NOMBILANGMO 19:13 - KITAB NU TUMPU ALLA LELE MA'IMAI'

¹³ Mian anu monsala' kanyangmo anu sinilakamo ka' madi' momposusi' butongnyo aijo' mahumimi'mo, kalana ia ma'isa dinudu'an nu uee anu momposusi'. Ia mohumimi'imo Kemah nu Tumpu kalana aijo' ia madi'mo daagi' oposoop mian anu pinalesayamo hi Tumpu Allah.

NOMBILANGMO 19:13 Iomraidhean Croise

NOSABATMO 30:33

Mian anu mombau lanya' susumo aijo' kabai anu mompake misa' imam, madi'mo timbali minsoop mian anu pinalesayamo hi beleng-Ku.”

AMSAL 14:32

Mian anu ma'idek na kinyonyoanyo mohumpak kabinasa'an kalana palabuatannyo anu ma'idek; panyo mian anu manonong madi' opoposia kalana hodi' na kinyonyoanyo.

YEHEZKIEL 44:26

De ia po ule'mo belesi', ia tionyo daagi' po ule' montanda'i pitunsinaa,

IMAMAT 15:31

Tumpu nompokaumo i Musa mompo'ingat bansa Israel da sabole-bole monginau' hipian na aha mahumimi' ka' hipian na aha madi'mo mahumimi', da aha madi' mohumimi'i Kemah nu Tumpu anu aijo' i totonga' nu kemah nu aha. De aha mohumimi'i Kemah aijo', aha silakamo.

IMAMAT 20:3

Mian anu mongkolobanakon anaknyo hi Molokh, mohumimi'imo Kemah-Ku ka' mongambangimo sanggong-Ku anu susi'. Ia Ku hukumo ka' madi'mo daagi' Ku posoop mian anu pinalesayamo hi beleng-Ku.

IMAMAT 22:3

De samian na lee' nu beleyum anu nahumimi'mo ka' mongohanimo palasombahan anu susi' anu samata-mata nubee' nu bansa Israel hi beleng-Ku, ia madi'mo timbali mombau kalaja apa-apaa i mezbah. Atulan aijo' opake sampe toka sidu-sidutu'. Akumo na Tumpu.

IMAMAT 22:4

Samian na lee' i Harun anu kinonamo nu panyakit kilit anu monsilakai kabai sakit anu kiijo' i ka'ambangan sahingga ko anumo mae lumene, opoliwa' na mongkaan palasombahan anu susi', de ia ma'isa pe'e opoto'i belesi'. Samian na imam nahumimi'mo de ia monsala' kanyangmo anu mahumimi' kalana nonsala' toongimo mayat. Ia suele mahumimi'mo de mosabatmo na hamane'nyo,

IMAMAT 5:17

De daagi' ko mian madi' nontonggolakon nombaumo dosa', panyo nolanggaimo sala'sa'angu' na palentah nu Tumpu, mian aijo' sinala'mo ka' tionyo ahi' montanggungmo kasala'annyo.

IMAMAT 5:3

De daagi' ko mian anu sinala'mo kalana madi' nontotonggolakon nongkanyangmo anu mahumimi', anu lengkat mae hi manusia, ka' lapas mae sininsumbu'je apaa na anu binaunyomo.

IMAMAT 5:6

Ka' bau pontobus dosa'nyo, ia tionyo ahi' momboa sa'angu' na domba kabai mee' behenyo osombahkon hi Tumpu. Imam tionyo ahi' monsombahkon koloban aijo' da dosa' nu mian aijo' o ampuni.

IMAMAT 7:20

De mian mongkaan antoknyo aijo' hau-haunyo ia mahumimi' ia madi'mo oposoop mian anu pinalesayamo hi Tumpu Allah.

IMAMAT 7:21

De ko mian mongkaan antoknyo nu koloban aijo' padahan ia nongkanyangmo anu mahumimi', mau anu lengkat hi manusia mau pe'e lengkat i binatang, ia suele madi'mo oposoop mian anu pinalesayamo hi Tumpu Allah.

NOMBILANGMO 15:30

Panyo de aha mian Israel kabai mian anu lengkat mae i salipu'an ototonggolakonmo na mombau dosa' ia monteemo Tumpu. Mian aijo' tionyo ahi' o hukumo mate,

NOMBILANGMO 19:14

De ihehe na silaka i uno nu sa'angu' na kemah, mau mule' pa' ihe na anu daagi' i uno nu kemah aijo' kabai minsoop i unonyo, mahumimi'mo pitun sinaa na kopinnyo.

NOMBILANGMO 19:18

Han anu momona aijo'mo de daagi' ko mian anu silaka i uno nu kemah, mian anu madi' mahumimi' tionyo ahi' mongala sampanga' na hisop ka' olobongakon i uee aijo', lantas opipi'akon i kemah ka' iwi-iwi' na apaa anu daagi' kiijo' i unonyo, ka' suele to mia-mian anu ikiijo'. Han anu ko ohua'nyo aijo'mo de ihehe na mian anu monsala' kanyangmo anu sinilakamo, kubulan kabai buku nu mian anu sinilakamo, mian anu madi' mahumimi' na tionyo ahi' mompipi'i mian anu nahumimi'mo aijo', tiba jalan suele sumo aijo'.

NOMBILANGMO 19:19

Ia tionyo ahi' mompipi'i i sinaa ko itolunnyo ka' ko ipitunnyo. I sinaa ko ipitunnyo aijo' lapasmo na atulannyo momposusi' mian anu nahumimi'mo aijo'. Mian aijo' tionyo ahi' mombaso'imo baju'nyo ka' mindii'mo. Mulai sinaa makakinsapmo ia belesi'mo.

NOMBILANGMO 19:20

Mian anu nahumimi'mo panyo madi' mombau atulannyo pomposusi' butong tataap mahumimi' kalana ma'isa dinudu'an nu uee anu bau pomposusi'. Ia mohumimi'imo Kemah nu Tumpu ka' madi'mo oposoop mian anu pinalesayamo hi Tumpu Allah.

NOMBILANGMO 19:9

Lantas ihehe na anu madi' mahumimi' tionyo ahi' molimu' abu' nu sapi' aijo' ka' mompo'una' i tampat anu lomas i sambiha' nu kemah. Abu' aijo' opo'una' ikiijo' da aha mian nu Israel timbali mongala da bau ponggalo'i uee anu opake i adat momposusi' bau pongalini dosa'.

NOMBILANGMO 8:7

sumo uuka na mombau: Paha pipi' na aha nu uee anu bau pomposusi' ka' pokau na aha mongkis songko-songko na butong ka' mombaso'i butong nu aha. Tiba jalan sumo aijo' aha belesi'mo.

NOMBILANGMO 9:13

Panyo mule' anu madi' mahumimi' ka' anu madi' i uno nu lumambanan padahan madi'mo molame'akon Paskah, madi'mo Ku posoop mian anu pinalesayamo hi beleng-Ku kalana ia madi'mo nonsombahkon koloban hi beleng-Ku i tempo' anu tinantukanmo. Mian aijo' tionyo ahi' montanggungmo dosa'nyo.

YOHANES 8:24

Mokonyo aijo', Aku notatae hi komiu tukoong-Ku, komiu mateje i uno nu dosa-dosa' miu. Ka' memang mateje i uno nu dosa-dosa' miu, de madi' mompalesaya ‘Akumo na Ia, anu osa-osanggohi AKU DAAGI'.’ ”

IBRANI 10:29

Palias na koboatnyo na hukuman anu opokona hi mian anu talalomo monguesani Anak nu Tumpu. Mian aijo' monsangka madi' ko angga'nyo na baso' nu palajanjian nu Tumpu, aijo'mo i Kristus sinilaka da mompobelesi' dosa'nyo. Ia madi' mongangga'i Roh anu momombee'i balakat.

IBRANI 9:10

Kalana hahan anu obau aijo' ola otalima de anu o kaan, o inum, ka' ngangahan nu han anu bau pomposusi'. Iwi-iwi' ola atulan nu dunia anu opake ola sampe de tokamo na tempo'nyo Tumpu Allah mombali'imo atulan anu bu'ou.

ANU PINOTO'I HI YOHANES 21:8

Panyo mian anu madi' sabaan, geguan, mian anu palaganta pampatei, mian masala', mian anu ko ajimat, monsombah pilogot, ka' iwi-iwi' na anu baleko' o'alin i uno nu apu anu sumo ndalangon ka' belelang anu lewa' moak, aijo'mo na kapatean anu kopinduannyo.”

ANU PINOTO'I HI YOHANES 22:11

Mian anu ma'idek, bakasmo da saja' mombau anu ma'idek; mian anu mahenyu, bakasmo da mahenyu na butongnyo; mian anu mombatuki pongka'oho' nu Tumpu, bakasmo da saja' mombatuki pongka'oho' nu Tumpu, ka' mian anu tumuu' samata-mata hi Tumpu, bakasmo da saja' tumuu' hi Tumpu.”

ANU PINOTO'I HI YOHANES 22:15

Panyo to mia-mian anu mombau han anu mahumimi', anu mompake to aji-ajimat, to mia-mian anu mombau to kala-kalakuan masala'; anu mompatei, anu monsombah pilogot, ka' to mia-mian anu baleko', mau anu otaloakon, mau apa-apaa na palabuatan ma'idek, iwi-iwi' na mian aijo' tampatnyo i sambiha' nu kota aijo'.