NOMBILANGMO 18:8 - KITAB NU TUMPU ALLA LELE MA'IMAI'

⁸ Tumpu notataemo hi Harun, “O'inau'! Iwi-iwi' na anu sinombahkonmo samata-mata hi beleng-Ku anu madi' pinotunu belemiu na tumpunyo. Aijo'mo na bagi miu anu tinantukanmo sampe toka sidu-sidutu'. Aijo' Ku bee'mo hi belemiu ka' hi lee' nu belemiu.

NOMBILANGMO 18:8 Iomraidhean Croise

2 TOMU-TOMUNDO' 12:16

Doi nu koloban anu bau pombolosi kalugi'an ka' koloban pongampuni dosa', madi' oposoop i peti' ise-ise' aijo'. Doi aijo' obee' hi to ima-imam.

2 TAWARIKH 31:4

Ka' mule' i tomundo nompalentahmo da mian anu jojoong i Yerusalem momboa mae anu osombahkon, anu tinantukanmo bau bagi nu to ima-imam ka' aha mian nu Lewi, da aha timbali mokalaja totu-totu'u mongatun kalaja i Lagian nu Tumpu susumo anu tinulismo i uno nu atulan nu Tumpu.

2 TAWARIKH 31:5

Kalana palentah aijo' binebakonmo, mian nu Israel nomboamo mae i Laigan nu Tumpu apa-apaa na anu binee'mo nu aha aijo'mo isi nu ale' nu aha anu momona ingala, aijo'mo: labu, anggur, lanya' nu zaitun, juu' nu uwani', ka' isi nu ale' sangga'at. Ka' mule' aha suele nomboamo mae sambagian anu ingala i sampulu' na bagian na halata' nu aha.

NOSABATMO 28:43

Saluan aijo' tionyo ahi' saja' opusok nu aha de aha minsoopmo i Kemah-Ku kabai mongohanimo mezbah monsombahmo mae salaku imam i Salipi' Susi', da aha madi' silaka kalana kantoanmo na butong nu aha anu madi' pantas otoa. Atulan aijo' saja' nupake i Harun ka' hi to lelee'nyo.”

NOSABATMO 29:21

Ala sangkiding na baso' anu aita' i mezbah ka' sangkiding na lanya' anu opake de mombalakati, lantas pipi' na i Harun ka' to ana-anaknyo tiba baju' nu aha. Tiba jalan anu sumo aijo' i Harun tiba to ana-anaknyo tiba baju' nu aha opakemo mokalaja samata-mata hi beleng-Ku.

NOSABATMO 29:28

Aiyamo na anu tinantukan-Kumo anu madi' timbali obabali'i; De tokamo na mian anu pinalesayamo hi beleng-Ku monsombahkonmo koloban bau pompodame, saha'an ka' pa'a nu potuu'on aijo' bau bahagian nu to ima-imam. Aijo'mo na anu osombahkon nu mian anu pinalesayamo hi beleng-Ku da bau baging-Ku.

NOSABATMO 29:29

Baju' anu nupake i Harun de monsombahmo baumo buden nu to ana-anaknyo, da timbali nupusok nu aha de aha obalakatimo.

NOSABATMO 40:13

Popusok na baju' nu imam hi Harun, ka' opipi'imo nu lanya' na ia da ia mokalaja samata-mata hi beleng-Ku salaku imam.

NOSABATMO 40:15

Lantas opipi'i nu lanya' na aha susumo beleyum mompipi'imo nu lanya' tuuma nu aha, da aha suele mokalajamo hi beleng-Ku salaku imam. Tiba jalan mompipi'i nu lanya' aijo' tulunan nu bansa nu aha molundu-lundu na lee' nu aha saja' montoongi pangkat imam.”

YESAYA 10:27

Tempo'nyo aijo' Ku pobebasmo na belemiu da bolimo lewa' nu bee'i nu aha palentah Asyur anu saja' mombee'i palentah monsakisa, ka' aha madi'mo daagi' balakuasa mompalentah belemiu.”

IMAMAT 21:10

Imam Daka' binalakatanmo, ia dinudu'anmo nu lanya' anu bau pombalakati i ubaknyo ka' nompopusokmo baju' nu imam daka' hi ia. Kalana aijo' ia madi'mo timbali mompojohok ubaknyo tapuhakak kabai mombeakmo baju'nyo salaku tanda sinusa'mo kalana ko anumo sinilaka.

IMAMAT 23:20

Roti ka' ohua' na anak nu domba aijo' tionyo ahi' osombahkon nu imam salaku palasombahan anu obee' hi Tumpu, ka' aijo' baumo bagi' nu imam. Palasombahan haha aijo' susi'.

IMAMAT 6:16

Labinyo nu labu tionyo ahi' obaumo roti anu madi' ko raginyo ka' okaan nu to ima-imam i tampat anu samata-mata bau pongkaanan, aijo'mo i natan nu Kemah nu Tumpu. Aijo'mo na bagi nu to ima-imam anu binee'mo nu Tumpu hi aha anu ingala i koloban kaanon. Kaanon aijo' susi' hondo, sumomo koloban anu bau pongampuni dosa' ka' koloban bau polugi'i.

IMAMAT 6:18

Sampe toka sidu-sidutu' batu-batu mo'ane lee' i Harun timbali mongkaan roti aijo', aijo'mo na bagi nu aha anu saja' o ala i kaanon anu osombahkon hi Tumpu. Mian sangga'at anu sala' mongkanyang kaanon anu kinolobanakonmo aijo' mohumpak balaa' kalana mahoson hondo na kasusi'annyo.

IMAMAT 6:20

mongkona koloban de mombalakatimo samian na imam lee' i Harun. Sinaa ia obalakatimo ia tionyo ahi' monsombahkon sa'angu' na kilogram labu nu gandum hi Tumpu. Sambahagian tionyo ahi' osombahkon daagi' subu ka' labinyo mule' mamalom.

IMAMAT 6:26

Imam anu monsombahkon koloban aijo' tionyo ahi' mongkaan i tampat anu samata-mata bau pongkaanan, aijo'mo i natan nu Kemah nu Tumpu.

IMAMAT 7:14

Toto sangahan na roti sambahagian na tionyo ahi' osombahkon hi Tumpu ka' aijo' anumo nu imam anu nongala baso' nu binatang aijo' ka' nondudu'akon i mezbah bau koloban pompodame.

IMAMAT 7:28

Tumpu nombee'mo hi Musa atulan haha aiya,

IMAMAT 7:6

Batu-batu mo'ane anu i uno nu auwan nu to ima-imam timbali mongkaan antoknyo nu koloban aijo' panyo aha tionyo ahi' mongkaan i tampat anu samata-mata bau pongkaanan, kalana koloban aijo' susi' hondo.

IMAMAT 8:30

Lapas aijo' i Musa nongalamo sambagian na lanya' anu opake' mombalakati ka' sambagian na baso' anu aijo' i mezbah lantas pinipi'akonnyomo hi Harun ka' i to ana-anaknyo tiba baju' nu aha. Tiba jalan anu sumo aijo' i Musa nompotantumo aha ka' baju' nu aha samata-mata anumo nu Tumpu.

NOMBILANGMO 18:9

Palasombahan-palasombahan anu talalo susi' hondo ka' anu madi' pinotunu i mezbah, aijo'mo na anu nu belemiu: Koloban kaanon, koloban pongampuni dosa' ka' koloban bau pombolosi kalugi'an. Iwi-iwi' aijo', palasombahan susi' anu baumo bagi nu belemiu ka' bagi nu to ana-anak nu belemiu.

NOMBILANGMO 5:9

Maumo pa' apaa na anu nu sombahkon nu aha mian Israel hi Tumpu, palasombahan aijo' memang baumo bagi nu imam anu nontalima apaa na anu sinombahkonmo aijo'.

1 KORINTUS 9:13

Kita Utus tantu monsumbu' saba' te mian anu mokalaja i Laigan nu Tumpu mohumpak kaanon nu aha lengkat i Laigan nu Tumpu. Ka' to mia-mian anu mongkalesang tampat nu ponsombahkonan koloban, mohumpak sambagian koloban anu osombahkon i kiijo'.

PO'ULE' INGULIT 12:11

Lapas aijo' Tumpu Allah nu belemiu mompile'imo sa'angu' na tampat da tionyo ahi' ponsomban Ia. Ikiijo' na tionyo ahi' kalambanan nu belemiu momboa iwi-iwi' apaa na anu pinalentahkonmo, aijo'mo koloban anu opotunu ka' to kolo-koloban sangga'at, palasombahan sambagian anu o ala i anu sampulu' na bagian ka' palasombahan bau samata-mata bagi nu Tumpu anu jinanji'mo miu.

PO'ULE' INGULIT 12:6

I tampatmo aijo' na tionyo ahi' pomboan nu belemiu to kolo-koloban anu opotunu ka' to kolo-koloban sangga'at, anu osombahkon nu belemiu sambagian o ala i anu sampulu' na bagian tiba iwi-iwi' na anu osombahkon sangga'at, koloban bau pombayan anu jinanji'mo nu belemiu, koloban kasanangan nu kinyonyoa miu ka' anak nu sapi' ka' mee' ka' domba nu belemiu anu momona pino'anaknyo.

PO'ULE' INGULIT 18:1

“Iwi-iwi' na tulunan nu bansa Lewi binee'anmo kalaja timbali imam, kalana aijo' madi' timbali mohumpak pombagian tano' i Israel. Pontumuu' nu aha aijo'mo palasombahan-palasombahan ka' anu okolobanakon sangga'at anu obee' hi Tumpu.

PO'ULE' INGULIT 26:13

motataemo hi Tumpu Allah nu belemiu, ‘Sambagian anu o ala i sampulu' na bagian na isi nu ale', na anu tionyo ahi' osombahkon hi belento, Tumpu, madi'mo ko anu kiijo' i laiganku mau pe'e ola sangkiding; iwi-iwi' binee'kumo hi aha mian nu Lewi, mian anu lengkat mae i salipu'an, anak anu madi'mo ko tuuma ka' tinanyo, ka' anu binalumo susumo anu pinalentahkonmo nu Tumpu Allah-ngku hi belengku. Palentah nu Tumpu mongkona palasombahan, sambagian o ala i sampulu' na bagian, madi' ko anu madi' binaungku.

IBRANI 1:9

Belento mongka'ima'i ka'adilan ka' mongka'ideki anu tageo; mokonyo aijo' Tumpu, Tumpu nu Belento, nompile'imo Belento ka' nombee'imo Belento da o'adati anu mompodaagi' kabilahian, molingkudui to sanga-sangalu nu Belento.”

1 YOHANES 2:20

Panyo komiu nohumpakmo Roh nu Tumpu anu i lambe'akonmo i Yesus Kristus ka' mokonyo aijo' komiu iwi-iwi' nonsumbu'mo pangajalan anu totu'u.

1 YOHANES 2:27

Panyo kona hi posi komiu, i Kristus nolambe'akonmo Roh-Nyo hi komiu. Ka' de Roh-Nyo daagi'mo itina' hi komiu, madi'mo palalu ko mian sangga'at mompogulu' komiu. Kalana Roh-Nyomo na mompogulu' komiu mongkona iwi-iwi' na han; ka' apaa na anu pinogulu'akon-Nyomo aijo' totu'u, madi' baleko'. Kalana aijo' komiu tionyo ahi' tulu-tulutan hi apaa na anu pinogulu'mo nu Roh aijo', ka' tionyo ahi' komiu saja' tumuu' mosa'angu' tiba i Kristus.