohobo-hobo'mo. Iwi-iwi' na suludadu nu aha Israel balomo nompoliba'i ka' nompinsoopi kota aijo' ka' nahampate.

YOSUA 6:5

Lapas aijo' to ima-imam mompuhimo tolompetnyo ka' opomantanmo na mompuhi. Salatan beleyum mohongomo onyi'nyo anu pinomantanmo aijo' iwi-iwi' na suludadu aijo' lewa'mo molo'ais daka-daka', sahingga pagan mesen haha aijo' i kota; mohobo'mo. Lantas belemiu iwi-iwi' tionyo ahi' mompinsoopimo kota aijo'.”

ANU PINOTO'I HI YOHANES 22:1

Malaikat aijo' suele nompotoa hi belengku kaunyo anu ueenyo mombee'i kantumuu'an. Uee nu kaunyo aijo' jongkilaban sumo intan ka' mo'ili lengkat mae i kasungan nu Tumpu ka' Anak nu Domba aijo',

ANU PINOTO'I HI YOHANES 22:17

Roh nu Tumpu ka' Boting Boune aijo' notatae, “Imbo'mo!” Ihe na mian anu mohongo aiya, tionyo suele motatae, “Imbo'mo!” Ihe na anu megot, tionyo ia toka! Ka' ihe na anu mongkamilui, tionyo ia mongala uee anu mombee'i kantumuu'an aijo' madi' opai oli.