NOMBILANGMO 19:21 - KITAB NU TUMPU ALLA LELE MA'IMAI'

²¹ Atulan aijo' opake sampe toka sidu-sidutu'. Mian anu mompipi'akon uee anu opake i atulan aijo' tionyo ahi' mombaso'i baju'nyo, ka' to mia-mian anu nukonamo nu uee aijo' mahumimi'mo suele sangkutnyo sinaa makakinsapmo.

NOMBILANGMO 19:21 Iomraidhean Croise

NOSABATMO 27:21

I Harun ka' to ana-anaknyo na tionyo saja' mompokopiani sulu' haha aijo' salatan mamalomo toka-toka daagi' subu i tampat kajojoongan-Ku, i sambiha'nyo nu hude anu pinokalayo' sasu ahopnyo nu Peti' Palajanjian. Palentah aijo' tionyo ahi' obau sampetoka sidu-sidutu' nu aha mian Israel ka' iwi-iwi' lee'nyo nu aha.”

IMAMAT 11:40

Mian anu momboa kabai mongkaan bangke' aijo' tionyo ahi' mombaso'i baju'nyo, panyo ia tataap sabole-bole mahumimi' sangkutnyo sinaa makakinsapmo.

NOMBILANGMO 18:23

Otampu'uni uuka aiya ola aha mian nu Lewi na timbali mongkalesang Kemah-Ku ka' anu montanggungi hondo pakalaja'an aijo'. Atulan aijo' opake suele hi lee' nu belemiu sampe toka sidu-sidutu'. Aha mian nu Lewi madi' ko pombagian apa-apaa i Israel,

NOMBILANGMO 19:10

Mian anu molimu' abu' nu sapi' aijo' tionyo ahi' mombaso'i baju'nyo, panyo ia mahumimi' sangkutnyo sinaa makakinsapmo. Atulan aijo' opake sampe toka sidu-sidutu', mau kona hi aha mian nu Israel maumo suele hi aha mian anu lengkat mae i salipu'an anu jinojoongmo tataap hi aha.

NOMBILANGMO 19:7

Lapas aijo' imam tionyo ahi' mombaso'imo baju'nyo ka' mindii'mo, lapas aijo' ia timbalimo minsoop i kemah, panyo ia daagi' mahumimi' sangkutnyo sinaa makakinsapmo.

NOMBILANGMO 19:8

Mian anu nompotunu sapi' aijo' suele tionyo ahi' mombaso'i baju'nyo ka' mindii'mo, ia suele daagi' mahumimi' sangkutnyo sinaa makakinsapmo.

IBRANI 10:4

kalana memang baso' nu sapi' ka' baso' nu mee' lakinyo madi' moko ala mongalini dosa'.

IBRANI 7:19

Atulan nu agama Yahudi madi' moko ala mombau apa-apaa da timbali ma'ima'. Aijo' na sababnyo kita uuka aiya binee'anmo anu timbali otaha'imani anu lebe ma'ima'; tiba jalan aijo' kita moko alamo ohani hi Tumpu.

IBRANI 9:10

Kalana hahan anu obau aijo' ola otalima de anu o kaan, o inum, ka' ngangahan nu han anu bau pomposusi'. Iwi-iwi' ola atulan nu dunia anu opake ola sampe de tokamo na tempo'nyo Tumpu Allah mombali'imo atulan anu bu'ou.