NOMBILANGMO 20:12 - KITAB NU TUMPU ALLA LELE MA'IMAI'

¹² Panyo Tumpu nompisala'imo i Musa ka' i Harun Ia notatae, “Kalana belemiu madi' talalo palesaya hi beleng-Ku momponyata', kuasang-Ku anu susi' hi bansa Israel, belemiu madi'mo molaya' aha minsoop i lipu' anu jinanji'-Kumo hi aha.”

NOMBILANGMO 20:12 Iomraidhean Croise

2 TAWARIKH 20:20

Dodododopnyo subu-subu hondo, mian da'isan nosabatmo ka' nambamo i da'erah padang mateges koko Tekoa. Salatan aha kahanda'mo mamba, pinotuunmo i Yosafat sumo uuka hi aha, “O mian da'isan Yehuda ka' Yerusalem! Opalesaya na Tumpu Allah nu belemiu, da belemiu moko ala mongewa. O hongo-hongo na pokinde' nu to nabi-nabi nu belemiu da belemiu mohumpak ka'untungan na mahampate!”

MAZMUR 106:32

I bubung iwi-iwi' kiijo' i Meriba aha nonsaduakonmo da Tumpu notambuha', ka' kalana gau' nu aha sahingga nomposusa'mo i Musa.

MAZMUR 99:8

O, Tumpu mami, Belento nontaamimo mae mian anu palesayamo hi Belento; Belento Tumpu anu mongka'oho' mongampuni aha. Maumo ahi' aha nuhukum nu Belento kalana kasala'an nu aha.

YESAYA 7:9

Israel madi' lebe mahoson molingkudui Samaria puso nu kota'nyo, ka' mule' Samaria madi' lebe mahoson molingkudui i Tomundo' Pekah. De belemiu madi' totu-totu'u palesaya hi beleng-Ku memang belemiu madi'mo moko ala totahan.”

YESAYA 8:13

Jaga mae kalana Aku, Tumpu Anu Daka' na Kuasanyo aijo' susi'.

YEHEZKIEL 20:41

Salatan belemiu Ku boamo mosabat lengkat mae i songko-songko na lipu' itampat pipinongga'a-ga'atakonanmo belemiu, Aku po ule'mo momposihuk belemiu ka' montalimamo iwi-iwi na koloban anu opotunu nu belemiu. Sahingga songko-songko na bansa monsumbu'je taalu' Akumo ahi aiya na Tumpu Anu Susi' hondo.

YEHEZKIEL 36:23

Ku potoamo na kasusi'an nu sanggong-Ku anu balakuasa aijo', sanggo anu ihumimi'anmo nu belemiu hi aha to bansa-bansa, sahingga nu sumbu'je nu aha taalu' Akumo ahi' na Tumpu. Aku, Tumpu Anu Matangkas na Kuasanyo notataemo. Ku pakemo na belemiu da momponyata' hi aha bansa-bansa taalu' Aku aiya susi'. Tumpu anu Susi' hondo.

YEHEZKIEL 38:10

Tumpu Anu Matangkas na Kuasanyo notataemo hi Gog, “Toka itempo'nyo aijo' beleyum batanga'mo mombau palabuatan anu ma'idek.

IMAMAT 10:3

Lantas i Musa notataemo hi Harun, “Aijo'mo na anu kokoonyo nu Tumpu tempo'nyo Ia notatae, 'Iwi-iwi' na anu mombau apaa na anu Ku poto'i tionyo ahi' mongadati kasusi'an-Ku. Aku mompotoamo katalasanggoan-Ku hi aha iwi-iwi' bansang-Ku.' ” Panyo i Harun ola nomohokot.

NOMBILANGMO 11:15

De Tumpu saja' mombau aku sumo aiya, paya'mo na aku; sahanyo pateimo mae na aku lia-lia' da aku madi'mo mongoa'i kasansala'an anu sumo aiya.”

NOMBILANGMO 20:24

“I Harun madi' timbali minsoop i lipu' anu jinanji'-Kumo hi bansa Israel; ia silakamo kalana belemiu atina' ohua' madi'mo nohongo-hongo palentang-Ku koko kiijo' mae i bulakan nu uee Meriba.

NOMBILANGMO 27:14

kalana i padang bola Zin belemiu ohu-ohua' madi'mo nohongo palentang-Ku. Tempo'nyo kiijo' i Meriba iwi-iwi' na mian nososonmo hi beleng-Ku, belemiu madi'mo mongka'oho' mompotoa kakuasa'an-Ku i ahop nu aha kalana uee aijo'.” (Han aijo' jinadi i mata nu uee Meriba kiijo' mae i Kades, i padang bola Zin.)

MATIUS 17:17

I Yesus nontaami, “Palias na komiu aiya! Komiu totu-totu'u to mia-mian anu palangues ka' madi' palesaya. Piangkuka na kopinnyo na Aku tionyo jojoong tiba komiu ka' monsabaanakon komiu? Boamae na anak aijo'!”

MATIUS 17:20

I Yesus nontaami, “Kalana komiu madi' talalo palesaya. O inau'! De komiu palesaya totu-totu'u kodaka'nyo sumo batu nu sasawi, komiu timbali motatae hi bungkutnyo aiya, ‘Polalin mokiijo' mae!’ tantu bungkutnyo aiya timbali molalin. Madi' ko sa'angu' pe'e na anu madi' opoko ala obau miu! [

LUKAS 1:20

Apaa na kutaloakon, tionyo tontimbali toka i tempo'nyo. Panyo kalana beleyum madi' palesaya, beleyum madi' moko ala basisik; beleyum tionyo momo' sampe apaa na anu tinaloakonku aijo' tontimbalimo.”

LUKAS 1:45

Kopi-kopianmo na beleyum, kalana palesaya, sabab apaa na anu tinaloakon nu Tumpu hi beleyum, atina' tionyo tondaagi'!”

YOHANES 1:17

Atulan nu Tumpu otalimanto hi Musa. Panyo liibos ka' kanonongan nu Tumpu pinonyata'-Nyomo hi Yesus Kristus.

ROMA 4:20

Ia tataap palesaya ka' madi' bata-bata i janji' nu Tumpu Allah. Ola o kalana palesayanyo nompotimbalimo ia da mompaka pahoson, sahingga ia saja' mompuji' Tumpu.

PO'ULE' INGULIT 1:37

Komiu suele no sabapimo. Tumpu pinusa hi belengku ka' no tatae, Musa beleyum suele madi' mopinsopi lipu' aijo.

PO'ULE' INGULIT 34:4

Lantas Tumpu notataemo hi Musa, “Aijo'mo na lipu' anu jinanji-Kumo hi Abraham, hi Ishak ka' hi Yakub da baumo anu nu lee' nu aha. Ku potoa hi beleyum Musa, panyo madi'mo ku pobee' na beleyum mamba mokiijo'.”

PO'ULE' INGULIT 4:21

Panyo Tumpu Allah nu belemiu nontambuha'imo aku kalana sinaduakon nu belemiu ka' Ia binasumpa'mo tukoonyo aku madi'mo motaap i Kaunyo nu Yordan ka' minsoop i tano' anu ma'omuk anu Nu bee'mo hi belemiu.

YOSUA 1:2

Tumpu notatae, “Posaihon-Ku i Musa sinilakamo. Jadi uuka aiya beleyum ka' iwi-iwi' na aha mian nu Israel pogogaumo da motaapmo mokiijo' i Kaunyo nu Yordan, ka' mompinsoopimo lipu' anu Ku bee'mo hi aha.

1 PETRUS 3:15

Panyo i uno nu kinyonyoa miu, tionyo ahi' belemiu mongadati i Kristus anu samata-mata opotoka hi Ia, anu sitimbang tiba kakuasa'an-Nyo salaku Tumpu. Ka' tionyo ahi' belemiu saja' mosadia bau potaam hi batu-batu mian anu mompokilawa mongkona anu otaha'imani nu belemiu, anu itina'mo hi belemiu.