NOMBILANGMO 17:8 - KITAB NU TUMPU ALLA LELE MA'IMAI'

⁸ Dodododopnyo, salatan i Musa ninsoopmo i Kemah nu Tumpu, tinoanyo tokon i Harun aijo'mo tokon nu tompukan nu tulunan mae nu aha bansa Lewi ninsumpemo. Tokon aijo' mulaimo nimbuhak, nimbuhakmo ka' nimbua'mo ketapang anu motu'amo!

NOMBILANGMO 17:8 Iomraidhean Croise

KAJADIAN 40:10

Kau' anggur aijo' ko panga'nyo totolu'. Sala'je na panga'nyo haha aijo' mongkahanda'imo mihon, lia-lia' na to bunga-bunganyo tinimbokamo, lantas bua'nyo i nahamo.

MAZMUR 110:2

Lengkat mae i Sion Tumpu mompodaka'mo kalaja'an nu beleyum; kuasaimo na aha anu monsampobali' beleyum!

NYANYIAN ANU TALASANGGO 2:3

Sumomo kau' apel itotonga' nu to kau-kau' nu alas, sumo aitumo na sindua'anku itotonga' nu to momo'ane. Sanang hondo na aku mingkong i patuunyo, bua'nyo inyamitkumo matami' hondo.

YESAYA 4:2

Po ule'je toka na tempo'nyo nu potimbalimo nu Tumpu na sosu'anon iwi-iwi' ka' mule' kau' tumuu'mo ka' daka'mo ilipu' aiya. Toka isinaa aijo' aha mian nu Israel anu salamat mongoai'mo kabilahian ka' sanangmo na kinyonyoa kalana nohumpakmo hasin nu ale'nyo.

YEHEZKIEL 17:24

Iwi-iwi' na kau' anu daagi' ilipu' nu mian saidi' mae mangalati'je taalu' Akumo ahi' na Tumpu. Kau' anu matangkas Ku taa'mo; kau' anu hede' Ku potumuu'mo da matangkas hondo. Kau' anu tumuu' molunou Ku pomanggasmo hondo-hondo; ka' mule' kau' anu nanggasmo Ku potumuu'imo sumpenyo ka' bunganyo. Aku, Tumpu, notataemo, iwi-iwi' na potataeng-Ku saidi' mae tionyo ahi' jadi.”

YEHEZKIEL 19:12

Panyo ia ginautmo nu lima nu to mia-mian anu pinusamo, lapas aijo' ilumbu'akonmo i tano'. Mombun anu lengkat mae isasu Kabete'an, nomanggasimo bua'nyo anu ma'ima'. Panga'nyo nopato'mo ka' nanggasmo lantas pinapuanmo.

YEHEZKIEL 19:14

Batang nu anggur aijo' kinaanmo nu apu anu nolele, panga'nyo tiba bua'nyo nopapumo ingko-ingkot. Panga'nyo tempo uuka aiya madi'mo nahoson, madi'mo timbali obau tokon nu kalaja'an. Aijo'mo na haang anu saja' opo uli-ulit na onyanyiakon nu aha mian.

NOMBILANGMO 16:5

Lantas ia notataemo hi Korah ka' anu monsangaja'imo ia, “Dodop daagi' subu Tumpu mompotoamo hi kita ihe na anu jinadimo anu-Nyo ka' ihe na anu samata-mata mombau kapalaluan-Nyo. Mian anu pinile'an-Nyomo atina' na anu nupobee' mongohani Ia.

NOMBILANGMO 17:5

Tokon nu mian anu Ku pile'imo atina' minsumpemo. Tiba jalan anu sumo aijo', Ku pobelentimo na pososon nu to mia-mian anu saja' monsosoli belemiu.”

NOMBILANGMO 17:9

Ingalamo i Musa na tokon haha aijo' iwi-iwi', lantas pinotoanyomo hi aha mian nu Israel. Tinoamo nu aha apaa na anu jinadimo, lantas toto samian na polaya' haha aijo' po'ule'mo mongala tokonnyo.

IBRANI 9:4

I uno nu salipi' aijo' daagi' ko mezbah mosoni' na binau bau pompapuian kamangian, ka' daagi' mule' ko Peti' Palajanjian. Peti' aijo' i lapisan songko-songko nu mosoni'. I uno nu Peti' aijo' daagi' ko kuhon mosoni', isinyo manna, tokon i Harun anu ninsumpemo, ka' ohua' na kobakan nu batu bau pinontulisan; anu kiijo' tuli-tulis sampulu' na palentah nu Tumpu.