NOMBILANGMO 19:18 - KITAB NU TUMPU ALLA LELE MA'IMAI'

¹⁸ Han anu momona aijo'mo de daagi' ko mian anu silaka i uno nu kemah, mian anu madi' mahumimi' tionyo ahi' mongala sampanga' na hisop ka' olobongakon i uee aijo', lantas opipi'akon i kemah ka' iwi-iwi' na apaa anu daagi' kiijo' i unonyo, ka' suele to mia-mian anu ikiijo'. Han anu ko ohua'nyo aijo'mo de ihehe na mian anu monsala' kanyangmo anu sinilakamo, kubulan kabai buku nu mian anu sinilakamo, mian anu madi' mahumimi' na tionyo ahi' mompipi'i mian anu nahumimi'mo aijo', tiba jalan suele sumo aijo'.

NOMBILANGMO 19:18 Iomraidhean Croise

MAZMUR 51:7

Memang, ma'idek na kinyonyoangku salatanmo pe'e aku pinohampe, ka' binaladosa'mo salatanmo pe'e i uno nu ma'alum.

MAZMUR 51:9

Posusi'akon mae na aku da aku belesi'mo; baso'i mae na aku, da ku lingkuduimo na kopute'nyo nu kabu-kabu.

YESAYA 52:15

Panyo uuka aiya manjoo' na bansa nongkabangangimo, to tomu-tomundo' madi'mo noko ala notatae kalana binangangmo. Aha saidi' mae montoaje ka' mangalati'mo apaa na anu momonanyo mae ma'isa ahi' sinumbu' nu aha.”

NOMBILANGMO 19:17

Bau pomposusi' mian anu nahumimi'mo aijo', tionyo ahi' mongala sangkiding abu' nu sapi' momea' behenyo anu pinotunumo da bau pongalini dosa'. Abu' aijo' tionyo ahi' opo'isi i sa'angu' na kuhon lantas o isi nu uee anu o ala i uee anu mo'ili.

NOMBILANGMO 19:19

Ia tionyo ahi' mompipi'i i sinaa ko itolunnyo ka' ko ipitunnyo. I sinaa ko ipitunnyo aijo' lapasmo na atulannyo momposusi' mian anu nahumimi'mo aijo'. Mian aijo' tionyo ahi' mombaso'imo baju'nyo ka' mindii'mo. Mulai sinaa makakinsapmo ia belesi'mo.

NOMBILANGMO 19:9

Lantas ihehe na anu madi' mahumimi' tionyo ahi' molimu' abu' nu sapi' aijo' ka' mompo'una' i tampat anu lomas i sambiha' nu kemah. Abu' aijo' opo'una' ikiijo' da aha mian nu Israel timbali mongala da bau ponggalo'i uee anu opake i adat momposusi' bau pongalini dosa'.

YOHANES 17:17

Potimbali na aha matungka' kita Tuuma na tumpunyo, aijo' nyata' i kahondoan; potatae nu kita Tuuma aijo'mo na kahondoan.

YOHANES 17:19

Bau kapalaluan nu aha, Aku mombee' butong-Ku da osumbu' ahi', taalu' kita Tuuma na tumpunyo, da aha suele timbali matungka' kita Tuuma na tumpunyo, aijo' nyata' i hahan anu hondo.

1 KORINTUS 1:30

Posi Tumpu na nompotimbali sahingga kita Utus nosa'angu' tiba i Kristus Yesus. Ola kalana i Kristus, sahingga kita pinotimbali pande. Ka' mule' ola kalana Ia, Tumpu nompotimbalimo kita po'ule' nompaha ima' tiba butong-Nyo, nompotimbali kita samata-mata mian-Nyo anu palesayamo, ka' nompobebas kita.

IBRANI 9:14

Yo, de baso' tiba abu'nyo aijo' moko ala mompobelesi kahenyuan nu to mia-mian, apaa mule' baso' i Kristus. Kalana kuasa nu Roh anu sampe toka sidu-sidutu', i Kristus nonsombahkonmo posi butong-Nyo hi Tumpu salaku koloban anu ma'ima'. Baso'-Nyo mompobelesi kinyonyoanto da bolimo mombau atulan nu agama anu madi' kogunanyo, da kita timbali mombau palentah nu Tumpu anu tumuu'.

IBRANI 9:19

Momonanyo i Musa nompoto'i iwi-iwi' na palentah atulan nu Tumpu hi bansa Israel. Lapas aijo' i Musa nongalamo baso' nu anak nu sapi' ka' baso' nu mee' mo'anenyo, lantas ginalo'annyomo nu uee, lapas aijo' pinipi'akonnyomo i Kitab nu Atulan anu lengkat mae hi Tumpu ka' hi iwi-iwi' na bansa Israel mompake hemput hisop ka' bulu nu domba buhitnyo momea' hondo na bau pompipi'akon.