NOMBILANGMO 20:11 - KITAB NU TUMPU ALLA LELE MA'IMAI'

¹¹ Lantas i Musa nohangkatmo tokon aijo' ka' nonsapahi bungkutnyo nu batu aijo' pininduan. Sahingga i lubatmo mae na uee mabohos hondo, sahingga mian iwi-iwi' ka' potuu'on nu aha nonginumo.

NOMBILANGMO 20:11 Iomraidhean Croise

1 TAWARIKH 15:13

Tempo'nyo Peti' aijo' palatamanyo i lalin, belemiu madi' ko anu i kiijo' da nomboa. Kalana aijo' Tumpu Allah-nto nohukummo kita kalana monsombah ia panyo madi' mombatuki pongka'oho'nyo.”

1 TAWARIKH 15:2

I Daud notatae “Ola mian nu Lewi na timbali mohangkat Peti' Palajanjian nu Tumpu, kalana ahamo na anu pinile'an nu Tumpu monsimbu Peti' aijo' ka' mongkalesang sampe toka sidu-sidutu'.”

MAZMUR 105:41

Biniha'-Nyo na bungkutnyo nu batu sahingga tinolotimbimo mae na uee, anu no'ilimo susumo kaunyo i tampat padang anu mateges na tano'nyo.

MAZMUR 114:8

anu nombali'imo batu gahanggan da tinimbali talaga nu uee, ka' bungkutnyo nu batu tinimbalimo mata nu uee.

MAZMUR 74:15

Belento nompotimbalimo da mata nu uee ka' kaunyo mo'ili; kaunyo anu daka' pinotimbalimo nu Belento da no'oti.

MAZMUR 78:15

Ia nombiha'mo bungkutnyo nu batu i tampat padang anu mateges, ka' pino'inumanmo na aha sampe nolabi-labimo.

MAZMUR 78:16

Batu sumo puge'nyo na kodaka'nyo pinokaunyomo da nonsabatakon uee, Lantas no'ilimo na uee susumo kaunyo.

MAZMUR 78:20

Memang Ia nonsapahimo bungkutnyo nu batu anu mokut hondo, sahingga uee no'ilimo mabohos hondo. Panyo Nupoko ala ahi' suele montoukai roti ka' mombee'i antok nu binatang hi mian anu palesayamo hi Ia?”

NOSABATMO 17:6

Aku tuminjoje i ahop nu beleyum aita' i batu anu daka' i Bungkutnyo nu Sinai. Sapahi na batu aijo' da uee mosabat sahingga to mia-mian timbalimo monginum.” I Musa nombaumo sumo aijo' sinakisian nu to pola-polaya' nu aha mian Israel.

YESAYA 43:19

Soba palahatikan, Aku mombaumo apaa na anu sala'je obau; uuka aiya tinampu'unanmo pa' ma'isa, o tinoa nu beleyum? Ku baumo na jalan i padang tampat anu mateges, ka' mule' kaunyo i padang tampat anu ewa.

YESAYA 48:21

Maumo ahi' Ia nompotiju'mo aha nontulu mae padang tampat anu kinunmo, aha madi' ahi' sinansala nu megot. Tumpu nombiha'mo bungkutnyo nu batu ka' nompolubatmo mae uee, lengkat mae aijo' ibatu pinolubat-Nyomo mae na uee bau kapalaluan nu aha.

HOSEA 13:5

Itano' anu mateges ka' mule' i padang anu ewa, Akumo na anu nonjagai belemiu.

IMAMAT 10:1

Daagi' kino sansinaan i Nadab ka' i Abihu, to ana-anak i Harun, nongalamo tampat pombauan nu aha apu toto samian ka' ingisianmo nu aha nu oba. Lantas inguna'anmo nu aha kamangian na apu aijo' ka' nonsombahkonmo hi Tumpu. Panyo apu aijo' anu madi' halala' kalana Tumpu madi' nompokau aha monsombahkon.

NOMBILANGMO 20:8

“Ala na tokon anu kiijo' i ahop nu Peti' Palajanjian, lantas beleyum ka' i Harun tionyo ahi' momposihuk iwi-iwi' na mian. I ahop nu aha iwi-iwi', beleyum tionyo ahi' motatae hi bungkutnyo nu batu anu daagi' ikiijo' da molubatakon mae uee. Sumo aijo' na beleyum molubatakon mae uee i bungkutnyo nu batu aijo' da mian da'isan tiba potuu'on nu aha timbali monginum.”

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

1 KORINTUS 10:4

ka' nonginum inumon nu Tumpu bubuu' pokakana. Aha iwi-iwi' nonginumo i bungkutnyo nu batu rohani anu nonsangaluimo aha; bungkutnyo nu batu aijo', atina'mo i Kristus.

PO'ULE' INGULIT 8:15

Tumpu nolaya' mae belemiu nongkua mae padang bola anu ewa ka' okabuhuk, ka' manjoo' na ulo anu ko bisa'nyo ka' ko beyua'nyo. I tano' anu mapeges madi' ko ueenyo Ia nompodaagi' uee mo'ili ka' i lubat mae i batu, da belemiu monginum singko-singko ma'osa.

YAKOBUS 1:20

Mian anu motambuha' madi' moko ala mombau anu ma'ima', anu momposanang kinyonyoa nu Tumpu.

TO MIA-MIAN KOPIAN 15:19

Sahingga binuka'mo nu Tumpu Allah na bolo' nu batu anu i bungkutnyo kiijo' i Lehi lantas nosabatmo mae na uee. I Simson nonginumo sahingga po'ule'mo nahoson Mokonyo aitu mata nu uee aijo' sinanggohanmo mata nu uee Hakor. Mata nu uee aiya daagi' kiijo' i Lehi.

1 SAMUEL 15:19

Kadaka' belento Tomundo' madi' nontuluti palentah nu Tumpu? Kadaka' belento Tomundo' binilahimo na nongala to langke-langke anu pinahuhuakon, ka'kalana aijo' belento Tomundo' nomposakitmo kinyonyoa nu Tumpu?”.

1 SAMUEL 15:24

Nohongo anu sumo aijo' i Saul nangakumohi Samuel, ia notatae, “Memang aku binaladosa'mo. Aku madi'mo nontuluti anu pinalentahkonmo nu Tumpu, ka' madi'mo nontuluti anu pinoto'imo nu belento Tuumangku, lantas ingii'kumo na poitaon nu aha.