NOMBILANGMO 19:19 - KITAB NU TUMPU ALLA LELE MA'IMAI'

¹⁹ Ia tionyo ahi' mompipi'i i sinaa ko itolunnyo ka' ko ipitunnyo. I sinaa ko ipitunnyo aijo' lapasmo na atulannyo momposusi' mian anu nahumimi'mo aijo'. Mian aijo' tionyo ahi' mombaso'imo baju'nyo ka' mindii'mo. Mulai sinaa makakinsapmo ia belesi'mo.

NOMBILANGMO 19:19 Iomraidhean Croise

KAJADIAN 2:2

Sinaa anu ko popitu'nyo Tumpu Allah nompomingkotmo kalaja-Nyo aijo', lantas Ia nilawemo.

NOSABATMO 19:10

Uuka aiya lako'mo singkaboti na mian haha aijo', ka' pokau na aha sinaa aiya ka' dodop momposadiamo butong da monsombahmo mae. Aha tionyo ahi' mombaso'i hude nu aha.

YEHEZKIEL 36:25

Lapas aijo' belemiu Ku pipi'mo nu uee anu molino hondo da belemiu belesi'mo madi'mo ko pilogotnyo ka' mule' iwi-iwi' anu nohumimi'imo belemiu.

IMAMAT 14:7

Imam mompipi'akon baso' nu tomonsi' aijo' pimpitun hi mian anu na'alinmo, ka' mompoto'i ia aijo' binelesi'mo. Lantas tomonsi' anu daagi' tumuu' tionyo ahi' opolapas i padang.

IMAMAT 14:9

I sinaa ko ipitunnyo ia tionyo ahi' mongkismo ubaknyo iwi-iwi', ka' jangkutnyo, bangkulangnyo ka' iwi-iwi' na bulu nu butongnyo. Lantas ia tionyo ahi' mombaso'i baju'nyo ka' mindii' lapas aijo' atina'je ka' ia belesi'mo.

NOMBILANGMO 19:12

I sinaa ko itolunnyo ka' ko ipitunnyomo ia tionyo ahi' momposusi'mo butongnyo nu uee anu opake momposusi', atina'je ka' ia belesi'mo. Panyo de toka i sinaa ko itolunnyo ka' ko ipitunnyo ia madi' mompobelesi butongnyo, ia tataap mahumimi'.

NOMBILANGMO 19:13

Mian anu monsala' kanyangmo anu sinilakamo ka' madi' momposusi' butongnyo aijo' mahumimi'mo, kalana ia ma'isa dinudu'an nu uee anu momposusi'. Ia mohumimi'imo Kemah nu Tumpu kalana aijo' ia madi'mo daagi' oposoop mian anu pinalesayamo hi Tumpu Allah.

NOMBILANGMO 19:18

Han anu momona aijo'mo de daagi' ko mian anu silaka i uno nu kemah, mian anu madi' mahumimi' tionyo ahi' mongala sampanga' na hisop ka' olobongakon i uee aijo', lantas opipi'akon i kemah ka' iwi-iwi' na apaa anu daagi' kiijo' i unonyo, ka' suele to mia-mian anu ikiijo'. Han anu ko ohua'nyo aijo'mo de ihehe na mian anu monsala' kanyangmo anu sinilakamo, kubulan kabai buku nu mian anu sinilakamo, mian anu madi' mahumimi' na tionyo ahi' mompipi'i mian anu nahumimi'mo aijo', tiba jalan suele sumo aijo'.

NOMBILANGMO 31:19

Ka' belemiu iwi-iwi' anu nompateimo mian kabai nongkanyangmo anu sinilakamo tionyo ahi' jojoongmo i sambiha' nu kemah pitun sinaa na kopinnyo. I sinaa ko itolunnyo ka' ko ipitunnyo belemiu ka' iwi-iwi' na to bou-boune anu i hakopmo ka' binoamo mae nu belemiu aijo' tionyo ahi' mombau atulannyo pomposusi' butong.

NOMBILANGMO 31:24

I sinaa ko ipitunnyo belemiu tionyo ahi' mombaso'imo baju' nu belemiu atina'je ka' belemiu madi'mo mahumimi' ka' timbalimo minsoop i kemah.”

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

IBRANI 10:22

Kalana aijo', imbo' da kita mongohanimo Tumpu ka' kinyonyoanto hodi'mo ka' palesayamo totu-totu'u; ka' kinyonyoanto anu pinosusi'mo ka' madi'mo ko kasala'an o oa'i, ka' butongto pinobelesi'mo nu uee anu molino.

1 YOHANES 1:7

Panyo de kita tumuu'mo i uno nu jingka susumo Tumpu i uno nu jingka, saba' kita suele ahi' tumuu' sambukumo, mompaha dame-damemo samian ka' samian, ka' baso' i Yesus, Anak-Nyo, na mompolomasmo dosa'to iwi-iwi'.

YUDAS 1:23

O hela' mae na mian aijo' i uno nu apu ka' osabatakon da oposalamat na aha. Kona hi to mia-mian sangga'at tionyo ahi' komiu mompotoa kalibosan ka' okabuhuk ahi', panyo oka'ideki ahi' mau pe'e ola baju' nu aha anu i henyuanmo nu anu nu nu kamilui nu aha, anu moko baladosa' aijo'.